[align=center]كل سنة وانتم طيبين ... عيد سعيد انشأ الله

امس الجمعة بعد الصلاة مباشرة ذهبت لادريان الهرم لتركيب جهاز انذار لعربية اخويا السيراتو المانيول





أدريان الهرم

كان عنده انواع متعددة كلهم صينى بداية من 175 جنيه الى 320

اخترت موديل الريموت فى المفتاح يعني الريموت به سلاح يمكن ان تصنع عليه مفتاح العربية عند بتاع المفاتيح

الموديل ده اسمه روكت معاه ضمان لمدة سنة من تاريخ التركيب وتمنه 250 اخذته ب230 شامل التركيب و10 جنيه للفنى اللى ركب و20 جنيه علشان نطلع عى المفتاح

الفنى اللى ركب كان شاطر ونضيف فى شغله ... وسريع استغرق حوالى 40 دقيقة من البداية الى النهاية

اسيبكم مع الصور .....



خالد بيفك البلاستيك اللى مغطى وحدة السوكتات الرئيسىة لضفيرة السيارة




بيشوف مصدر كهرباء السنتر لوك



طلع احشاء العربية ....هاهاهاهاهاها





بيشوف مصدر كهرباء قفل الشنطة كان هيطنشه بس على مين ده ان كنت وقفله بالمرصاد

(بيقولى هو انت عاوز تأمن الشنطة؟ فقلتله طبعا!!!!!!)

بس لحظو ان الفريم تحت التبلوه بلاستيك ؟؟!!! فين ايامك يا تمبرا





هنا وصل وحدة الانذار الرئيسية ...ومنظر لعبكة الاسلاك يخض



ركب السارينة



ركب الـ LED اللى فى الزجاج (طلع احمر مش ازرق)










ده شكل الريموت وباين شكل المفتاح البلانك اللى هنطلع عليه مفتاح للعربية

المهم الفنى شغله نضيف وكان حريص فى الفك والتركيب وكان بيقفل شغله كويس جدا ولا اسلاك طويلة ولا حاجة خارجة وكله تمام ماكنش عليه بالنسبة لى ملحوظات بس انا كنت واقف على ايده

حاجة كمان الستيل الجديد بتاع المنتدى حلو بس طلع عينى علشان اعمل الموضوع بالصور وكمان مش عاوز يشتغل على الفايرفوكس واضطرنى انى اشتغل على الاكسبلورار مع انى باكره جدا ياريت تشوفولنا حل .

شكرا جاهز لاى استفسار

[/align]