ممكن توضيح للشكاوى المختلفه دىاقتباس:
نا شوفت ناس كتير في التوكيل بتشتكي شكاوي مختلفة
شكرا
عرض للطباعة
ممكن توضيح للشكاوى المختلفه دىاقتباس:
نا شوفت ناس كتير في التوكيل بتشتكي شكاوي مختلفة
شكرا
الشكاوى الاخرى اللي شفتها في التوكيل متنوعة، ناس الطنابير باظت منهم على ٢٠٠٠ كيلو، التوكيل بيتخانق معاهم وبيقوللهم انتو غسلتوها وهيا سخنة فباظت، وناس عندها مشاكل في سيرفو الفرامل والتوكيل هو اللي قال السيرفو محتاج يتغير وبعدين لما كلمو المصنع ولقوه غالي قالو هو سيرفو السينترا كدا وفىاملها بتعمل صوت ومرضيوش يغيرو حاجة ، وحاجات تانية كتيير ، المشكلة ان دا كان اوتو اجيبت المفروض انه من احسن مراكز الصيانة عندهم ، بس تقول ايه هيا منظومة كلها بايظة وللاسف اسم نيسان اتبهدل في آخر ٤ سنين بسوء جودة الصني والسينترا اللي كلهم عيوب تودي في داهيا .نصيحة لأي حد بيفكر يشتري بلاش سينترا ولا صني
السيراتو انضف ١٠٠٠ مرة من السينترا، السينترا لا تقارن بالكرولا تماما ولا حتى بالياريس، جودة تويوتا بعيدة جدا عن نيسان ، زمان من ١٠ سنين كان ممكن نقارنهم لكن بعد ما حصل الاندماج مع رينو انخفضت جودة نيسان واصبحت اقل من باقي الشركات اليابانية عشان تقلل السعر وتنتشر ، لدرجة ان الكوري بقى انضف منها بمراحل، انا بعد تجربتي المريرة مع السينترا قررت مجيبش نيسان تاني ، بهدلتني وخسرتني كتير ، مع انها كانت بنفس سعر السيراتو لما كنت باشتري في ٢٠١٦، للأسف بعد كدا لما جيت ابيع خسرت فيها ، دا غير ان سعرها نزل في الجديد وبقى الفرق بينها وبين السيراتو حوالي ٥٠ الف جنيه بعد ما اقبال الناس عليها قل ومشاكلها طلعت .
فعلا مشاكل كتيره وكبيره لعربيه زيرو
حضرتك فى 15000 كم اشتكيت من:
1- كومبريسور التكييف
2- طلمبه مياه
3- سيور اتقطعت
4- فرامل سيئه
5- قطع غيار مش متوفره
6- تكبييف سيء
7- توكيل سيء
كويس ان حضرتك بعتها
زمايلى اللى معايا واحد عامل 30000 كم والتانى لسه مكمش 5000 كم والاثنين بيشكروا فيها
طبعا انا هاخد على كلام اللى عمل ال30000 كم.
سؤال على جمب: هل دفعت اى حاجه لتصليح العربيه ولا اتصلحت فالضمان- ثانيا: حمايه المستهلك وصلت معاهم لايه؟
شكرا على الايضاح
ملخص الاعطال
1- التكييف باظ .. ( ممكن قطع السيور كان بسبب التكييف البايظ .. و بالتالى الطلمبه فصلت لان السيور اتقطعت ) .. لكن السؤال هل عيب التكييف حاله فرديه ام شكوى متكرره ؟؟
2- شكوى من الفرامل .. قد يكون بسبب استعمال مواد اقل جوده فى التجميع المصرى .. مجرد تخمين
3- توكيل غير متجاوب مع العملاء
و الشيئ العجيب ان سواء التكييف او الفرامل كانت دائما من مميزات نيسان المعروفه باداء ممتاز ( قديما )
يبدو ان الوكيل اساء كثيرا لاسم نيسان للاسف ..
و ايضا ملحوظتك عن اندماج نيسان رينو قد تكون ايضا سبب فى انخفاض الجوده ( و لكن ليس عندى اى معلومه تؤكد ذلك او تنفيه )
حته الشراكة مع الرينو أدت لخفض الجودة دي استبعدها لأن رينو معروفة بجودة قطع الغيار و التقفيل الداخلي و دا كان باين جدا ف بعض موديلات الرينو اللي نزلت مصر زي الفلوانس .. التفسير الأقرب للمنطق لأن قطع الغيار تنزل للمستوى الردئ دا " وإن كان دي أول شكوى من نوعها اسمعها لنيسان سنترا " هو التقفيل المصري
انا سألت واحد صاحبي مستورد قطع غيار، قالي العربية مافيهاش عيوب تقيله، مافيش شكوي عامه من اغلب الملاك من حاجه معينة، يعني شكاوي فردية مش عامة.
ياريت اللي يعرف حد معاه العربية يسأل و يقولنا بردو.
انا كنت من ملاك العربية والشكاوي مش بس تقفيل مصري ، العربية كإنك راكب صيني ، سوء مكونات السيارة وكل شوية حاجة تبوظ، جودتها سيئة جدا جدا وتوكيل وصيانة اسوأ وحجم شكاوى كبير جدا
استاذ ابراهيم انت برضة فى جروب نيسان اوتو بسبب مشكلة فردية حصلت معاك اتعقدت منها ليك حق بس مش معناها انها عربية وحشة ابدا واللي حابب السيراتو بنفس الاوبشن يزود 70 الف ويجيبها وانا عن نفسي وقتها لا دي ولا دي هاجيب الكورولا ما علينا المهم فى سعر ال275 دلوقتى بنفس الاوبشن يا هي يا بيجو 301 يا بروتون ساجا يا النترا اتش دي يا الكروز الشكل الجديد تقفيل الصين يا لانسر شارك يا اكسنت ار بى وبصراحة فى الكومبكت سيدان كلاسيك انا شايفها الافضل وفقا لراى الشخصي ومفيهاش العيوب اللى مةتور بياكل زيت ولا مفيش فرامل ولا جابت فتيس زي موديلات تانية اعلى منها وعشان كدة القيمة مع السعر ممتازة ورابع اعلى مبيعات الشهرين اللى فاتوا وافضل تفقيل مصري فى السوق مصنع نيسان لو قارنتها بغيور ومنصور
هو المشكلة فى مجرد التقفيل ام فى عدم جودة القطع؟