نيسان صني ٢٠١٣ ما بتدورش بمزاجها

**zalpany2000** · 23-04-2017 01:22 PM

صباح الفل...معايا نيسان صني ٢٠١٣ اوتوماتيك ..بطارية فارتا ٤٤ جديدة ماكملتش شهرين ...العربيه مرتين الأسبوع ده ما تدورش ... اول مرة خلعت كابلات البطارية ورجعت وصلتها دارت ...تاني مرة حتي الريسيت ما دورهاش ...غير بعد محاولات كتير ومراجعه علي الفيوزات .... اخر محاولة لتوصيل البطارية دارت ... ونورت لمبة التشيك انجين... التوكيل كشف عليها قال عيب بطاريه ...وبتاع البطاريات بيقول البطارية سليمه وقاسها... رجعت التوكيل تاني ... قالولي الكهربا سليمه ومافيش أكواد ايرور...دلوقتي انا محتار أغير البطارية وأمري لله ...بس خايف يكون عيب حاجه في الكهربا وتغيير البطارية ما يحلهوش خصوصا انها بتدور عادي معظم الأوقات بالبطارية اللي راكبة فيها ... حد قابل مشكلة زي دي؟

**amr011111** · 23-04-2017 04:20 PM

طالما بتقول انك لما فكيت كابلات البطاريه وركبتها اشتغلت ممكن يبقى القواطيش مملحه وعاوزه تتصنفر وتتمسح بقماشه مبلوله ميه سخنه

**zalpany2000** · 26-04-2017 01:48 PM

تم تغيير البطارية ... والعطل تكرر ... العربية وقفت ورفعتها علي ونش وحاليا في توكيل السبع .... غالبا عطل في علبة الفيوزات

**Colin Chapman** · 27-04-2017 05:08 AM

اكشف على بوبينة كهرباء البوجيهات او ريلاى طلمبة البنزين او طلمبة البنزين نفسها مسدودة ومليانة شوائب !!فلتر الهواء وفلتر البنزين اتغيروا امتى اخر مرة والعربية ماشية كام الف كم وبتستعمل بنزين كام اوكتان والتفويل من بنزينة اسمها ايه عليه ماء ولا لاء وكام اوكتان ؟!
كل ده يجب ان تضعه فى الاعتبار !! لو ليها حساس فى عمة الهواء يبقى برضه نكشف عليه؟!