ايهما افضل نيسان صني ولا النترا hd مصري

**احمد حسام90** · 24-04-2017 02:08 AM

انا على وشك اني اشتري عربية و محتار بين الانترا hd abs ebd و نيسان صني و قرار مش عارف اتخذه حتى الان.

**عبدالله الناصح** · 24-04-2017 03:21 PM

نيسان صنى بدون تردد...سيارة كويسة وتوكيلها محترم..

**doooom** · 24-04-2017 05:10 PM

خليك ف الهايونداى
قطع غيار واستهلاك بنزين واكسسوارات متواجد ومتوفره و عند البيع هتتباع اسهل ومفهاش غير العيوب اللي الكل مرتاح فيها
ثبات وحش بعد 120 و العزل مش قد كدا بس مقبول كويس
اما النيسان سفااااحه بنزين وخصوصا لو اتوماتيك
الكورى بقا كويس اوى اليومين دول احسن من زمان
النيسان عاليه عن الارض و اعتماديه اكتر شوية من الهايونداى بس فرق مش شاسع يعني
ف مصر مفيش عربيات اساسا

**scientist9508** · 18-05-2017 10:51 PM

هيونداى أفضل

**tasaka** · 19-05-2017 04:15 AM

الاثنين عربيتين حلوين

بس اعتقد الهونداى حتكون افضل .. مجرد انطباع موش عن تجربه

**omar.abbas** · 19-05-2017 06:29 AM

نيسان صنى سفاحه بنزين فعلا بس ثباتها احسن من hd اعتماديه لابعد الحدود قطع غيارها اغلى من hd

**عبدالله الناصح** · 19-05-2017 06:22 PM

جربت نيسان صنى...لا سفاحة بنزين ولاحاجة..كانت بتشم بنزين

**salam100100** · 21-05-2017 08:53 AM

نيسان صنى الشكل القديم 1600 س س كانت سفاحه بنزين (n16) فعلا
لكن الشكل الجديد 1500 س س اقتصاديه فالبنزين (n17)
عن تجربه جوه البلد بتعمل من 10 الى 12 كم فى الليتر بالتكييف
على طرق السفر بتوصل ل16 كم /ليتر

حاول تسوق الاثنين وتلم اراء ملاكها على الحقيقه
كنت اتفرجت على فيديو ل"اوتوفندى" على يوتيوب- المذيع رشح الالانترا على الصنى عشان هى احسن فى الجرى

الصنى عربيه عائليه اكتر من شبابيه

**borio1704** · 22-05-2017 02:09 PM

لازم تحدد انت عايز إيه من العربية الأول وبعد كده المسائل ممكن توضح لك شوية..

وفي الحقيقة.. المقارنة مش سهلة...

النيسان صني الجديدة (N17) هي في الحقيقة موديل بينافس مع فئة أصغر من الموديل السابق (N16)..

بمعنى إن المنافسين للصني الجديدة هما تويوتا يارس.. هيونداي أكسنت.. كيا ريو.. بيجو 301.. هوندا سيتي..

أما الصني القديمة كانت بتنافس التويوتا كورولا والهيونداي إيلانترا والهوندا سيفيك...

فما تتوقعش من العربية أداء عالي.. لإنه مش مطلوب منها ... إنما مطلوب منها توفير في الاستهلاك وحجم أصغر للاستخدام داخل المدينة.

الهيونداي إيلانترا أكبر في الحجم.. والموتور أقوى... وصيانتها سهلة وقطع غيارها موجودة بسهولة (خصوصا في الموتور وأجزاء كتير من العفشة) لإن الهيونداي إيلانترا والكيا سيراتو عربية واحدة أساسا... ودول أكتر عربيات اتباعت في مصر في الـ10 سنين اللي فاتوا.

بس مشكلتها الأساسية (من وجهة نظري) إنها موديل قديم.. نزل بعدها جيل كامل وخلص وجه بعده جيل تاني..
يعني حضرتك هتركب عربية معمولة بفكر 10 سنين فاتوا...

الكلام ده ممكن ما يفرقش مع ناس كتير.. خصوصا في مصر نظرا للظروف الاقتصادية.. وفي الحالة دي يبقى الهيونداي تكسب.

وفي جميع الأحوال ... لازم تشوفهم بنفسك من قريب وتقعد فيهم... بتفرق كتير جدا جدا في قرارك.

خد نظرة على الموضوع ده.. يمكن يساعدك..
https://www.nilemotors.net/Nile/329150-a.html (عايز تشتري عربية ومحتار؟؟؟؟ تعالى أقوللك إزاي تختار)

...