تسقيف و دخان و ريحة بنزين عربية بونتو

**xann** · 29-04-2017 04:04 AM

السلام عليكم
انا معايا عربية بونتو 1994
عربية عجيبة جدا بصراحة
المهم طلعت بيها مشوار اسكندرية صد رد و انا راجع لقيت الحرارة معدية النص و فيه صوت تسقيف بيطلع من الموتور كل انا ادوس بنزين و بيعلى طبعا مع لفات الموتور حتى و انا مش دايس بنزين او دبرياج
ملحقتش اسيب العربية تبرد للاخر المهم لما وصل مؤشر الحرارة للربع زودت ميا و مشيت لقيت الصوت بيزيد اكنر من الاول بس بيروح و ييجي و لو كابس على الموتور الصوت بيقل
بالعافية ركنت و الحرارة كانت جايبة اخر العداد و طلعت نمت و نزلت الصبح لقيت الزبت زيادة و الميا تقريبا مفيش
و كذلك مفيش طحينة ولا في الزيت ولا في الميا
زودت ميا و دورت العربية لقيت صوت التسقيف اختفى تقريبا بس تجميع العربية بقى اضعف كتير
و لما بكبس بنزين بيطلع دحان من الشكمان و فيه ريحة بنزين
ايه ده يا جماعة؟

**Colin Chapman** · 01-05-2017 03:39 AM

انا شخصيا لا اتبع نصايح الكتالوج وبستعمل للفتيس المانيوال مع اى عربية زيت لزوجة 140 او 160 موبيل بجيب الجركن الاربعة لتر مقفول واغير عند ميكانيكى امام عينى !!
انا مبزودش زيت لاء انا بغير بالكامل !!
كل 30 الف كم بغير زيت الفتيس وكمان بغير معاه سير كاتينة فى نفس الوقت ده مع اى عربية و50 الف كم للبوجيهات ! وكل سنتين بغير زيت الدركسيون الباور وزيت فرامل الباكم علشان ال abs ميخربش ومياه تبريد حمراء موبيل جركن اربعة لتر للردياتير برضه معاهم كل سنتين !!!

ديه قناعاتى وبكده عربيتك تفضل
عالزيرو دائما !!

زيت موتور دايما تعاون الجركن الاصفر وليس البرتقالى وبغير كل
5000 كم مع فلتر الزيت بس بلاش فلاتر زيت فرام !!
فلتر الهواء بغير كل 6 الاف كم!
وفلتر بنزين بغير كل 7 الاف كم!
وكده تبقى دايما فى السليم !!