الراجل ده من الاخر جاب المفيد بصرف النظر عن أسلوبه الركيك و كلماته السطحية

من برنامج الطبعة الاولى

قال المذيع المسلمانى فى تعليقه عن الاغنية الجديدة لشعبان عبد الرحيم

"إن شعبان عبد الرحيم أو المعروف بشعبولا من الاخر جاب المفيد بصرف النظر عن أسلوبه الركيك و كلماته السطحية "

وأنا عن نفسى متفقة معاه 100 فى ال 100 فى ان شعبولا فعلا جاب المفيد

(بعض الناس متفائلين ان الامريكان اختارو أوباما .... بس أنا مش منهم .... بس فى الاول و فى الاخر و عسى أن تكرهوا شيئا و هو خير لكم ... محدش عارف الخير فين)


كلمات الأغنية

يا سكة الندامة يا دنية الوحوش.. إياك باراك أوباما مايكنش زى بوش..

بوش يخرب بيته باعنا وضيّعنا سنين.... وأوباما الناس فاكرين هيكون صلاح الدين..

ما هو بوش ابن المجنونة شعللها فى كل مكان.. أفغان وعراق وغزة وآخرها سوريا كمان..

هيعمل إيه أوباما فى مصايب بوش وأبوه..

بلاش من بدرى نحلم ليكون الحلم كابوس..

وايييييييييييييييييييييه

خلينا زى ما احنا ما الهم أخدنا عليه.. راح بوش وجه أوباما إيه يعنى هيحصل إيه..

لسه فلسطين محتلة والحرب فى العراق.. والناس عايشة فى مذلة وعداء بيجيب عداء..

مهما هيعمل أوباما ويلف شمال ويمين.. لا هيرجع الحريرى ولا حتى الشيخ ياسين..

سلامتك ألف سلامة يا عم عربى عليك.. قاعد مستنى أوباما علشان ياخد بإيديك..

ولا بوش ولا أى أوباما تانى هيفكر فيك.. يا عربى مفيش غير إيدك هى اللى راح تحميك.

وأييييييييييييييييييييييي ه

كلام فى الجون
بس طبعا مش كلام شعبان
بس أهوه كلام مصرى فاهم أصل الحكاية من غير لف ولا دوران

كلام فعلا جامد

فعلاً جابها من الآخر.:Ta_clap[1]:

الراجل ده اللى هو شعبان بصراحه واقع على كاتب اغانى انما ايه فى الجون بيعرف ازاى يختار الكلمات ويوظفها مع شعبولا فى النهايه بتطلع اغنيه جميله وهادفه رغم سطحيه المغنى والكلمات وان كان مقتنع بيها ام لا

لكن فى النهايه هى السبب فى شهرته لانها بتيجى على الجرح

اسلام خليل ياجدعان يالف الاغنيه فى ثانيه وبمجرد حدوث الموقف

فعلا كلمات جامدة جدا وهية دى الخلاصة.......... بس اللى يفهم

كلمات جمدا جدا

اصلا تلاقي شعبان عبدالرحيم مش عارف مين الحريري ولا الشيخ ياسين
هم كل اللي يهمه انه يغني اغنيه تمشي مع الجو العام وحديث المدينه

الله يفتح عليك يا شعبان كلام متبرمج على احسن لغة برمجة ولا فيجوال ولا اوركل ولاحتى سى++ كمان يعرف يطلع الكلام ده
اخوكم يوسف