الموضوع: مساعدة في اختيار طابعة

السلام عليكم

كنت عايز اشتري طابعة للبيت
يفضل ليزر
اهم نقطة هي الحبارة بتعمل كام ورقة
و توافر الحبارة او سهولة إعادة ملئها
الميزانية لحد 2000

HP Laserjet Pro P1102 Laserjet Printer
HP Laserjet Pro M102a Laserjet Printer
Canon I-SENSYS LBP6030B Laser Printers
Ricoh Aficio SP 100 Black & White Laser Printer

شوف يا باشا ،،

ماعرفش انت اشتريت ولا لأ لإن الموضوع بقاله فوق الشهر ، بس عموما ( و اهو حد تانى ممكن يستفيد )

و انت بتشترى خلى بالك ان فيه طابعات كتيير بقت ب شريحة ( الشريحة دى بتشتغل عدد معين من الورق و بعدها تغيرها ) ، اختراع كدا مالوش اى لازمة بتدفعله 50 جنيه كل كام الف ورقة
فالطابعات اللى شغالة ب شريحة ابعد عنها
ثااانيا ، وفر فلوسك و اسأل ف منطقتك على المشهورين بتوع ماكينات التصوير ( بيع و صيانة ) ، و روح عليهم اشترى طابعة ريكو استعمال خارج ( هاتعمل ف الغلا اللى احنا فيه حاليا 750 جنيه ) ، و اكد عليهم انك مش هاوزها بشريحة .
ميزة الريكو استعمال خارج ان حبرها رخيص و متوفر ف اى حتة ،، و وارد اوربى بتبقى زى الجديدة و صناعتها و عمرها الافتراضى اكتر من الجديد اللى بيتباع هنا .
و مبروك عليك الطابعة ;)