الموضوع: محبس الجن . اللى رايح العمرة

السلام عليكم ورحمة الله ... انا حبيت اعمل الموضوع ده عن تجربة العمرة علشان لو حد رايح المنطقة دى يستفيد .
اولا منطقة محبس الجن هى المنطقة الواقعة خلف جبل ابى قبيس ناحية باب السلام واللى اغلب شركات السياحة اصبحت ب تتعاقد مع الفنادق اللى هناك لان اسعارها فى ظل ارتفاع الريال السعودى اصبحت هى المعقولة شوية .
- منطقة عبارة عن طريق سريع يشبه طريق النصر مثلا يقع على جانبيه مجموعة كبيرة من الفنادق اشهرهم فنادق الاصيل فتجد ماسات الاصيل وكرستالات الاصيل ومرجانة الاصيل الى اخره
- المنطقة دى تقع على بعد 3 كيلو من الحرم عبارة عن نفق داخل الجبل وهناك مجموعة كبيرة من الباصات تقوم بنقل المعتمرين الى الحرم على مدار 24 ساعة
- طبعا فى الذهاب للحرم غالبا لايوجد مشكلة . المشكلة فى الرجوع من الحرم بعد الصلاة طبعا زحام كبير على الباصات . لكن هقولك حاجة بالنسبة لو انت شاب اوراجل صحتك كويسة مفيش مشكلة وهتعرف تركب . المشكلة لو راجل عجوز او معاك ستات فالحل تستنى بعد كل صلاة ساعة على الاقل
- بالنسبة للفنادق فى المنطقة دى لايوجد حولها مطاعم خالص يوجد سوبر ماركات كتير بها الزبادى والجبن والعيش والفاكهة الخ لكن فول وطعمية لا . ويوجد مطعم واحد للغدا بجوار النفق او تاخد مواصلة وتنزل العزيزية هتلاقى كل حاجة
- الفنادق هناك نظيفة وواسعة
- طبعا لايوجد مواصلات خاصة خلاف الباصات يعنى مينفعش تركب تاكسى لان النفق ده مخصص للباصات فقط
- بالنسبة للاسعار هناك . كل حاجة زى ماهى مازادتش المشكلة فى سعر الجنيه
- حاول تاخد فلوس سعودى لان محدش بيرضى ياخد فلوس مصرى
- الاحوال هناك سيئة . السعودة على اشدها . والازمة الاقتصادية فى السعودية ظاهرة حتى فى الحرم لانك ستجد اعمال الانشاءات متوقفة

ارجو اكون افدتكم والسلام عليكم ورحمة الله

ثانيا المعتمر بينزل للحرم المفترض 5مرات للصلوات الخمس ..علي افتراض ان 3مرات فقط زحمة يعنى يقضيها تاكسيات ب45 ريال يوميا علي الاقل...هذا لو كان بمفرده..لو كان معه اسرة تضاعف المبلغ....بلاش محبس الجن بالمواسم....