الموضوع: تجربة قيادة للجين 2 موديل 2009

السلام عليكم
كل سنة و الاخوة الافاضل فى المنتدى طيبين

احب اقولكم على تجربة قيادة الـ 2009 مع الاخذ فى الاعتبار انى امتلك الـ 2008 اعتقد ان المقارنة هاتبقى موضوعية

* عربيتى و العربية اللى انا جربتها اوتوماتيك
* الشكل الخارجى للعربية من بره افضل و احلى و ان كانت التغييرات خفيفة بس للافضل و الصور موجودة على المنتدى و اى حد منكم يقدر يقارن علشان ماطولش عليكم
* الصالون طبعا احلى و اجمل بكتير من الصالون القديم و تحس من اول ماتركبها ان فى اختلاف الباب اعرض من 2008 لانهم نقلوا تحكم الزجاج و المرايات فى ذراع الباب فحسيت انها اضيق حاجة بسيطة و هو فرق لا يلاحظ
* الحركة البايخة الوحيدة انهم لغوا الساعة التحفة اللى كانت موجودة فى التابلوه و حطوها جوه لوحة العدادت ( تغيير فاشل من وجهة نظرى )
* توكلت على الله و طلعت بالعربية و اول ملاحظة ليا ان الفتيس انعم فى نقلاته لا يختلف عن الهوندا السيفك اللى انا لسه مجربها من يومين
* النقطة اللى كنت عايز اركز عليها هو الفرق مابين الموتور الكامبرو العادى بتاعى و الموتور الـ iafm و للاسف الشديد جدا ان الفرق موجود و لكن ضعيف موش الفرق اللى انا كنت متخيله خالص و دى نقطة محبطة شوية لانى متخيل انى هابقى راكب عربية تانية
* العربية انعم من الموديلات القديمة و صوت الموتور اهدى شوية مع العلم بانها لسه فى التليين و المفروض انها هاتهدى كمان عن كده

بدون اطالة عليكم طلعت بنتيجة ان مو 2009 افضل من 2008 و لكن الفرق موش رهيب زيى ما الناس ممكن تكون متخيلة علشان ماحدش من اصحاب الموديلات القديمة يبقى عايز يغير علشان يركب مو 2009
و الافضل اللى عايز يغير يستنى بقى الـ cps اذا نزلت

فى انتظار تعليقاتكم و ردودكم

[align=center]دائما معك الجديد يا استاذ/احمــد....بجد حضرتك من الناس الواحد بياخد كلامهم ثقه...الف شكر ياباشا عالتقييم ...وانا شايف ان الجين حلوه فى كل الموديلات

وكل سنه وحضرتك طيب[/align]