حمد الله ع السلامة وكل سنة وانت طيب
عرض للطباعة
حمد الله ع السلامة وكل سنة وانت طيب
حمد الله على السلامه وربنا يحفظك ويحفظنا من كل سوء
الف حمد الله علي سلامتك
و الحمد لله انها جت علي قد كده
فعلا موضوع عدم النوم ده بيبقي عامل مهم اوي في معظم حوادث الطرق
حاول حضرتك بعد كده تريح نفسك و تبقي نايم كويس قبل ما تسوق
و اهم حاجة انك انت بخير
اولا الحمد لله على سلامتك وربنا سترها معاك , لكن الوم عليك القيادة وانت مجهد حتى ولو كانت قوة تركيزك عالية دى حاجة وعليه لو اضطريت للضرورة القصوى ان تسوق بالحالة دى فبأى حال من الأحوال متزودش عن 80 او 90 كم /س ليتناسب رد فعلك مع اى حدث فجائى , حكاية اللانوس فباعتقادى انا ان ربنا وحده هوه الستار حتى لو اامن عربية فى العالم بس احنا ناخد بالأسباب ولا نلقى بأنفسنا للتهلكة ,
مرة أخرى الحمد لله على سلامتك , وكل عام وانت بخير .
حمدا لله على سلامتك
والحمد لله إنها جت على قد كدة
حمد الله علي سلامتك وربنا ستر
الف سلامة عليك
انا بردو كنت على الدائري فلقيت حاجة كدا شبة الصخرة
قولت اهدي شوية عشان افاديها
لقيت العربية بتحدف شمال رهيب على الخرسانة و هوب لقيت العربية بتتقلب بيا
وسط الدائري
و بقى سقف العربية في الارض و الكاوتشات في السما
افتكرت ان في ترلة هتيجي تخبطني و لا عربية او ان العربية تنفجر
روحت طلعت برة علطول و الحمد لله محصلش حاجة اكتر من القلبة
الناس عدلوا العربية
المفروض اني فاكر ان الرفرف الشمال دة كلة كدا مدمر عشان هو اللي راح ناحية الخرسانة
ببص لقيت الجنب الشمال اللي المفروض اتخبط مفيهوش خدش واحد و لقيت كام خدش كدا بسيط في الجنوط الشمال
المشكلة كانت عندي في الفرامل
و مكنش في حد عارف يعملها حاجة و غيرت الطنابير كلها و الخراطيم كلها و الحمد لله اتحلت
بس بعد عذاب مع ان العربية 128 و الحمار يفهم فيها بس مكنش في حد فاهم
الحمد لله على كل شئ
حمد الله على سلامتك
اشكر ربنا انه قدر ولطف
شكرا يا جماعة
الحمد لله ان جت على كدة
انا لحد الأن مش شايف قدامى غير منظر الخرسانة وانا داخل عليها
بس انا مش عارف برضو لحد دلوقتى دة حصل ازاى انا مكنتش دايس فرامل جامد انا كنت بهدى خفيف لكن معرفش اية الل خلاها تمسك جامد كدة والعجل يصرخ
يمكن مشكلة فرامل ولا يمكن العجلة كانت فرقعت اصلا وانا محستش بيها لان مبتبانش فى العربية لو العجلة حصل فيها حاجة
والف سلامة dr_abooody
مش مهم العربية المهم انك بخير