الموضوع: دبرياج a516

طبعا اول حاجه بحب اشكر كل الناس الي تعبو في الموضيع المفيده في احسن منتدي مختص في السيارات في مصر
عندي مشكله حبيت اطرحها عليكم علشان اخد بنصيحتكم

العربيه a516
الي حصل ان العربيه الدبرياج من غير سابق انذار نزل للاخر ومرضاش يطلع طبعا عادي اني ارجعوا بايدي بس اول ما ينز ميطلعش
رحت عن ميكانيكي جنب البيت بس مبثقش في كلامه علشان بحس انو خبرته موش قد كدا وجدبتوا في حجات كتير بس لما بكون مطر
المهم فتح الكبوت وبص من النص كدا ورا الماتور وقلي دي طقم دبرياج ( اسطوانه ودسك وبليه ) وقلي ان عيب العربيات دي انوا لازم يطلع الماتور بره العربيه علشان يغير الحجات دي والموضوع بياخد يومين شغل
طبعا انا مقتنعتش باي حاجه من الي قالها
فحبيت اسالكم هوا كدا فعلا محتاجه تغير طقم دبرياج مع انها معملتش اي حاجه بتدل ان فيه حاجه
طبعا هوا ممكن يبقه حاجه تانيه زي ماستر دبرياج او الصراحه محبتش افتي فحبيت اخد رآيكو

العربيه موديل ٢٠٠٧ ماشيه ٣٠ الف معملتش فيها حاجه في الدبرياج قبل كدا بس هي هي مفيخهاش اي مشاكل خلتني اشك فيه