كباس التكييف يعمل ليلاً فقط

السلام عليكم ورحمة الله
أنا معايا سبيرانزا تيجو 2010 والتكييف عندي فيه مشكلة عرضتها لحد دلوقتي على 3 كهربائية
وصارف فوق الـ 1500 جنيه علشان بس أحدد مكان المشكلة ومحدش عارف يقفشها ..

كمبروسر التكييف عندي بيشتغل بس لما العربية تبقى باردة .. يعني الصبح بدري أو بالليل
أما لو مركونة في الشمس الكمبروسر مش بيلقط خالص .. لازم استنى لحد المغرب مثلاً علشان يشتغل
مع العلم ان لما الكباس بيلقط حتى لو كان العصر مبيفصلش خالص
وده اللي مخلي الكهربائية مستبعدين ان المشكلة تكون في الكباس علشان مش بيقطع
بيقولوا عندك حاجة تانية في الكهربا.

أفيدوني أفادكم الله

https://www.nilemotors.net/Nile/498673-a.html
الرابط

السلام عليكم ... هو حضرتك دا عيب حساس ضغط فريون المفروض عند درجة حراره 65 اعتقد ضغط الفريون بيتضاعف فالحساس بيفصل كهربة الكباس...فى الحاله دى عند حضرتك هو باظ وبيخرف وبيقيس غلط انا مش فاكر الحقيقه اسم الحساس دا ايه بس غالبا حضرتك هتلاقيه على فلتراو مكثف الفريون ...بالتوفيق باذن الله ... ملحوظه انا عندى لغيته تماما وعملت كوبرى فى الفيشه

متشكر جدا على تواصل حضرتك معايا انا المشكلة ديه مجنناني ولسه متحلتش .. اخر واحد كنت عنده من كام يوم قلي طابعة علبة الفيوزات بايظة ومش بتوصل كهربا للكباس.. وعملي وصلة كهربا للكباس من البطارية ع طول تشتغل بمفتاح من جوه التابلوه.

لما جربت المفتاح تاني يوم في الشمس .. العربية قعدت تنتش وسمعت صوت فرقعة في الكبوت وكهربة العربية كلها اتلخبوخلاص.رجعتله وخليته شال العك اللي هو عامله.

حساس ضغط الفريون؟!
هو حضرتك معاك تيجو لان كلام حضرتك منطقي.. ومتفتكرش مكانه فين بالظبط عشان انا مبقتش عاوزهم يجتهدوا ويجودوا من دماغهم وخلاص.
عموما هجرب واشوف ان شاء الله

اعتقد ان اسم الحساس هاي لو بريشر