مين افضل فى استهلاك البنزين اللانوس و لا الفيرنا ، و يا ريت الردود تبقى من واقع الخبرة العملية
مين افضل فى استهلاك البنزين اللانوس و لا الفيرنا ، و يا ريت الردود تبقى من واقع الخبرة العملية
لانوس بتعمل من 200 ل 240 ك على حسب الاستخدام
معنديش فكرة عن الفيرنا
[msg]لانوس [/msg]تقيله وثابته وعربيه ممتازه بالمقارنه بالفيرنا
بس على ما اعتقد ان الفيرنا بتوفر بنزين اكتر وهى الشكل الاحدث
لانوس انتشارها فى العالم كبير وده مخلى قطع غيارها ماليه البلد، فيرنا انتشارها فى العالم اقل وطبعا تحت اسم اكسنت مش فيرنا.
عن تجربة اللانوس كانت بتعمل معايا 190 كلم فى الصفيحة و قيادة عادية جدا و انا باتكلم عن اللانوس 1 مو 99 مقارنة بالاكسنت 99 اللى كانت بتعمل 240 فى الصفيحة
بالنسبة للجديد انا شايف ان الفيرنا استهلاكها ممتاز اما اللانوس فاستهلاكها اكثر بحاجة بسيطة
متهيألى اللانوس استهلاكها اكثر شوية بتعمل 200 فى الصفيحة
معايا في الفيرنا بحسبها بعداد الرحلات
بنزين 92 على موتور 1600
250 بــ30
بمعنى اصح بقول للراجل بتاع البنزينة حت بــ30 ج
واصفر العداد واتوكل وده طبعا في طريق مفتوح ((سفر ))
الفيرنا ع السريع بتعمل فى الصفيحة 320 كيلو بدون تكيف
300 ع السريع بتكييف.
جوة البلد لو زحمة 90 % بتعمل 200 كيلو بالتكيف
لو شوية زحمة وشوية سالكة بتعمل 240 ومرة عملت 260 بس معملتهاش تانى بالتكيف.
ما تقارنش جامد فى موضوع البنزين ده
هتكسب فيه الفيرنا بس اللانوس هتكسب فى باقى الأساسيات
و الفرق بينهم فى موضوع استهلاك البنزين برده مش الفرق الفظيع
من واقع خبرتى فى مجال ايجار السيارات الاتنين حريقه بنزين جوه البلد بالذات اللانوس
لكن لو مقارنه بالاتنين الفيرنا اقل استهلاك رغم ان سعه الموتور اكبر من اللانوس