طفولة بس مسخرة بس بريئة

**Noha-Esmat** · 07-12-2008 11:05 AM

يا جماعة كل سنة و أنتو طيبين أولا :k10::k10::k10:

ثانيا أنا قلت نعمل موضوع لذيذ كده يفكرنا بأيام الشقاوة بما إن أغلبنا أجازة و قاعدين فاضين بعيد عن هم الشغل و مشاكله و رخامته و أتامته و .............. ما علينا أنا بقول نرجع لموضوعنا

الموضوع بقى (واللى بتمنى إنه ميكونش مكرر ... هما صحيح بيعرفو منين ان هوا مكرر .... ما علينا برضه...) الموضوع ان كل واحد يقول على حاجة موقف أو حركة كان بيعملها و هوا صغير بس لازم الموقف ده يتسم بالبراءة و الظرف و الخفة و اللذاذة و كل حاجة حلوة و مفيش مشكلة ان يكون فيه شوية خبث و شر برضه بس فى حدود المعقول طبعاً

أنا هبيتدى الاول و انتو كملو

أنا ترتيبى بين إخواتى التانية .. ليا أخت أكبر منى .. و أخ أصغر منى
و واضح من الترتيب ده انى طبعا الوسطانية و فى انطباع عند الناس ان الطفل الوسطانى ده بيكون عنده عقد نفسية مكبوتة (مش عارفة ليه بالظبط )

المهم الحكاية دى حصلت و أنا عندى بتاع 3 سنين كده ... كنت باقعد ابربش كتير أوى أوى و الموضوع ابتدى يقلب بقلق عند أهلى لغايط ما ودونى لدكتور عيون و قلهم دى بتمثل عليكم عشان تهتموا بيها أكتر شوية ( قال عقد نفسية قال ) طلعت بهزر فى الاخر و عاوزة اعملهم حاجة تسليهم و أهو ينزلو يتمشوا شوية بدل ما يتفرجو على التلفزيون

تانى حكاية و دى كنت كبيرة شوية (شويتين الصراحة)

كنت فى 3 اعدادى و مكنتش بطيق حاجة اسمها مدرسة و اللى زاد و غطى ان احنا كنا بتاخد مجموعة صباحية اجبارية بتبدأ من الساعة 6:45 أظن مفيش افترى اكتر من كده المهم أنا قلت هوا أنا كل يوم هانزل 6:15 عشان المجموعة دى بلها مجموعة صباحية و كفاية بتاعت بعد الضهر و خلاص .... رحت زى الشاطرة داخلة على الناظرة و قلتلها يا ميس ماجدة أنا باجى بعربية خاصة و بتوصل ولاد فى مدارس تانية و هشان كده بتأخر و أنا يا ميس ببقى نفسى أحضر المجموعة بس مش بلحقها طبعا الست بصتلى بتأثر و قالت فى نفسها ايه العيال المجتهدة دى و كتبتلى ورقة زى تصريح كده ان احضر المجموعة حتى لو جيت متأخرة و طبعا استغليت الموضوع ده أسوأ استغلال و بقيت باجى قبل ما تخلص بربع ساعة و اللى يفتح بقه معايا اطلعله الورقة بتاعت الناظرة

**muslimah_dentist** · 07-12-2008 12:35 PM

ياه يا نهى ديه أجازة العيد بتطلع بلاوى....

طيب أبتدى أنا كمان

و أنا صغيرة فى ابتدائى(يعنى تالتة ابتدائى كدة) كان نفسى ماما تغيرلى الحلق الدهب اللى أنا لابساه أصله ماكنش عاجبنى ( عندى شخصية من صغرى) المهم قعدت أتحايل عليها بس هى برضه مُصممة و مش عايزة تغيرهولى ، رحت قعدت أفكر بطريقة لئيمة و قلت : طيب هيتغير هيتغير ، فقلت ايه : أنا أقعد ألخلخله من ودانى حبة حبة يعنى كل شوية أقعد أفك فى البريمة لغاية أما يقع لوحده و ساعتها ماما مش هيرضيها و هتغيرهولى و بالفعل ده هو اللى حصل و أما وقع من ودانى قعدت ماما تدور عليه بس وقع و خلاص و طبعاً عشان أسبك الدور قعدت أدور معاها على الحلق اللى وقع من ودانى و فى الآخر جابتلى الحلق اللى كان نفسى فيه ( بصراحة كانت طفولة مُتشردة و الحمد لله أنا ماما مابتقراش الموضوع ده)

**Terrible_DaRsH** · 07-12-2008 01:31 PM

هههههه طفولة بريئة جدا ...
الموقف الوحيد اللى متذكره ..
كنا فى الفسحة وكنا فى 2 ابتدائي وكنا بنلعب بكورة صغيرة كده ..
وفى يوم الكورة ضاعت فقعدنا نلعب بزلطة صغيرة .. وفى اخر الفسحة رحت شايط الزلطة دى جامد وجت فى السلم ورجعت فى وش المدرسة بتاعتنا ..
اخدت 4 غرز فى دماغها ..ولما سالوا مين اللى شاطها محدش رد كله سكت ...
كلنوا عيال رجالة بصحيح .
رحت عامل ايه انا !!! رحت رايح للناظر وقايل له الواد احمد اللى شاط الطوبة فى وش المدرسة علشان ضربته 5 عصيان فى الحصة اللى فاتت ...
ههههههههههههههههههه
اخد رفد اسبوع وجاب ولى امره ...وقعد يقولهم مصطفى اللى شاط الطوبة ويحلف وهما مش مصدقينه والغريبة بقي ان الفصل كله اعترف عليه بكده مش عارف ليه ..!!
كل ما نفتكر الموقف ده انا وهو نضحك ضحك فظيع ...

**Dr.A.Nabil** · 07-12-2008 06:42 PM

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

.............................
مش عايز تعليقات ظريفه !!!

**MoDyBeNz2008** · 07-12-2008 06:58 PM

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

ههههههههههههههههههههههههه ههه

جامدة دي مش قادر امسك نفسي من الضحك

استنوا بس دة انا كنت بعمل بلاوي بس افتكرها

**MoDyBeNz2008** · 07-12-2008 07:10 PM

ايوة افتكرت

زمان ما كنت في 4 او 5 ابتدائي كنا بنلعب كورة في المدرسة و كان السور واطي فالكورة وقعت على سطح البيت اللي جنب المدرسة فعملت فيها السوبر هيرو اللي هيجيب الكورة هوب اتشعبطت و نطيت عالبيت اللي جنبنا (اصحابي سندوني علشان اطلع علشان انا من القصيرين اوي) المهم جبت الكورة و رمتها ليهم اجي انط من عالسور مش طايل المهم فضلت بتاع دقيقتين احاول بعد كدة زهقت المهم نزلت من سلم البيت و خرجت من الباب و جيت اخش من باب المدرسة ألاقي مين المدير افتكرني مزوغ و يومها خدت5 عصيان بالخرزانة اللي هم يعني علشان محدش من العيال دول رضي يشهد اني كنت بجيب الكورة.

**aif** · 07-12-2008 07:49 PM

الموقف ده حصل مع واحد قريبي ...
كان واخد الشهادة وكلها كحك ... ساقط في معظم المواد
- جبت الشهادة
- ايوه يا ميس
- .... دي مش متوقعة من ولي الامر ... بابا ما وقعش ليه ؟
- بابا مسافر يا ميس
- طيب ليه ماما ما وقعتش ؟
- ماما مش بتعرف تقرأ وتكتب يا ميس
- مش بتعرف تقرأ وتكتب ؟؟؟؟؟؟؟ يا كذاب ..... يا قليل الأدب ......... دي ماماتك كانت المدرسة بتاعتي لما كنت صغيرة ....
وفين يوجعك .... الوالد كل علقة محترمة
كذاب..... و خايب كمان

**Noha-Esmat** · 07-12-2008 09:03 PM

طيب أنا ليا عم اصغر من بابايا و كنت أنا لعبته كل ما يروح اى مشوار ياخدنى معاه و ياما فسحنى كتير

كنت و انا لسة عندى بتاع 3 سنين كده ماشية معاه و تعبت من المشى أو كنت عاوزة أنام مش فاكرة أوى يعنى .... طبعا قعدت امثل ان انا بعيط و انى خايفة من العفريت راح شالنى عشان ابطل عياط.... و اول ما وصلنا عند تيتة ... يا عينى بيقولهم دى نايمة .... روحت قعدت اضحك و اجرى منه و اقوله ضحكت عليك ضحكت عليك .... و طبعا من يومها فقدت مصداقيتى

**MoDyBeNz2008** · 07-12-2008 09:03 PM

بس مرة جبت درجة وحشة رحت مقلدة الامضا بتاعت بابايا

لا دي انا كنت بعملها كتيييييييييير لأني مكنتش بفتح كتاب غير قبل امتحانات اخر السنة

-

الموضوع: طفولة بس مسخرة بس بريئة

LinkBack

أدوات الموضوع

عرض

طفولة بس مسخرة بس بريئة - انشر الموضوع فى :

-

-

-

-

-

-

-

المواضيع المتشابهه

حاجة اخر مسخرة !!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة