السلام عليكم يا (رجاله)
ايه بقي حكاية تسقيط البنطلون ديه ؟؟!!
انا عارف ان الموضوع المنيل ده موجود بقي له فترة ..بس برضه ليه !!
ومحدش معلش يقوللي ديه حريه شخصية ..عشان الشماعه ديه ياما شالت
و ياما استحملنا منها كتييير
عشان انا مش مفروض عليا اني اتامل جمال بوكسر بتاع واحد
وساعات والله بيبقي من غير
و السؤال فعلا ليه؟!
هل هو كدة بقي جامد..ولا بقي شكله كويس ..ولا هو مش هيعرف يمشي مع واحدة الا
لو هو مسقط؟...ولا خفة دم ..ولا هي الموضه هي السبب و هو غلبان يعيني نفسه
يلبس حاجة كويسه بس الموضه الوحشه الشريرة مش مديه للشاب المسكين فرصه
و هيطلع البوكسر بره هيطلعه
يا اخوننا والله كنت مرة بشتري بنطلون من محل في المهندسين ..يقوم الواد الاهبل
اللي واقف في المحل يقوللي خد بقي البوكسر ده هيبقي حلو معاه :K_crying[1]:
في الاول مفهمتش ..بس لما دققت فيه وفي اللي لابسه عرفت..عباره كدة عن حاجه
ملخفنه ..كنت عايز اسمم بدنه بس كفايه عليه الدهوله والمنظر العره اللي هو فيه
طب انتوا عرفين ان فيه بناطيل نازله دلوقتي البوكسر متخيط فيها و طالع براها بتاع 15 سم كده بشكل مقرف بصراحه
مش عارف اقول ايه بصراحه غير ان ربنا يهدي الجميع
بس اللي عنده تفسير للحكايه ديه يقوللي او اللي يعرف يقنعني بها ..والله لو حد اقنعني
لسقط من بكرة و هاحط تاتو كمان..بس حد يقنعني