صيانه ال 160000 و نصائح الزملاء الغاليه

**emadno1** · 07-12-2008 01:14 PM

السلام عليكم
كل سنه و انتم طيبين بمناسبه العيد و اجازه سعيدة ليكم كلكم
انا دلوقت العربيه داخله معايا على ال 160000 فاضلى حوالى 700 كم و انا فى الغردقه دلوقت و نازل اجازه بعد العيد و كنت عاوز اعمل الصيانه بتاعتها و قلت المره دى بلاش التوكيل علشان اتصلت بيهم ادونى رقم فوق ال 900 جنيه مش عارف ليه بينى و بينكم انا موضوع تغيير سير الكاتينه دة بيقلقنى علشان كدة كنت دايما باعمله فى التوكيل طولت عليكم مش كدة
المفروض فى صيانه ال 160000 اغير الاتى:-
1- سير كاتينه.
2- فلاتر زيت و بنزين و هوا.
3- تغيير سير موتور
4- بوجيهات.
5- ناوى اغير رشاشات علشان العربيه بتغيب فى الدواره
ملحوظه
1- انا غيرت البليه و الشداد فى صيانه ال 120000 مش محتاج اغيرهم دلوقت و لا اغيرهم برضه
2- انا سالت على السير اللى مكتوب عليه Gm قلولى كل اللى فى السوق مضروب و صينى هات الديكو الايطالى او الجيتز الكورى الكلام دة مظبوط و لا ايه

و لو حد يعرف حد كويس اعمل عندة الصيانه دى علشان انا مش باتعامل مع ميكانيكيه خالص و معرفش حد كويس و ياريت يكون قريب من مدينه نصر
و لو كهربائى كمان علشان عاوز ازود الاضاءة

**morabet79** · 07-12-2008 03:39 PM

ا gates هوا إالي بييجي مع العربيه " الأصلي"

**emadno1** · 08-12-2008 12:14 AM

نجيب ال gates طالما ده الاصلى
محدش يقولى على ميكانيكى قريب لان مشوار محمد عبدة كبير بصراحه بس لو مفيش اروحله

**mfe** · 08-12-2008 12:31 AM

بص يا سيدى هو فى ورشة شاملة بجوار توكيل ابو غالى الى فى شارع ابن الحكم هى قبل التوكيل بحوالى 100 متر و انت متجه الى ناحية مصر الجديدة عندها محطة بنزين صغيرة تبع الورشة وامامها سوق ضخم للخضار انا جربتهم فى حاجات كتير اسعارهم معقولة جدا و شغلهم نضيف و كلهم مهندسين و عندهم شغل ميكانيكا و عفشة و كهرباء و بيحط لك بيانات العربية على الكومبيوتر انا فحصت العفشة كلها عندهم قبل كده اخد ثلاثين جنيه بس و فك العفشة كلها و ركبها تانى و اى شغل صيانة بعمله هناك بصراحة ممتازين جدا و لكن لم اجربهم فى شغل تقيل قبل كده بس بحس من كلامهم انهم فاهمين كويس العربية لانى قالى على مشكلة الرشاشات قبل كده وقالى هتحتاج تتغير عند 70 الف

**islamkhidr** · 08-12-2008 05:26 PM

المشاركة الأصلية كتبت بواسطة mfe

بص يا سيدى هو فى ورشة شاملة بجوار توكيل ابو غالى الى فى شارع ابن الحكم هى قبل التوكيل بحوالى 100 متر و انت متجه الى ناحية مصر الجديدة عندها محطة بنزين صغيرة تبع الورشة وامامها سوق ضخم للخضار انا جربتهم فى حاجات كتير اسعارهم معقولة جدا و شغلهم نضيف و كلهم مهندسين و عندهم شغل ميكانيكا و عفشة و كهرباء و بيحط لك بيانات العربية على الكومبيوتر انا فحصت العفشة كلها عندهم قبل كده اخد ثلاثين جنيه بس و فك العفشة كلها و ركبها تانى و اى شغل صيانة بعمله هناك بصراحة ممتازين جدا و لكن لم اجربهم فى شغل تقيل قبل كده بس بحس من كلامهم انهم فاهمين كويس العربية لانى قالى على مشكلة الرشاشات قبل كده وقالى هتحتاج تتغير عند 70 الف

جزاك الله كل خير :k10:

بس ياريت توصفلى المكان أكتر علشان أنا من خارج القاهرة وعايز أعمل شوية شغل فى العربية

**emadno1** · 10-12-2008 04:02 AM

شكرا Mfe و كل سنه و انت طيب انا نازل رابع يوم العيد و حاحاول اظبط العربيه عندهم و لو انى كنت بافكر اروح لمحمد عبدة علشان اتعرف عليه و اسئله على شويه حاجات فى العربيه

**emadno1** · 17-12-2008 05:03 AM

بينى و بينكم انا كنت قلقان جدا انى اعمل الصيانه بره التوكيل بس بعد كلامكم كلكم و خصوصا محمد ممدوح طمنى جدا و شجعنى و طلع فعلا الموضوع سهل مش زى ما انا كنت متخيل لدرجه انى ممكن اعمله بايدى دلوقت

محمد السيد عرفنى على محمد هاشم و اتفقنا على الحاجات اللى حاجيبها من عند ابو الحسن و فعلا اسعاره حلوة جدا بس كان عندة عربيه فيها شويه شغل فرحت مشوار و رجعتله بعديها بساعتين بس زعلت قوى لانى عرفت ان محمد ممدوح عدى على ابو الحسن خد منه حاجات كان نفسى اشوفه جدا
بدات شغل مع هاشم و طبعا هريته اسئله عن كل مسمار بيفكه و ليه و بيعمل ايه و بصراحه كان بيرد عليه و بيشرحلى كل كبيره و صغيره لغايه لما غير سير الكاتينه و السيور و الفلاتر كلها
و دور العربيه انا قلبى ساعتها وقع لمدة دقيقتين انا متعود على صوت معين للموتور لقيت صوت غريب زى متكون فى حاجه بتحك هوا ضحك و قلى كلها دقيقتين و مش حتلاقى الصوت دة طبعا انا كان قلبى بيفرفر لغايه لما الصوت فعلا بدا يخف و دقيقتين و راح فعلا بس بعد ما دمى هرب

كنت عاوز اغير الرشاشات بس هاشم و محمد السيد قالولى مالهاش لازمه

**abzoabzo** · 17-12-2008 09:20 AM

المشاركة الأصلية كتبت بواسطة emadno1

بينى و بينكم انا كنت قلقان جدا انى اعمل الصيانه بره التوكيل بس بعد كلامكم كلكم و خصوصا محمد ممدوح طمنى جدا و شجعنى و طلع فعلا الموضوع سهل مش زى ما انا كنت متخيل لدرجه انى ممكن اعمله بايدى دلوقت

محمد السيد عرفنى على محمد هاشم و اتفقنا على الحاجات اللى حاجيبها من عند ابو الحسن و فعلا اسعاره حلوة جدا بس كان عندة عربيه فيها شويه شغل فرحت مشوار و رجعتله بعديها بساعتين بس زعلت قوى لانى عرفت ان محمد ممدوح عدى على ابو الحسن خد منه حاجات كان نفسى اشوفه جدا
بدات شغل مع هاشم و طبعا هريته اسئله عن كل مسمار بيفكه و ليه و بيعمل ايه و بصراحه كان بيرد عليه و بيشرحلى كل كبيره و صغيره لغايه لما غير سير الكاتينه و السيور و الفلاتر كلها
و دور العربيه انا قلبى ساعتها وقع لمدة دقيقتين انا متعود على صوت معين للموتور لقيت صوت غريب زى متكون فى حاجه بتحك هوا ضحك و قلى كلها دقيقتين و مش حتلاقى الصوت دة طبعا انا كان قلبى بيفرفر لغايه لما الصوت فعلا بدا يخف و دقيقتين و راح فعلا بس بعد ما دمى هرب

كنت عاوز اغير الرشاشات بس هاشم و محمد السيد قالولى مالهاش لازمه

يبقى هما شايفين الرشاشات شغالة
الاثنين مابيحبوش يغيروا حاجة فى العربية الا اذا كانوا واثقين 100*100 من ضررها