عرض للطباعة
السلام عليكم ورحمة الله وبركاته
في البداية كل عام وأنتم بخير بمناسبة شهر رمضان المبارك وربنا يتقبل صيامكم وقيامكم وصالح أعمالكم
أنا معنديش خبرة في السيارات خالص ولسه شاري سيارة 128 مستعملة وبتعلم سواقة ولما جيت أغير الزيت لأول مرة بعد ما اشتريتها جبت زيت موبيل1 اللي بيقعد 10000 كيلو.
السؤال هل أقعد بيه ال10000 كلهم ولا أغيروا قبل كده؟
وواحد قالي زيت التعاون كويس فهل ده صحيح؟
ياريت تنصحوني بزيت كويس وجزاكم الله خيرا
ايه يا جدعان مفيش حد عندو رد ....دي أول مشاركاتي في المنتدى
شجعوني مينفعش كده
على حسب صوت المكنة ولو كويسة يفضل تحط زيت 5 الاف اى نوع وممكن امارات مصر زيت نظيف وبيجى مبرشم من برة او لو مش كويسة تحط زيت 3 الاف اى نوع وحاول تحافظ عليه قدر الامكان وربنا يديلك خيرها ويبعدك عن شره
أفضل زيت لعربيتك أو لعربية أي حد تاني هي الزيوت الموصى بيها في كتالوج العربية نفسها...
مش بالآراء... ولا بالتجارب.. ولا بالسمع.. ولا بأي حاجة من دي..
طبعا الكتالوج شبه مستحيل نجيبه دلوقتي.. بس 99% إن التوصيات مش هتخرج عن التوصيات اللي فيات حطتها لباقي عربياتها...
توصيات الزيت لعربيات فيات القديمة (خصوصا في الثمانينات والتسعينات) كانت غالبا بتبقى كالتالي:
اللزوجة: 15W-40
مستوى الأداء: API SG أو أعلى ... يعني تقدر تحط زيوت بمستويات أعلى بدون أي قلق.. وده الأفضل.... إنما العكس ما ينفعش.
المشكلة بس إن اللزوجة دي في مصر دلوقتي بقت غالبا منتشرة في زيوت مواتير الديزل... بس فيه زيوت كتير منها تنفع تشتغل مع مواتير البنزين... والشرط الوحيد إنك تلاقي عليها أي كود من دول:
SG أو SH أو SJ أو SL أو SM أو SN
مش مهم ماركة الزيت... المهم المواصفات... لزوجة ومستوى أداء
وارجع للموضوع ده لو عايز تفهم أكتر...
https://www.nilemotors.net/Nile/341680-a.html
ولو لسه الموضوع صعب.. قولنا إيه الزيوت اللي قدامك علشان نساعدك في الاختيار.
...