الاخوه الاعزاء السلام عليكم
ندخل فى الموضوع على طول
العربيه كات معايا كويسه جدا وسحبها ممتاز ومفيش مشكله بس بقالى فترة العربيه بتبطل منى وانا بهدى السرعه لما اشيل رجلى من البنزين او دايس على الدبرياج فترة طويله وانا داخل على المطب خاصة فى وقت الحر الشديد وبعد ما تبطل بتدور على طول بس تقطع شويه وبعدين تسحب
ورحت للميكانيكى قالى حط لها بنزين 92 وفعلا حطيت وظبطت معايا اسبوعين ورجعت زى الاول واكتر كل مطب تبطل منى رحت للميكانيكى تانى قالى لازم تكشف كمبيوتر عشان ممكن مشكله فى حساس من الموجودين وبعتنى على واحد كهربائى بعينه
رحت له ملقتش عنده كمبيوتر بص عليها وقالى انا هظبطهالك من غير كمبيوتر وبعد ما سمع منى مشكلتها قالى دى عاوزه مشط الاسبراتير قلتله انا مغيره من 5 شهور قالى لازم تغيره تانى
المهم جبته وركبهولى والحال هو الحال

انا مش عارف المشكله فى ايه مع العلم ان كان فى مشكله فى طرمبة البنزين كانت ملحومه قبل كدا وناس تقولى من الموبينه وناس تقولى من الحساسات او الاسبراتير نفسه
افيدونى افادكم الله