الموضوع: نصيحة: مميزات و عيوب شراء عربية

للعربيه مميزات وعيوب بتختلف من واحد للتانى
حضرتك الوحيد اللى تقدر تحدد مميزاتها وعيوبها بالنسبالك وهديك امثله:
* العربيه محتاجه صيانه دوريه منتظمه
* مكان امان تركنها فيها
* مصاريف ترخيص وفحص
* تامين لو تحب تامن
* طبيعه المشاوير, هل المنترو انسب ؟ ومكان البيت والشغل ومستلزمات الحياه- يعنى فى رائ سكان المدن الجديده محتاجين عربيات اكتر من سكان العاصمه ووسط البلد
* امكان الانتظار والسياس وبلطجتهم والميزانيه بتاعتهم
* العربيه خصوصيه اكتر- تحت امرك فى اى وقت تقدر تقضى بيها مشاوير اسهل من التنطيط فالمواصلات
* المعاكسات- ساعات بتكون احسن من المواصلات للبنات
* وجود شنطه كبيره بيساعدك تشيل اكتر- لو هتشغلها للشغل مثلا فالتشطيبات
* محتاج تتعلم مكونات واجزاء العربيه عشان ميضحكش عليك مع الميكانيكيه اللى ضميرهم ..............
* لو هتجيب عربيه حاول يكون فيها تكييف- مش مهم تكون اوتوماتيك لكن التكييف فالحر دا مهم جدا
* ويكون حد ثقه يساعك فشراء العربيه والفحص ومعرفه المصاريف المتوقع تصرفوا عليها بعد متشتريها وليكن 4000 جنيه فوق ثمن العربيه (مصاريف نقل ملكيه 1500 جنيه- كاوتش ,.......الخ)

* مشاكل صحيه: انا كنت بروح الشغل بميكروبص هاى ايس 14 راكب- المطبات فالميكروبص جابتلى شبه انزلاق غضروفى والدكتور نصحنى اوقفه- فقررت استخدم العربيه وفعلا ظهرى اتحسن

اكيد فى عوامل تانيه باقى الاعضاء يساعدوك فيها ويطرحوها وحضرتك تقرر هل شراء العربيه هيكون مناسب ولا وجع دماغ ومصاريف
وبالتوفيق انشاء الله