الغيار الخامس بينطر بعد مسافه كبيرة - زيت الفتيس.

السلام عليكم.
حابب اشاركم المعلومه . انا عربيتي لوجان مانيوال 2013 من اسبوعين وانا مسافر بعد تقريبا 80 كيلو الغيار الخامس ابتدى ينطر والعربيه ترجع مور كل مرة ادي الغيار الخامس . بعد قرائات على الانترنت كتير رجح انها مشكلة غويشه محتاجة تبديل بس انا شكيت في الزيت لان اول ما اتحرك الدنيا بتبقى تمام لحد مسافه كبيرة يبتدي الغيار يدي صوت ونه ويرجع ينطر . وفعلا لما راجعت الزيت لقيته ناقص كتير وبعد ما زودت لقيت الهربيه بتجيب زيت من الكوبلن الشمال وطلعت الكاوتشه مقطوعه وهي اللي بتحبس الزيت جوه ومفيش وراها اويل سيل زي ما كنت معتقد :) . سعر الكاوتشه من التوكيل 450 جنيه غير الضريبة فقررت اجيبها من برة وجبت نوع تركي ب 250 جنيه وللعلم الفرق في الخامة واضح جدا لصالح التوكيل. تم التركيب في مركز رينو في حدائق حلوان والمصنعيه 50 جنيه وزمن التركيب نص ساعة. الحمد لله العربية ظبتطت بعد ما زودت زيت الفتيس والمشكله ولله الحمد اتحلت . الزيت اللي حطيته مؤقتا زيت موبيل w80-90 سعر اللتر 45 جنيه. الزيت الموصي بيه w75-80 gl+5 وده لتره من اغلب الشركات في حدود 150 للتر الواحد . بعد التاكد من الكاوتشه هنزل الزيت الحالي واحط المعتمد لنوع الفتيس . لو حد حابب يسأل انا تحت امركم .