كنت ناوى ادفع زكاة المال ومش عارف ادفعها فين هل الجمعيات زى رسالة ومصر الخير وبيت الزكاة بيوصلوا الفلوس فعلا للمحتاجين ولا نصب
ولو حد يعرف اى اسرة فقيرة محتاجة ياريت يقولى عليها
عرض للطباعة
كنت ناوى ادفع زكاة المال ومش عارف ادفعها فين هل الجمعيات زى رسالة ومصر الخير وبيت الزكاة بيوصلوا الفلوس فعلا للمحتاجين ولا نصب
ولو حد يعرف اى اسرة فقيرة محتاجة ياريت يقولى عليها
شايف ان حضرتك تشوف اسر فقيره وتروح تديهم المال بنفسك وشوف اقارب او جيران ولو مش عارف شوف اقرب مسجد او جميعه واعرف منهم اسامي وعنواين أسر فقيرة
وروح بنفسك
امام مسجد عندك يكون ثقة ،، و انت متأكد انه امين و محترم
و كلمه قوله ان معاك مبلغ من زكاة المال ، و قوله لو يعرف له مصارف و هايكون ف ذمته .
و حاول توزع أو تعتمد على كذا شخص ... ماتديش زكاة مالك ل فرد واحد يوزعهم .
--- الجمعيات اللى بتعمل اعلانات ب آلافات ع التليفزيون دى انا ماعدتش بثق فيها ... فى حالة من اللامنطقية حوالين اعمالها !
أولا : شوف أقاربك و معارفك المحتاجين و هم الأولى أو لو حد فيهم يعرف ناس محتاجة
ثانيا : جنب مبلغ الزكاة وقت إستحقاقها و الأفضل تجزئته على 12 شهر بحيث تطلع مبلغ كل شهر للمحتاجي و إياك تسحب منه لغير الغرض المخصص له
ثالثا : لو تعرف حد مديون ( الغارمين ) و ميقدرش يسدد ممكن تساعده بس ميكونش مديون على سيارة أو شقة أو حاجة زي كدة . مثلا بنت عايزة تتجوز أو طالب بيتعلم
رابعا : المرضى فى المستشفيات الحكومية زي أبو الريش و معهد الأورام دول فعلا محتاجين لإنهم بيكونوا من الأقاليم و القرى الفقيرة و لا يملكون العلاج بس لا تتبرع بأموال . إنت تشوف محتاجين إيه و تجيبلهم
خامسا : إبعد كل البعد عن أى حد بيطلب تبرعات عن طريق إعلانات . دول مش محتاجين
ملاحظة : رسالة أنا بأتعامل معاهم من مدة طويلة و أعرف متطوعين فيها و فعلا الناس دول كويسيين . و لما بأشوف حالة على الفيس بأتصل برسالة و أطلب منهم أنى أتبرع للحالة دى و أديهم البيانات و هم بيعملوا تحقق من الحالة و يوصلولهم التبرع
الله ينور عليك ... اتفق معك تمامااقتباس:
المشاركة الأصلية كتبت بواسطة ahmedwagdy03