بولو 99 مشاكل بالجملة !!!؟؟؟

السلام عليكم

انا ياجماعة معايا بولو مو 99 ولسة شاريها من حوالي شهر. البايع الله يسامحة ادهالي وفيها السكترا بايظة وانا لجهلي لم اكتشف هذا العيب.

المهم اشتريت اسكترا جديدة وركبتها. انتها البوش في الدريكسيون وانتهى الخبط في الدواسات بس في حاجة غريبة! لما باجي اخد ملف كامل شمال بالف الدريكسيون على الاخر وباجي لاخر حتة في الفة بلاقي الدريكسيون بيكمل الفة لوحدة!؟؟ مع العلم ان العربية مش باور والعيب دة ما كانش موجود في الاسكترا القديمة البايظة!؟ برجاء الافادة افادكم اللة.

حاجة تانية وهي الجير بوكس بحس ان عصايتة سايبة اة ملخلخة كدة مش ثابتة! دة مش بياثر في الغيار بس خايف يكون لية تاثير سلبي في المستقبل. كمان المارشدير بيعلق دايما لما اجي احط الغيار وواحد صاحبي نصحني ادي غيار عكسي وبعدين اديها مرشدير وفعلا الطريقة نجحت! بس العيب فين؟

ثالثا بحس ان العربية مكتومة! بمعني الاوا اجيب علية 20 ولو 30 الموتور صوتة يعلى وال RPM يقرب من 5000. التاني نفس الحال لو حبيت اعدي ال 50 والتالت نفس الحال لو حبيت اعدي ال 80! هل ده شيء عادي ولا اية!

اخيرا ! نور العربية العالي ضارب فوق وانا على الطريق كان مفيش نور اما النور الصغير مع التابلوة يكاد يكون معدوم! روحت للكهربائي غيرلي اللمبات ولسة المشكلة موجودة! غلطتي اني بروح للكهربائي دايما بالنهار؟

ارجو الافادة ةالنصيحة واسف للاطالة

وشكرا

انا من رايي انك تروح مركز خدمه محترم
و تخليهم يعملوا كشف شامل علي العربيه
و تاخد التقرير بتاعهم و تبتدي تشتغل بالراحه علي حسب الاولويه

اقتباس:

---

حاجة تانية وهي الجير بوكس بحس ان عصايتة سايبة اة ملخلخة كدة مش ثابتة! دة مش بياثر في الغيار بس خايف يكون لية تاثير سلبي في المستقبل. كمان المارشدير بيعلق دايما لما اجي احط الغيار وواحد صاحبي نصحني ادي غيار عكسي وبعدين اديها مرشدير وفعلا الطريقة نجحت! بس العيب فين؟

---

حكاية العصاية ملخلخة شوية دى عادى, شفتها فى كذا عربية

بس هسألك لو لهل حل علشان تثبت اكتر

اقتباس:

---

نور العربية العالي ضارب فوق وانا على الطريق كان مفيش نور اما النور الصغير مع التابلوة يكاد يكون معدوم

---

نور اللى ضارب فوق ده حله سهل جدا, و بتتعمل و انت واقف

نور التابلوه فى زرار على الجنب الشمال بتاع الدركسيون بيتحكم فى قوة اضاءة نور التابلوه

اقتباس:

---

ثالثا بحس ان العربية مكتومة! بمعني الاوا اجيب علية 20 ولو 30 الموتور صوتة يعلى وال RPM يقرب من 5000. التاني نفس الحال لو حبيت اعدي ال 50 والتالت نفس الحال لو حبيت اعدي ال 80! هل ده شيء عادي ولا اية

---

دى بقى مش عارف افيدك اوى فيها, بس هل انت كشفت على الموتور لما اشتريت العربية, و عرفت كبسه كام؟

اقتباس:

---

ثالثا بحس ان العربية مكتومة! بمعني الاوا اجيب علية 20 ولو 30 الموتور صوتة يعلى وال RPM يقرب من 5000. التاني نفس الحال لو حبيت اعدي ال 50 والتالت نفس الحال لو حبيت اعدي ال 80! هل ده شيء عادي ولا اية

---

يا تري بتستعمل بنزين نوعه ايه؟؟؟

اقتباس:

---

المهم اشتريت اسكترا جديدة وركبتها. انتها البوش في الدريكسيون وانتهى الخبط في الدواسات بس في حاجة غريبة! لما باجي اخد ملف كامل شمال بالف الدريكسيون على الاخر وباجي لاخر حتة في الفة بلاقي الدريكسيون بيكمل الفة لوحدة!؟؟ مع العلم ان العربية مش باور والعيب دة ما كانش موجود في الاسكترا القديمة البايظة!؟ برجاء الافادة افادكم اللة.

---

يا ريت توضح اكتر علشان الموضوع دا فيه حاجات كتير.بس يا ريت تقول انت جبت الاسكترا مستعمله ولا جديده؟و جبتها بالبيض ولا ركبت بيض الدركسيون بتاعك. القديم؟؟؟؟

اقتباس:

---

حاجة تانية وهي الجير بوكس بحس ان عصايتة سايبة اة ملخلخة كدة مش ثابتة! دة مش بياثر في الغيار بس خايف يكون لية تاثير سلبي في المستقبل. كمان المارشدير بيعلق دايما لما اجي احط الغيار وواحد صاحبي نصحني ادي غيار عكسي وبعدين اديها مرشدير وفعلا الطريقة نجحت! بس العيب فين؟

---

هو المارشدير بتع البولو قبل الأول ؟ زى المرسيدس و ال bm ??
لو كده يبقى المشكله فى عصايه الفتيس
كانت المشكله دى عندى و جيبت قطعه غيار ( للأسف مش فاكر اسمها ايه ) بس بتتركب تحت العصايا
هى شبه رولمان البلى .

اقتباس:

---

ثالثا بحس ان العربية مكتومة! بمعني الاوا اجيب علية 20 ولو 30 الموتور صوتة يعلى وال RPM يقرب من 5000. التاني نفس الحال لو حبيت اعدي ال 50 والتالت نفس الحال لو حبيت اعدي ال 80! هل ده شيء عادي ولا اية!

---

هى العربيه مابتسحبش خالص؟؟؟
هل فيه صوت من الشكمان ؟؟؟

اقتباس:

---

لما باجي اخد ملف كامل شمال بالف الدريكسيون على الاخر وباجي لاخر حتة في الفة بلاقي الدريكسيون بيكمل الفة لوحدة!؟؟

---

بكمل لفه لوحده ازاى؟؟؟
بيلف على الفاضى؟؟؟؟؟ مش فاهم بصراحه

الاخوة الافاضل
شكرا على الردود وحرد عليهم كلهم كالاتي:

1- انا بستعمل بنزين 90 من ساة ما اخدت العربية.
2- بستعمل زيت شل اللي بيتغير بعد 5000 كم
3- الاسكترا جبتها جديدة "صيني" واشتريت لها بيضات جديدة بس بتاع العفشة قالي البيضات القديمة بحالة جيدة جدا قام شالهم من القديمة وركبهم في الجديدة - ملحوظه الاسكترا الجديدة بتنزل من غير بيضات وفي كمان من غير دراعات وكل حاجة بتتباع لوحدها. الاسكترا بتاعتس اشتريتها كاملة بس من غير بيضات زي ما قلت.

4- لا للاسف ما قستش كبس الموتور كام! ولا صاحبها القديم كان يعرف!
5- لايوجد صوت في الجكمان
6- أنا قصدي لما باخد ملف شمال الدريكسيون بيلف والعجل بيلف معة لفة كاملة كافية لأداء المهمة بس بلاقي في حتة زيادة بتلف معايا فيها تقل على الدريكسيون بس مالهاش تاثير في اللفة. ملحوظة الموضوع دة مش بحسة لو باخد نفس الملف من الثبات!
7-المارشدير سوستة لتحت وقدام شمال.
8- العربية بتسحب وتجميعها ممتاز بس علشان اجيب 100 لازم اكون على الغيار الرابع وال rpm بيكون داخل عدى 4500 لفة.

9-نور اللى ضارب فوق ده حله سهل جدا, و بتتعمل و انت واقف" طب ازاي اللة يكرمك؟

مستني ردودكم وجزاكم الله خير

اقتباس:

---

6- أنا قصدي لما باخد ملف شمال الدريكسيون بيلف والعجل بيلف معة لفة كاملة كافية لأداء المهمة بس بلاقي في حتة زيادة بتلف معايا فيها تقل على الدريكسيون بس مالهاش تاثير في اللفة. ملحوظة الموضوع دة مش بحسة لو باخد نفس الملف من الثبات!

---

الموضوع ده بعد اما غيرت الاسكترا صح؟

اظبط زوايا و العربية هتبقى زى الفل

اقتباس:

---

- العربية بتسحب وتجميعها ممتاز بس علشان اجيب 100 لازم اكون على الغيار الرابع وال rpm بيكون داخل عدى 4500 لفة

---

ده كتير 100 على rpm 4500

هقولك على حاجة, جربها و قولنا ايه اللى هيحصل

ممكن وتورك يبقى مكتوم, و الراجل الراجل اللى قبلك كان بينقل بدرى او انت بتنقل بدرى

مرة كده بالليل و لا حاجة, فى طريق فاضى, امشى بالعربية و انقل لما تجيب rpm 5000 او اكتر على كل نقلة, من الاول لخامس, لو الموتور مكتوم المفروض يفتح معاك

اقتباس:

---

9-نور اللى ضارب فوق ده حله سهل جدا, و بتتعمل و انت واقف" طب ازاي اللة يكرمك؟

---

انت لو رحت لأى كهربائى, بيبقى عنده لوحة, بيحطها قدام عربيتك و "يرجلش" النور

الرجلاش بتاع النور دهصعب انت توصله, لأنه محشو شوية, فياريت لو تعرف حد بيفهم فى الفولكس يبقى تمام, علشان مرة وديت العربية لكهربائى عادى, قعد محتاس مش لاقى الرجلاش بتاع النور

اقتباس:

---

- لا للاسف ما قستش كبس الموتور كام! ولا صاحبها القديم كان يعرف!

---

اى بنزينة ممكن تعمل فيها الموضوع ده لو عندهم الجهاز, حتى من باب العلم بالشىء اعمله, و كان المفروض تقيسه قبل اما تشترى

طمنا عملت ايه

انا العربية عندي علي الغيار الخامس بتعمل 4000 rpm عند 120 كم/س

السلام عليكم

الحمد لله اول مشكلة اتحلت ورحت للكهربائي وزي استاذ معاذ ما قال ظبط النور العالي وانا واقف! بس هو ما عملش رجلاش ولا حاجة!

كان في حاجة زي بكرة في الفانوس قعد يلفها والنور ينزل لتحت لحد ما اتظبط!

كمان غيرلي لمبة الاشارة الشمال وظبطلي سوكت لمبة الدبرياج وخد 5 جنية!

ان شاء اله حوافيكم بباقي الاصلاحات والنتائج عندما يتوافر الوقت والفلوس :oops:

اقتباس:

---

كان في حاجة زي بكرة في الفانوس قعد يلفها والنور ينزل لتحت لحد ما اتظبط!

---

هو ده بيسموه الرجلاش بتاع النور :)

معلش اصلي جديد في الكار :oops:

عاوز اقوك حاجة مهمة

لو العربية محتاجة ظبط زوايا, و انت طنشت الكاوتش بتاع العربية بيتاكل, و يبوظ بسرعة و لا قدر الله ممكن يفرقع و انت ماشى

علشان تعرف عربيتك محتاجة ظيط زوايا و لا لأ, امشى فى طريق انت عارف انه متسفلت كويس و مستقيم, و سيب الدركسيون, لو العربية لقيتها حدفت يمين او شمال, يبقى العربية محتاجة ظبط زوايا

بالنسبة لمشكلة الفتيس كانت حصلت معايا فى لانوس
فى وصلة مابين عصاية الفتيس و الجير بوكس الوصلة دى مربوطة بمسمار المشكلة حصلت لان مكان المسمار بئة واسع شوية و اتحلت بانى حطيت مسمار اكبر
معرفش عند حضرتك نفس النظام ولا لا

انا فعلا محتاج ظبط زوايا ضروري وان شاء الله مش حكسل :)

بالنسبة للفتيس اعتقد كلامك مظبوط يا استاذ شريف انا حروح للميكانيكي بالافكار دي وربنا يسهل
:(