موضوع محير في تويوتا ياريس.. برجاء الإفادة
السلام عليكم.. أنا لسه شاري تويوتا ياريس 2007 أوتوماتيك.. العربية الحمد لله كويسة بس فيها شوية جنان..
أولا.. لوحة التحكم الرئيسية في الزجاج الكهرباء فيها زرارين بايظين.. قررت أغيرها وفعلا روحت أشتريت واحدة وللأسف الشديد كل قطع الغيار مش راضية تشتغل.. وتحديدا باب السواق كل الزراير شغالة تقريبا إلا هو.. غيرت القطعة من الراجل الوحيد اللي لقتها عنده 5 مرات ونفس المشكلة.. بس لما بركب اللوحة القديمة تشتغل تاني عادي.. مش فاهم ليه كده؟؟.. وهو لازم أشتريها أصلي من التوكيل علشان تشتغل يعني؟؟!!.. وبعدين الزجاج اللي ورا السواق مش راضي يتفتح قالولي السبب أن اللوحة الرئيسية بايظة.. هل ده صحيح؟؟
ثانيا.. التكييف حاسس أنه ضعيف.. يعني علشان يجيب هوا معقول لازم أشغله على 3 وأحيانا 4.. رغم أني كشفت عليه عند 2 وقالولي أنه مظبوط جدا ومش محتاج حاجة.. مش عارف دي مشكلة عامة ولا ايه؟؟
والشكر مسبقا لكل من يهتم بالرد