استفسار بخصوص شراء عربية مستعملة

**ahmedakle** · 13-06-2017 06:57 PM

السلام عليكم انا عضو جديد بالمنتدى كل عام وحضراتكم بخير عندى استفسار واحتاج لخبراتكم كنت عايز اشترى عربية مستعملة بحدود 120-130 الف ومعنديش خبرة كبيرة فى العربيات --يهمنى ان تكون العربية عملية وقدرة تحملها كبيرة ومظهرها معقول برضه -- وسؤال تانى هو ارتفاع البنزين اللى جاى فى شهر 7 هيكون ليه تاثير سلبى ام ايجابى على اسعار المستعمل ؟؟ معلش انا لسه راجع من السعودية ومعرفش حاجة عن وضع السوق فى مصر ؟ واسف على الاطالة وشكرا لمن يهتم بالرد

**salam100100** · 14-06-2017 10:35 AM

لو هتشترى وتبيع بسرعه هات فيرنا اوتوماتيك
هى مش حديثه كمظهر لكن عمليه وسهله فالبيع

البنزين لو زاد اكيد هياثر على العربيات الكبيره زى الشيروكى - انما العربيات الصغيره معتقدش هتزيد
كدا كدا سوق المستعمل بيستهبل جامد جدا ونايم- اغلب العربيات اللى بتتباع متبهدله
ولى معاه عربيه كويسه يبعها ليه , مهو مش هيعرف يجيب زييها
انا بدور على عربيه زى حضرتك بنفس المبلغ ومستحرم المبلغ دا فى عربيه مستعمله- اغلب المعروض حالته مش قد كدا-
بفكر دا يكون مقدم لعربيه زيرو اققسط الباقى

**ahmedakle** · 15-06-2017 06:05 PM

المشاركة الأصلية كتبت بواسطة salam100100

لو هتشترى وتبيع بسرعه هات فيرنا اوتوماتيك
هى مش حديثه كمظهر لكن عمليه وسهله فالبيع

البنزين لو زاد اكيد هياثر على العربيات الكبيره زى الشيروكى - انما العربيات الصغيره معتقدش هتزيد
كدا كدا سوق المستعمل بيستهبل جامد جدا ونايم- اغلب العربيات اللى بتتباع متبهدله
ولى معاه عربيه كويسه يبعها ليه , مهو مش هيعرف يجيب زييها
انا بدور على عربيه زى حضرتك بنفس المبلغ ومستحرم المبلغ دا فى عربيه مستعمله- اغلب المعروض حالته مش قد كدا-
بفكر دا يكون مقدم لعربيه زيرو اققسط الباقى

الاستاذ salam اشكرك جدا على اهتمامك بس موضوع القسط ده مش هينفع علشان انا بدور على شغل بعد ما رجعت من السعودية والامور واضح انها صعبة فى سوق العمل ومش عايز اربط نفسى بقسط وانا مش عارف ظروفى ايه --فى ناس قالتلى على متسوبيشى مستعملة عملية وقطع غيارها متوافرة ايه راى حضرتك فيها

**lancer06** · 16-06-2017 04:33 AM

مرحبا اخى الكريم
وكل عام وانتم بخير
المبلغ المتاح ممكن يجيبلك لانسر بومه تكون رشه حزام بس يكون نضافه او بالكامل حتى بس يكون دواخل سليمه
اليابانى يعتمد عليه وخدمه شاقه وقطع غيار متوفره افضل اليابانى اعتماديه بالترتيب
تويوتا
ميتسوبيشى
نيسان
الاسعار بقالها فتره بتزيد مش بتقف عند حد معين لكن السوق دلوقت فعلا فى حاله ركود
دور على حاجه تكون حالتها كويسه
وطالما مش بتفكر تشترى علشان تبيع يبقى سيبك من موضوع السعر يطلع او ينزل العربيه حاجه مهمه زيها زى الشقه
اساسيات اهم شىء تشترى حاجه متندمش عليها لان الشىء الكويس قيمته بتزيد مش بتقل