الحيره القاتله 5 سيارت محيره!

السلام عليكو ورحمه الله وبركاته
السؤال محير لدرجه قاتله فعلا .انا مع 80 الف ويوجد حتي الان 4 سيارات ومحتار اشتري اي منهم

1)هونداي فيرنا 1600
2)شفورليه افيو 1500
3)بريلينز Fr-v 1600
4)بيجو 206
5)شفورليه لانوس
انقزوني من الحيره

لو مكانك هاجيب
1 - شيفروليه افيو اوتوماتيك ( 84 الف )
2 - هيونداى فيرنا اوتوماتيك ( 77 الف )
عشان صعب اوى الواحد يسوق مانيوال فى بلدنا الزحمه دى
ولو مش فارقه معاك مانيوال او اوتوماتيك
برضه يبقى افيو وبعدها فيرنا

1-Chev. Aveo
2-Verna
3-Chev. Lanos
4-Peagout 206
5-brillance

Aveo We bas

Aveo, 206, Lanos, Verna, FRV

صباح الفل ادخل علي منتدي الهونداي كل الناس تقلي هات فيرنا وادخل علي منتدي الشيفورليه الناس تقلي هات افيو

انا فعلا محتار ونفس الموضوع موجود في منتدي الهونداي
انا بكلم في عربيه اوتومتك كامله

الاوتوماتيك بتاع الافيو محدش اشتكى منه انما اوتوماتيك الفيرنا فيه مشاكل
ولو راجعت منتدى هيونداى هتلاقى كذا حد بيقول انه باظ وصلحه كذا مره بكذا الف

يا باشا فكك من الفيرنا بجد .... :> و مساء الفل برده

بلاش تقارن الافيو بالفيرنا
دى حاجة والفيرنا حاجة---
الفيرنا تستحمل شوارع المحروسة
والافيو اشيك واعلى وانضف
مع اختلاف الكماليات

اقتباس:

---

المشاركة الأصلية كتبت بواسطة medo60

بلاش تقارن الافيو بالفيرنا
دى حاجة والفيرنا حاجة---
الفيرنا تستحمل شوارع المحروسة
والافيو اشيك واعلى وانضف
مع اختلاف الكماليات

---

صح الكلام

الافيو اجمل شكلا فى كل المعروض و كمان تحس بتمنها فيها

اولا : الافيو فعلا شيك و شكلها حلو و صالونها جميل و مفيهاش اى ميزة تانية يعنى و لا تكنولوجى حديث و لا ثبات على حسب اراء كثيرة ممن امتلكوها و لا وسائل الامان الحديثة و لا حتى استهلاك البنزين بالعكس بيقال انها حريقة بنزين ، يعنى عاملة زى واحدة حلوة و من جوة فاضييييييية .

ثانيا: الفيرنا شكلها معقول مش حلو اوى و مش وحش للدرجة سواء من برة او من جوة ، سعرها الى حد ما ( فى ظل الاسعار الحالية فى مصر ) يتناسب مع امكانيتها الا ان المشاكل المزمنة و المتمثلة فى عدم ثباتها و فراملها السيئة فعلا تجعل المشترى يتردد فى شراءها .

ثالثا: frv لو مكانش التوكيل غلاها اعتقد ان اختيار الكثيرين كان سيتجة اليها نظرا للامكانيات و التكنولوجى الذى تحوية و معتمدة فى ذلك على سمعة البافارية دون الاعتماد على سمعة السيارة نفسها و التى لم يتم تجربتها حتى الان على نطاق موثوق فية

رابعا : اللانوس بحب شكلها و تقفيلها اكتر من الفيرنا - و دى مسالة اذواق- و لكن اهم ما يعيبها هو التكنولوجى القديم و خاصة فى الموتور و لا اعلم لماذا حتى الان لم يتم تحديثة منذ 2001 او 2002
مما يؤثر على الكفاءة و استهلاك البنزين بدرجة كبيرة

و اخيرا فان الحيرة لن تنتهى نظرا لان وكلاء السيارات لا يقوموا بدراسة احتياجات السوق و المستهلك المصرى ، و لسة شغالين بالنظام القديم ، لسة مش عارفين ان الوعى لدى الناس زاد اوى و بقة اللى بيشترى عربية دلوقتى بيعرف و بيسأل و بيقدر يحصل على المواصفات الفنية لكل السيارات التى تناسب قدرتة الشرائية . و شكرا