الموضوع: امتي اغير الزيت

verna 2008 (1500 cc ) -

حسب المكتوب في الكتالوج في الصورة..


(لو الصورة مش ظاهرة افتحها في نافذة تانية)

فتوصيات كتالوج الفيرنا للزيت هي كالتالي:

اللزوجة:
20W-50 أو 15W-40 أو 10W-30 أو 5W-30

مستوى الأداء (الجودة)
لازم يطابق المواصفات دي على الأقل:
مواصفة API SJ أو SL أو SM أو SN
مواصفة ILSAC GF-3 أو GF-4 أو GF-5

مواعيد التغيير حسب الكتالوج بتقوللك.. غير الزيت كل 10 آلاف كيلومتر في الحالات المثالية... وفي الحالات الشاقة غيره كل 5000 كيلومتر.

ده كتالوج الفيرنا (النسخة الهندية - المناسبة لسوق الشرق الأوسط ومصر)...
https://drive.google.com/file/d/0B5R...ew?usp=sharing

نزله واتعرف على عربيتك بطريقة أفضل..


يبقى لو حضرتك عايز زيت أخف يكون مناسب لعربيتك يبقى مفيش قدامك غير لزوجة 5W-30 بس هي اللي تنفع مع عربيتك.
بس المشكلة إن مش أي زيت باللزوجة دي يمشي معاك (ودي للأسف المعلومة الغلط اللي عند أغلب الناس).. وأنا هرشح لحضرتك كذا نوع مناسب لعربيتك وحضرتك نقي منهم اللي تستريح له..

أرشح لك التالي:

موبل1 X1
5W-30 Oil | Mobil 1 x1 5W-30

بترومين A-1 سوبر سنثتك
Gasoline – Petromin
لو عايز مواصفاته وصورته ادخل على شريط الاختيارات اللي على اليمين واختار A-1 Super Synthetic.

آمسويل XL
AMSOIL XL 5W-30 Synthetic Motor Oil

آمسويل سجنتشر
AMSOIL Signature Series 5W-30 Synthetic Motor Oil

ليكوي مولي سبيشيال تك
https://products.liqui-moly.com/oils...a-5w-30-1.html

كل الزيوت دي كويسة جدا جدا وتعيش معاك الـ10 آلاف كيلومتر بكل راحة.. ما عدا الآمسويل سجنتشر.. ده بيعيش لمسافة 40 ألف كيلومتر في الحالات المثالية و25 ألف كيلومتر في الحالات الشاقة.. وطبعا فيه فرق في السعر.

...