السلام عليكم و رحمة الله و بركاته

لدى استفسار بخصوص بنود قانون المرور الجديد و ما تلاه من زيادات فى الأيام الماضية التى أقرها مجلس النواب .

و هذا ما جاء منقولا عن جريدة اليوم السابع


وفرض القانون رسما لتراخيص تسيير السيارات الجديدة، 0.5% فقط من ثمن السيارة التى لا تزيد سعتها اللترية عن 1330سى سى، و 2% للسيارات التى تزيد السعة اللترية لمحركها على 1330سم3 ولا تجاوز 1630 سى سى، و2.25% للسيارات التى تزيد السعة اللترية لمحركها على 1630 سم3 ولا تجاوز 2030 سم3، و2.5% من ثمن السيارة للسيارات التى تزيد السعة اللترية لمحركها على 2030 سى سى .

كما حدد مشروع القانون رسم تجديد رخص تسيير السيارات ب 225 جنيها للسيارات التى لا تزيد السعة اللترية لمحركها على 1030 سم3، و يكون350 جنيه للسيارات التى تزيد السعة اللترية لمحركها على 1030 سى سى ولا تجاوز 1330سى سى .

و هنا استفسارى عن : و ماذا عن تجديد تراخيص تسيير السيارات القديمة ؟ و التى لاتزيد سعتها اللترية عن 1000 سم3 فأقل

اليوم ذهبت الى وحدة المرور التابع لها
و طلبت من الموظف المختص ( عايز أجدد رخصة السيارة بدون فحص )
رد على بأن أذهب لنيابة المرور الكلية لأستخراج شهادة المخالفات
فذهبت و الحمد لله تم أستخراجها .
ثم رجعت للموظف مرة أخرى فقال لى أذهب لدفع التأمين الأجبارى بعدد السنوات التى تريد بها التجديد .
ذهبت و الحمد لله قمت بدفع التأمين الأجبارى عن سيارتى لمدة عام واحد فقط .
ثم رجعت للموظف مرة اخرى و بعد ما فتح الكومبيوتر اللى أمامه طبع ورقة طويلة عريضة و فيها شوية رسوم أجماليها 270 جنيه و فى ظهرها مكتوب نموذج مش عارف كام ( شخبطة ) و قالى روح على الخزينة و انا رايح على الخزينة للدفع قرأت مافى هذه الورقة و هى كالتالى :

رسم تنمية مواد دولة : 115 جنيه
رسم راديو : 1.40 أو يمكن 14 جنيه مع العلم ان عربيتى مافيهاش لا راديو ولاغيره
رسم غرامة تأخير تجديد ثلث الضريبة : اما 50 جنيه أو 5 جنيهات و الله ما عارف
تأمين لوحات معدنية : 100 جنيه

مع انى قلت للموظف اللى استخرج لى هذه الورقة انى مش حأغير لوحات السيارة قالى لأ ده كل سنة بتدفعها .
فلما وجدت العملية مش مفهومة أنطقنى الله بانى مش معايا فلوس كفاية و هنا سحب منى الموظف الورقة اياها و اعطانى شهادة المخالفات و ورقة التأمين الأجبارى و قالى تعالى يوم السبت .

انا يا جماعة مش عارف ليه حسيت انه حيتنصب عليا فى حسبة 100 او 150 جنيه و بنود الرسوم اللى ذكرتها هى اللى شككتنى فى ده خاصة انى عرفت ان توتال تجديد الرخصة شهادة مخالفات و تأمين أجبارى و نموذج و خلافه مش راح يزيد عن ما حدده القانون 225 جنيه لكن وجدت ان الحكاية حتوصل ل 395 جنيه و دى عربية و الله صغيره موديل 1982 نصر 133 سعة محرك 843 سم3 .

انا قلت اقول كل البيانات عشان لو حد فاهم يفيدنى قبل يوم السبت .
شكرا لكم