الموضوع: مساعدة في تركيب اول عدة صوت لسيارتي ( دايو لانوس )

السلام عليكم
انا اشتريت عربية دايو لانوس من فترة قريبة مستعملة ، والكاسيت الي فيها كلاريون و السماعات بايظة و الحالة صعبة خالص
انا نويت اني اركب طقم صوت
الفكرة ان دي تاني عربية اشتريها ف حياتي ومعرفش اي حاجة عن موضوع الصوتيات في العربية و كمان العربية الي فاتت كنت شغال ع السماعات الستوك
انا عايز اركب كاسيت نضيف وسماعات نضيفة ، انا مبسمعش غير اجنبي ، بالتالي نقاء الصوت عندي مهم جدا جدا واظهار الطبقات شئ مفضل جدا ،ضخامة الصوت مش عامل مهم اوي
انا عايز استشير حضراتكم ، ك entry level لحاجة محترمة بنقاء محترم وصوت درجة ضخامته مرضية ، اجيب ايه ؟
في كذا طقم كده لقيته علي امازون هعرضه عليكم ، انا مبشتريش اي الكترونيات من مصر لان بقالي حوالي 10 سنين بتغش ف الحاجة الي بشتريها ، ولو حد عنده مكان موثوق منه اشتري منه يقترح عليا ، بس انا عادة بشتري اي الكترونيات - حتي شاحن الموبايل - من الخارج وفرق السعر بيبقي مش كبير واحيانا كتير ارخص وبجودة دايما احسن ( مش منظرة يعني اني بشتري من بره )
عايز استشيركم في كل طقم من الي هعرضه عليكم ف االاتي : مناسب لعربيتي اصلا ولا لأ ، وهيديني جودة صوت مرضية حتي علي ليفل ال audiophiles ولا لأ ، وهل الي هعرضه علي حضراتكم دلوقت متوافق كمقاس وفيش وتوصيلات مع عربيتي تحديدا ولا لأ سواء كاسيت او سماعات ، وايه التعديلات ان وجدت الي هتكون مطلوبة ، وهل في امكانية عمل upgrade فيما بعد من تركيب amplifiers او subwoofer او لأ مع ملاحظة اني هركب ع الاقل 4 سماعات 2 ف الباب و 2 ف الرف ورا
الطقم 1 :
https://www.amazon.com/dp/B01C7ZVM8Y..._t1_B00S01B35C

الطقم 2 :
https://www.amazon.com/Pioneer-DEH-X...=pioneer+4+way
الطقم ده بييجي معاه سلك المفروض انه نضيف جدا ، وده مغلي سعره ، هل هستفيد فعلا بيه ولا انا اولي بفرق السعر

الطقم 3 :

https://www.amazon.com/PIONEER-FH-X7...o+and+speakers

مستني تعليقات حضراتكم والي عنده اقتراحات تانية مختلفة يقولي عليها ، انا اصلا زي ما قولت لحضراتكم معرفش لسه اي حاجة

المشاركة الأصلية كتبت بواسطة zeyad khaledd

هو لو هتعرف تركب الكاسيت الدبل مفيش مشاكل و هو يعتبر احسن من الكاسيت العادي

بالنسبة للسماعات المدور هو إلي هيركب في البيبان اما البيضاوي علي الرف وهتحتاج تقص في الرف و انت هتشيل اطراف التوصيل من السماعات القديمة و تحطها في الجديدة

بص خد الفيديو دا هيفيدك في السماعات
بص هن هو بيشرح تركيب مدور علي الرف بس انتا هتعمل إلي هو عملة بس علي البضاوي
https://www.youtube.com/watch?v=qhoX5z9R4C8

الرابط بتاع سماعات الابواب المدور https://www.youtube.com/watch?v=An_z9QvKTQs