مشكلة فى تكييف هيونداى اكسنت ار بى ٢٠١٢
السلام عليكم جميعا
انا عندى مشكلة من الصيف اللى فات كان حصل معايا حادثة واضطريت اغير الرادياتير والسربنتينا بتوع العربية بس طبعا وقتها اشتريتهم مستعملين علشان الفلوس كانت مقصرة شويتين.
وبعدين من وقتها والتكييف زفت الزفت اول لما شحنته قعد ٣ ايام فل وبعدين انحدر وبقى بيسقع بالليل بس وبعدين مبقاش يسقع لا بالليل ولا بالنهار.
قلت اجل المشكلة لبعدين لانى زهقت لف على بتوع صيانة التكييف وناس تقولة كمبروسور وناس تقول الغاز اللى تعبان عملت كل حاجة وجربت وسمعت ناس كتير ومبقتش واثق ايه الصح والمفروض يتعمل.
فارجوا من الناس الجميلة اللى هنا تقولى على بتاع تكييف سيارات محترم فى مدينة نصر الحى السابع او التامن او العاشر وتكونوا شاكرين بس ياريت وانت بترشح حد يكون مش بتاع مجرد شحن وخلاص لا حد يفيدنى فى صيانة وكشف عيب لو مش متأكد بلاش ترشح ولكم جزيل الشكر واسف ع الاطالة.