| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية ahmedmegeed

    رقم العضوية : 133980

    تاريخ التسجيل : 25Jan2013

    المشاركات : 8

    النوع : ذكر

    الاقامة : cairo

    السيارة: no

    السيارة[2]: citroen c4

    الحالة : ahmedmegeed غير متواجد حالياً

    افتراضي خدواااا بالكوا من مركز اوتو سيرفس سنتر صقر قريش المعادى الشيخ على - Facebook Twitter whatsapp انشر الموضوع فى :

    hasad">

    الموضوع دة يا جماعة انا عملة عشان احظر الناس من التعامل مع مركز بيجو اوتو سيرفيس صقر قريش المعادى الشيخ على انا معايا بيجو 3008 وطبعا العربية دى للناس اللى بتتعامل مع بيجو حاجتها غالية جدا والصيانة بتاعتها مش اى حد بيفهم فيها وطبعا زى ما كلنا عارفين ان التوكيل اسعارة نار جدا فية حد نصحنى انى اروح مركز اوتو زفت دة بتاع الشيخ على روحت ويارتنى ما رحت عملت صيانة عندة كلفتنى فى البداية 3000 جنيه والكلام دة فى شهر يناير 2016 ودة قبل الدولار ما يرتفع كان عامل ساعتها 8.50 المهم طبعا الباشا معاة صنايعية لاحول ولا قوة بتشتغل بالبركة فك يابنى وجرب وبعد ما اخدتها منه العربية اتغيرت بقت بتسخن جدا جدا لدرجة انها من كتر السخونية قطعت خرطوم الراجع بتاع المياة وطبعا كنت على سرعة 150 ك/م على الدائرى هوب الموتور ولع النار مسكت فية اتصلت بية عشان اقولة اللى حصل قالى ابعتهالى المركز روحت ويارتنى ما رحت شاف العربية والموتور غطاء التكيهات سايح من النار قالى هتسبهالى هنجرب ونعرف اية اللى حصل المهم سبتهالة تانى يوم قالى العربية جابت مكنة ومحتاجة شورت بلوك قلتلة اية المشكلة اللى فيها قالى المكنة وش السلندر عاوز يتغير وملهاش قطع غيار بتشترى شورت بلوك على بعضة قلتلة بيتجاب منين قالى انا اعرف واحد مضمون اسمة رضى فى الحرفيين بتعامل معاة كويس وحاجتة مضمونة قلتلة خلاص كلمة واسالة بكام شورت البلوك دة اتصل بية وقالى هيعمل 14000 الف والكلام دة ايام الدولار لما كان ب 8.50 جنيه قلتلة خلاص بكرة نروح ونشوف الشورت بلوك ونجيبة قالى لا انا مش بروح الحرفيين ببعت حد من صبيانى لهناك بياخد المكنة وبيجبها المركز اسقطها وادرولك العربية وكلة يبقى تمام قلت خلاص اقابل الصنايعى بكرة عند رضى دة ... تانى يوم رحت الحرفيين ووصلت قبل الصنايعى ب ساعة سالت عن رضى بتاع البيجو ودخلت شفت المكن اللى عندة وللاسف طبعا المكنة مش بتبان حالتها الا لما تتسقط وتشتغل بس من خلال شكل المكن اللى عندة حسيت انة متهالك كدة ومليان زيت طبعا متكلمتش فى سعر قلت لما اخد لفة فى الحرفيين وسال على الاسعار روحت لواحد عن معرفة ابن عمى اتصلت بية دلنى عن واحد اسمة شعبان رحتلة قالى صراحة انا مش بشتغل فى البيجو 3008 انا شغلى فة 307 والستروين بس ممكن ادلك على ملك البيجو الحديث اسمة احمد حنيف روحت ل احمد حنيف دة صراحة لقيتة شاب شكلة مش صنايعى خالص بن ناس كدة سالتة الاول على الشورت بلوك قالى بتاع البيجو ابو حساس ولا من غير ؟؟؟؟ قلتلة يعنى اية ؟؟ قالى المكنة دى في منها بحساس وفية منها من غير ؟؟؟ قلتلة طب دى بكام ودى بكام قالى ام حساس ب 20000 الف ومن غير حساس ب 15000 الف بتاعت ال 3008 قلتلة اصل انا قدامى واحدة ب 14000 جنيه بس قلت اسال الاول قالى بص عشان ما يضحكش عليك فى السوق اللى يقولك المكنة من غير حساس واعدلهالك بحساس كلام فارغ واغلب المكن اللى فى السوق بتاع 308 مش بتاع 3008 يعنى هورس بور اقل ومش بتاع العربية لكن اللى عندى اخرجهولك من نص قدام عنيك وورانى الانصاص اللى عندة بصيت لقيت المكن فية بسم الله مشاء الله بيلمع المكنة جديدة بجد مش زى اللى شفتها عند رضو شربة زيت لحد ما اتكرعت المهم اتصلت بالشيخ على حسبى الله ونعم الوكيل قالى ياباشا انت خايف من اية رضا دة على ضمنتى دى مش اول مرة اخد منة مكنة ولو المكنة فيها حاجة بتاعتة المهم الصنايعى جه ونزلنا المخزن عند رضا اخدنا المكنة بس انا سالتة المكنة دى بتاعت 3008 قالى اة يا باشا انا كاتب عليها اهوة وطبعا المكنتين شبة بعض المهم اخدنا المكنة ومعاها تربو وبعض المغذيات والخراطيم ودفيرة الكل عمل 20000 الف اخدت الحاجة وطلعنا على صقر قريش عند الشيخ على قالى بكرة نسقط المكنة ... تانى يوم روحت لقيت المكنة الجديدة متسقطة والعربية دايرة قالى محتاج تروح بيها مشوار طويل نجرب المكنة اخدنا العربية ورحنا بيها ناحية حلوان بس العربية وانا سايقها حاسس ان سحبها مخنوق قالى دة العادى العربية لسة بتلين المهم دفعت 4000 جنيه مصنعية اخدت منة العربية وانا ساكن فى التجمع الاول روحت وتانى يوم اخدت العربية ونازل مصر الجديدة ولقيت العربية سحبها مخنوق جدا وبتسخن جامد جداااا وانا راجع بيها فى التجمع الاول لقيتها فاجاة فصلت وبطلت خالص والعربية لسة ماشية فصلت لوحدها ركنت على جنب ورحت جبت بتاع بطاريات يبقوم العربية لما جه وبص ع العربية قالى دى مش عيب بطارية العربية فاصلة خالص مش بدور اصلا اتصلت ب الشيخ على قالى هتهالى على المركز جبتهالة على المركز كل مرة بونش بص عليها وقالى دة جنزير الكتينة قطع والمكنة فوتت قلتلة يعنى اية قالى المكنة كدة شكرا قلتلة مش قلتلك انى شاكك فيها من الاول وبدأت مرحلة مين الغلطان واتصلنا ب رضا وقلنالة وكل واحد فيهم يرمى التهمة والسبب على غيرة الشيخ على يقولة انت باعت ماكنة شاربة زيت ورضا يقولة انت غلطان المفروض تفتح تسرفس على المكنة وفى الاخر رضا بيقولى انت قرصت على المكنة وكل دة والمكنة ما قعدتش 24 ساعة معايا وعاوز يلبسهالى المهم اخدت العربية من عند الشيخ استغفر الله العظيم ورحت الحرفيين بيها على ونش وطبها هاخد حقى مهما كان مش هلبس مكنتين المهم رضا طبعا لم الصنايعية اللى حوالية عشان يطلعونى الغلطان وطبعا الشيخ على عمل فيها عبيط ولا كأنة يعرف حاجة وسبنى لوحدى اصطفى مع رضا المهم من هنا ل هنا قالى انا مديلك مكنة ورحت المركز واشتغلت انا كدة براءة قلتلة يعنى اية تدينى مكنة تشتغل اروح بيها مشوار تقطع قالى مليش فية العيب فى التركيب انا مديك مكنة تجبلى المكنة بتاعتى دايرة اديلك فلوسك المهم اتصلت بالشيخ قالى تعالة نحاول ناخد حاجات من المكنة القديمة نقوم المكنة التانية اخدت العربية على ونش وروحت المركز المهم سبتها هناك 3 ايام واخد من المكنة بتاعتى حاجات وشغل الكنة التنية ورحت بالعربية دايرة لحد الحرفيين وقلتلة المكنة دى ما تلزمنيش قالى انا مش معايا فلوس حاليا استنى معايا لحد ما فية شحنة مكن جاية خدلك مكنة المهم استنيت شهر كامل وقالى للاسف مش لاقى مكنة بحساس تعالة خد فلوسك رحت اخدت الفلوس وبعدها رحت ل احمد حنيف كان المكن غلى شوية واخدت من عندة مكنة بالتربو وركبهالى وقالى انا عندى وش سلندر جديد ونضيف لو كنت جتنى من البداية كنت ركبتهولك على مكنتك ومكنش كل دة حصل على العموم نصيبك المهم يا جماعة انا اسف انى طولت اللى عاوز اقولة ان بجد حسبى الله ونعم الوكيل انا كنت قليل الخبرة ووثقت فى اللى اسمة على دة حسبى الله ونعم الوكيل حسرنى المكنة بتاعتى بعد ما فرتكها حتة حتة عشان يشغل المكنة التانية الخربانة بتاعت رضا حرافيين منك لله يا شيخ على مركز اوتو سيرفيس سنتر صقر قريش خدوا بلكوووووووووووووووووووووو ووو

    p_555eoh4i1.jpg

    p_555gx0rt1.jpg


  2. #2

    الصورة الرمزية miam0502788391

    رقم العضوية : 29288

    تاريخ التسجيل : 05Jan2009

    المشاركات : 565

    النوع : ذكر

    الاقامة : المنصورة

    السيارة: Speranza A516

    السيارة[2]: اكسيل

    الحالة : miam0502788391 غير متواجد حالياً

    افتراضي -

    والله كتر خيرك
    وشكرا على النصح
    بس انا عاوز الوم عليك على حاجة
    اذا كان التوكيل نفسه مش نافع اقوم اروح للى أقل منه ؟؟ ليه ؟
    وبعدين لما الانسان يشترى العربية بيكون عارف تكاليف صيانتها وعارف اذا كان يقدر على مصاريفها ولا لأ
    مش علشان اوفر اروح لجاهل مش بيفهم يقوم يخرب العربية
    مش كده ولا إيه


  3. #3

    الصورة الرمزية احمدطه

    رقم العضوية : 207722

    تاريخ التسجيل : 16Feb2019

    المشاركات : 4

    النوع : ذكر

    الاقامة : المعادي

    السيارة: بيجو

    السيارة[2]: بيجو

    الحالة : احمدطه غير متواجد حالياً

    افتراضي -

    hasad">

    السلام عليكم ورحمه الله
    انا امتلك سياره بيجو 307 واريد ان اخبركم عن اسوء تجربه حدثت لي في صيانه السياره كنت بعمل صيانه السياره عند مركز بيجو للشيخ علي بالمعادي وعندما قررت ان ابيع السياره اخذت الزبون وذهبت للكشف عنده وهذا شئ طبيعي لان الزبون سالني بتعمل صيانه فين المهم عندما ذهبت بدا الصنايعي اللي عنده في مركز المعادي يكشف علي العربيه ويقول للرجل السياره تحتاج علبه بيئه وانا لمبه علبه البيئه في التابلوه مش منوره استغربت ثم بدا يقولو العفشه مش اصلي استغربت شئ طبيعي لما بعمل عفشه للسياره وبجبها جديده مش استيراد لاني مش بحب الاستيراد مبتبقاش اصلي وطبعا الولد اللي اسمو احمد ده للعلم بيجيب عربيات حوادث ب 50 الف جنيه ويشدها علشان طبعا دي لعبتو وهو حاليا معاه عربيه 307 سوده هاتش باك واقسم بالله انا شفتها قبل التصليح وانا بصين عربيتو عندو مركبلها نص امامي المهم بعد ما خرب عليا بيعه العربيه لاسباب انا مش فاهمها اعطا للرجل اللي معايا رقمو علي انو هيجبلو عربيه احسن طبعا هو قصدو علي عربيتو السوده اللي شاددها ومظبطها ورجعه زيرو بعد ما غيرلها نص امامي للاسف المكان في المعادي مركز الصيانه خرب بعد ماتركو الشيخ لشويه العيال النصابه دي احمد واخوه التوئم خدو بالكو بس انا حبيت اعرفكو حتي بطلو يطلعو فواتير مطبوعه باسم المكان زي زمان معرفش ليه المركز اصبح زباااااله

    التعديل الأخير تم بواسطة احمدطه ; 17-02-2019 الساعة 12:18 AM سبب آخر: مركز اوتو سنتر الشيخ علي زباله ومش بيفهمو حاجه



 

المواضيع المتشابهه

  1. عاوز مركز صيانه ضرورى فى المعادى او صقر قريش
    بواسطة ahmed ashraf 2 في المنتدى فــــولكـــس
    مشاركات: 4
    آخر مشاركة: 25-12-2019, 05:26 PM
  2. مشاركات: 3
    آخر مشاركة: 06-08-2017, 06:29 AM
  3. سؤال عن مركز خدمه نيسان متكامل فى المعادى صقر قريش
    بواسطة o0Hanafi0o في المنتدى نيـــــــــسان
    مشاركات: 6
    آخر مشاركة: 27-11-2014, 09:33 AM
  4. حدث في سيرفس سنتر المعادى ( تجربتى في الكشف على فيرنا مستعملة ) والدروس المستفادة
    بواسطة amrelsaqqa في المنتدى المنتــــــدى العـــــــــــام للسيــارات
    مشاركات: 23
    آخر مشاركة: 14-08-2012, 12:52 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2