فيلم غزل البنات : مشهد نجيب الريحانى وليلى مراد و سليمان نجيب بعد مااتهموه بسرقة الأسورة مشهد ونموزج للبنى آدم المقهور وهو بيبكى وبيقلع هدومه عشان يثبت برائته .
فيلم لعبة الست : نجيب الريحانى مع تحية كاريوكا فى المشهد اللى كانت بتساومه عشان يطلقها .
عرض للطباعة
فيلم غزل البنات : مشهد نجيب الريحانى وليلى مراد و سليمان نجيب بعد مااتهموه بسرقة الأسورة مشهد ونموزج للبنى آدم المقهور وهو بيبكى وبيقلع هدومه عشان يثبت برائته .
فيلم لعبة الست : نجيب الريحانى مع تحية كاريوكا فى المشهد اللى كانت بتساومه عشان يطلقها .
10 things i hate about you مشهد اما heath ledger كان بيغني can't take my eyes off of you في الملعب .
و فيلم white chicks اما كانوا بيرقصوا و الناس عجبهم .
و فيلم eurotrip بس مش هقدر أقول المشهد بصراحة .
Chaos
Usual Suspects
Pit Fighter
من أبدع الأفلام اللى شفتها فى حياتى
فيلم A walk to remmber
الفيلم كلة حلو فعلا بس في مشهدين
المشهد الاول: هو مشهد الاغنية التي تغنيها mandy moore علي المسرح للبطل shane west الاغنية اسمها only hope
المشهد الثاني :هو مشهد shane west و هو سايق العربية و راجع من عند والدة في هذا الحين ادرك انة مفيش في ايدة اي حاجة يعملها عشان يساعد mandy moore (كانت مصابة بالسرطان) و انها عاجلا ام اجلا سوف تلقي مصيرها المحتوم
No country for old men
لما خفيير باردييم أمر بياع السوبر ماركت انه يختار أي وجه للعمله قبل ما يقتله
فيلم اسف على الازعاج بيأثر فيا جداااا كل المشاهد والله
ساعة ما قالتله ابوك مات و ساعة الاغنيه و لما كان فى الفرح و المشهد اللى بعده
بعيد عن الدراما و الاكشن والرومانسية
فيلم Ice age
السنجاب لما جاتله رفة في عينه وحس ان الجبل كله هايقع فوقيه
بجد فيلم هااااايل
وطبعا فيلم saving private ryan
ساعة ما كان القصف حواليه و هو فقد الشعور بالمكان و الزمان و بقي كل الاصوات اللي حواليه مجرد صوت خلفيه... اعتقد المخرج كان يقصد يقول انه اثناء المعركة.. لو غريزة الانسان صحيت وتجرد من اي شئ غير كونه انسان .. هايفهم هو بعمل في نفسه ايه... وقد ايه هو مش قد الحروب
المشهد التاني في نفس الفيلم لما بيضرب علي الدبابة بالمسدس
اخر حتة قي قيلم cars
فيلم اضحك الصوره تطلع حلوه للمبدع احمد ذكي الله يرحمه . الفيلم كله اكثر من رائع بس اكثر لقطه باحرص اني اشوفها مره واتنين وعشره اللقطه اللي بيروح فيها لكريم عبد العزيز في فرحه وبيضربه بالقلم ويقله الحب وعد ... كلمة انا بحبك دي عقد ...الوعد بالزواج دي وعد ......بجد لقطه اكثر من رائعه.
المبدع احمد ذكي مره اخرى متألق في فيلم هيستيريا ان لم اكن خطأ في الاسم ...مشهدين
الأول / لما عبله كامل بتقوله بحبك يا زين يا زين انا بحبك ......وبعدين بياخدها ويعزمها على فول وطعميه ......
الثاني / برضه مع عبله كامل لما بتفضل بايته في محل العصافير وهو بيجيلها اول ما الفجر يشقشق وياخدها ........مشهد بديع بجد .
نهاية الفيلم برضه جميله جداً وكلام الاغنيه واداؤه فيها اكثر من رائع لغاية دلوقتي بافتكر اوي كلام الغنيه ولحنها ( لو سألوك الناس عن ضي . جوه عيونك مابيلمعش !!! قولهم العيب مش فيا ...ده العيب في الضي . )
من الافلام الاجنبي فيلم One Hour Photo لي روبن ويليامز .
الفيلم كله رائع وقصته وتركيبته غريبه جداً لكن اللقطه الاخيره بجد اكثر من رائعه .
لما بيروح يدخل على زوج الست اللي بتيجي تحمض عنده افلام الكاميرا وهو مع عشيقته في الفندق......بيجردهم من ملابسهم ويصورهم ....كل ده قمه في القسوه طبعاً وهو كا عقاب للزوج الخائن لزوجته واللي مش مقدر لنعمة بيته وابنه واسرته ......... الاكثر ابداعا في اللقطه دي انه في الآخر هو لم يلتقط اي صوره حقيقيه لا للراجل ولا لعشيقته وهم بدون ملابس الصور كلها للحوض والبانيو والستائر...... لكن كسر نفسهم زي مانقول وعلمهم الادب .......الحقيقه مشهد اكثر من رائع وله معاني قمه في الجمال من اخلاص للزوجه والاولاد والبيت وقد ايه دي نعمه ناس كتير محرومه منها ولازم اللي يتنعم بيها يحافظ عليها جوه عنيه.............المعنى ده بجد مهم جداً .
the matrix لما مورفيوس قال لنيو "?What is real, how you define real"
the Dark Knight لما الجوكر كان بيقول لهارفي فى المستشفى "You know what I am? I am a dog chasing cars, I wouldn't know what to do with one if I caught it"
A walk to remember الأغنية اللي على المسرح only hope
Training Day كل مرة دينزل واشنطن يقول "you wonna go jail or you wonna go home"
Ace Ventura:Pet Detective جيم كاري قال الجملة اللي كاتبها في الامضاء بتاعتي اللي تحت "If I don't back in 5 minutes .... just wait longer "
http://www.imdb.com/media/rm999595008/tt0105323
:k32::k32::k32:
فيلم جعلونى مجرما : مشهد فريد شوقى داخل المسجد أكتر من رائع
فبلم الموظفون فى الأرض : مشهد فريد شوقى بالمحاكمة مؤثر جدا
فيلم باب الحديد : يوسف شاهين على شريط القطر عم مدبولى عم مدبولى .................
غيلم واسلاماه : اكلم مين من شعب مصر و رد قطز عليه بقطع الرسالة بحسم تحس فيها بالرجولة .
فيلم العذاب امراة بتاع محمود ياسين و نيلي
المشهد اما محمود ياسين راح لامة بعد ما فقد الذاكرة وهو بيسلم علي امة وهو مش عارفها
كل دة عشان نيلي قالتلو اش عرفك ان الواد دة ابنك
أكثر المشاهد التي أثرت في (وأول مشهد يبكيني) مشهد بين "يحيى شاهين" و "هدى سلطان" في فيلم قديم لا أعرف اسمه ..
"يحيى شاهين" كان يقوم بدور الأخ الأكبر الأزهري الذي يتوجه للإسكنرية لينقذ أخاه الطالب الصغير من غوايات غانية (تقوم بدورها هدى سلطان) فيجدها على فراش المرض وتقترب من الموت وتسأله إن كان هناك مجال للتوبة فيذكر لها الآية: "هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُمْ مِنَ الظُّلُمَاتِ إِلَى النُّورِ وَكَانَ بِالْمُؤْمِنِينَ رَحِيمًا (43)" من سورة الاحزاب
المشهد والأداء هايل من العملاق يحيى شاهين، وفوجئت بنفسي ودموعي تنهمر من هذا المشهد وهذه الموعظة .. بجد مذهل في نطقه للآيات وصوته وأداؤه
this scene was enough to win the oscar
he freaked me
my all time stunning scene is from Platoon
when tom bregner setup for william dafoe and left him to die while charlie sheen was searching for him to get him on the chopper
the vets was all after william dafoe shooting him while the chopper was flying and they r seeing him shot, such a brilliant scene that reflects the core of the movie....
oliver stone remains my al time fav. director
and william dafoe was a legend in this scene
من أروع الأفلام فيلم العار لنور الشريف وحسين فهمى ومحمود عبد العزيز
والمشهد إللى لازق فى الجمجمة هو لما راحو الملاحات ولقو الصفايح إنتهت ونور الشريف نزل فى الميه وحسين فهمى موت نفسه ومحمود عبد العزيز إتجن فى دماغه
حد شاف Pursuit of happyness
الفيلم كله عبارة عن أداء راقي
مش عارف ليه ويل سميث معلق معايا
اكتر مشهدين بيخلوني اعيط جداااا ..
مشهد من فيلم الجراج بتاع نجلاء فتحي لما عرفت انها مريضة وهتموت وبدأت توزع عيالها واحد واحد ..
والمشهد التاني من فيلم شادية مش عارفة اسمه وهي ماسكة المخدة فاكراها ابنها وبتغنيلها سيد الحبيب يا ضنايا انت ..
معرفش ليه كلها مشاهد متعلقة بعاطفة الامومة .. بس هي جت كده ..:11:
ده غير طبعا فيلم عن العشق والهوى بحبه كله على بعضه ..
هو فى جملة جمدة فى فيلم عمارة يعقوبيان لما عادل بيقول هند صبرى البلد مش محتاجة مهندسين البلد عايزة صيع تقريبا الجملة كانت كدة
مجموعة ضخمة من المشاهد اثرت فيا جدا : اذكر منها الآن
1- فيلم الصخرة لشون كونرى و نيكولاس كيدج: عندما كانا معتقلين داخل سجن الصخرة ونيكولاس كيدج نائم على ظهره ويعيد بأسلوب تهكمى نطق الكلمات التى قالها له الجندىالذى اعتقله عن تمزيق احشائه، ويتعجب على قدر الوحشية التى يتمتع بها بعض البشر حتى انهم يستمتعون بتمزيق احشاء بشر آخرين
2- اللقطة الثانية من فيلم انقاذ الجندى رايان: حين كان احد الجنود الألمان فى التحام بالسلاح الأبيض مع جندى امريكى نعرف من الفيلم انه يهودى، وفى اللحظة الاخيرة التى اعتلى فيها الألمانى اليهودى وراح يصارعه لاغماد خنجره فى قلبه، راح الألمانى يخدر اليهودى بكلمات هامسة اشبه ما تكون بالتنويم المغناطيسى لكى يفقده مقاومته ويستطيع اغماد خنجره فى قلبه، مشهد عجيب جدا ومؤثر جدا
3- اللقطة الثالثة هى رقصة الليزر التى اداها الممثل الفرنسى فنسنت كاسل فى فيلم اوشن تويلف لكى يستطيع عبور غرفة الليزر فى احد المتاحف للوصول الى بغيتة التى يبغى سرقتها داخل المتحف
4- اللقطة الرابعة من فيلم فورست جامب حين قام فورست(ادى دوره توم هانكس) بالجرى من شرق امريكا الى غربها ، وحين وصل للساحل الغربى وجد امامه البحر فتوقف للحظة بسيطة يفكر فيما يجب عليه ان يفعل، فما كان منه الا ان استدار وقفل عائدا الى الساحل الشرقى، فى اشاره الى عبثية الحياه والركض فيها وهو ما يدور حوله الفيلم كله
5- اللقطة الخامسة من فيلم فورست جامب ايضا، وهى لقطة الريشة الطائرة فى الهواء التى نرى معها مقدمة الفيلم واسماء فريق العمل، والتى تهبط على احد المقاعد فى حديقة عامة نرى فورست جامب جالسا عليها، وبعد ان نعيش احداث الفيلم بالكامل ينتهى الفيلم عندما يترك فورست هذا المقعد ونشاهد الريشة تطير مرة اخرى من على المقعد، فى اشارة اخرى الى ان "الدنيا ريشة فى هوا" ومرة اخرى يلمح لنا صانع الفيلم الى عبثية الحياه
6-اللقطة الأخيرة فى فيلم بروكين أرو(السهم المكسور) حين يلتقط بطل الفيلم(الذى فشلت مئة مرة فى حفظ اسمه)ورقة ال20 دولار المحترقة والتى كان قد تراهن مع بطل الفيلم الآخر(جون ترافولتا) عليها قبل صراعهم الأخير والذى ادى الى موت الشخصية التى يؤديها جون ترافولتا وانفجار القطار الذى كانا يتصارعان فيه، كانت هذة الورقة من فئة العشرين دولار محل رهان بين البطلين فى بداية الفيلم فى مبارات الملاكمة بينهما والتى كانت تحسم دائما لصالح جون ترافولتا(الشرير فى الفيلم)والذى كان دائما(كعبه عالى) على البطل الآخر ودائما يعايره بقله حيلته، تأتى تلك اللقطة الأخيرة لتشعر المشاهد بالأمل فى الخير وفى الجانب الطيب
7- اللقطة الأخيرة من فيلم الأرض والتى يموت فيها محمود المليجى وهو يسحل على الأرض جرا وراء حصان الضابط
8-لقطة مرحة جدا من فيلم غريب فى بيتى، حين تقوم سعاد حسنى باغلاق كافة الأبواب فى الشقة لتمنع نور الشريف(شحاتة ابو كف ) من دخول المنزل وبعد ان تتم كل اجراءات الإحكام المعقد تفاجأ به خلفها بعد ان دخل من نافذة غرفة النوم ليخبرها بكل براءه انها بالتأكيد تمزح لأنها لو كانت جادة لاغلقت نافذة غرفة النوم فى الشقة الواقعة بالدور الأرضى
9-مشهد مقتل ابنه دون مايكل كوليونى(ادى دوره آل باتشينو) فى الجزء الثالث من فيلم الأب الروحى والذى كان يمثل شخصية غير قابلة للهزيمة، فشلت العصابات المنافسة والحكومات فى مس شعرة منه على مدى عمره كله ثم جاء مقتل ابنته ليكسره ويحوله الى شخصيه هشة مهزومة
10- مشهد اداه الممثل الرائع محمد يوسف-تغمده الله تعالى برحمته- فى فيلم صعيدى فى الجامعة الأمريكية حين كان ابنه خلف(محمد هنيدى) على حافة الفشل بعد اختلاطه برفقاء السوء وقيامه ببيع السيارة القديمة التى اشتراها له والده، حين يتحدث مع ابنه بتلقائية الفلاح البسيط ويعاتبه قائلا: بعت العربية يا خلف، ماشى يا خلف، بس لازم تعرف ان العربية دى انا بعت فدان علشان اشتريهالك، فدان ارض يا خلف
11- المشهد الختامى الشهير لمسلسل"دموع فى عيون وقحة" حين يرسل جمعة الشوان رسالته اللاسلكية التهكمية الى جهاز الموساد يشكرهم فيها على اهدائهم لاحدث اجهزة الاتصال الى المخابرات المصرية والتى انتهت بالجملة التى صارت من تراثيات الشعب المصرى(والى اللقاء فى عمليات اخرى)
12- لقطة من فيلم القلب الشجاع (بريف هارت) فى احد المعارك الأخيرة لويليام ولاس زعيم الاسكتلنديين ضد الجيش الأنجليزى حين كان يحارب فارسا يغطى وجهه بقناع حديدى وحين تكمن منه وكاد يقتله يستغيث به الفارس ويرفع قناعه لنفاجأ -ويفاجأ ويليام والاس- ان هذا الفارس هو احد نبلاء اسكتلندا والذى كان اكثر المناصرين له من بين نبلاء سكتلندا-نرى فى مشهد سابق من الفيلم العرض الذى تلقاه ابوه هذا النبيل لكى يبيع وليام ولاس وجيشه لملك انجلترا فى مقابل حصول ابنه-الفارس ذو القناع-على حكم اسكتلندا تحت امرة ملك انجلترا دون ان نعرف ماذا تم بشأن هذا العرض، وعندما نرى هذا المشهد نشعر مع وليام ولاس بمرارة الخيانة التى نشاهدها على ملامح وجهه،والتى اداها ببراعة منقطعة النظير الممثل ميل جبسون
13- مشهد من فيلم الرهينة حين يختطف الشاب المصرى"كلاوى"(أدى دوره ماجد الكدوانى) الذى يعيش وسط رفقاءه المصررين فى اوكرانيا ونعرف من احداث الفيلم انه مسيحى الديانة،ونشاهد احتداد رفقائه حول ما يجب عمله بشأن استعادته ونشاهد ثوره صديقه-المسيحى ايضا-عماد (ادى دوره محمد شرف)على مجموعة الرفقاء لما يظنه من تهاونهم فى استعادته قائلا لهم( مهو لو كان واحد منكم كنتم قطعتم الدنيا عليه لكن هو علشان مش منكم مش عايزين تعملوا حاجة) وهنا يرد عليه احد الرفقاء(نرى من احداث سابقة انه مسلم ومن اكثر افراد المجموعة تدينا وكان يقوم بامامة مسلمى المجموعة فى الصلاه) قائلا، ايه يا عماد انت اتهبلت ؟ هو من امتى كان فيه احنا وانتم
14- احد اشهر المشاهد المرحة والتى تحولت لاحقا الى جملة تراثية، اداه الممثل العظيم ستيفان روستى، فى احد الصراعات بالأسلحة النارية وعندما اصابه احد رجال مجموعته اصابة قاتلة بالخطأ قال وهو يموت بلهجته المميزة(نشنت يا فالح، استفوخص على اللى مسكهالك)
15- اللقطة الأخيرة العبقرية فى فيلم (طيور الظلام) حين كان عادل امام(والذى ادى دور السياسى الفاسد المرتبط بالسلطة) ورياض الخولى(والذى ادى دور رجل المنظمات الدينية) فى المعتقل بعد ان تصارع كلاهما طويلا على الوصول للسلطة، وحين كانا فى حوش المعتقل رأيا كرة قدم، وفى نفس اللحظة خطرت لكلاهما نفس الفكرة وانطلقا يجريان تجاه الكرة وكل منهما يطمع فى ان يصل اليها اولا، فى تلخيص عبقرى لفكرة الفيلم كله فى ان الصراع على السلطة كله(اكل عيش) وان ايا ما كان الفكر الذى يردده كل منهما فما هو الا وسيلة للوصول الى كرسى الحكم دون اقتناع حقيقى
16-احدى لقطات فيلم (ألأرهاب والكباب) حين كان الممثل والملحن عبد العظيم عبد الحق-يرحمه الله تعالى- نازلا من الاتوبيس فى حالة ثورة وصرخ يوجه كلامه الى كل راكبى الأوتوبيس"انتم كل همكم تاكلو وتشربو وتظبطوا نفسكم يوم الخميس ، ويبقى كدة كله تمام، جتكم نيلة" جملة لخصت حال الغالبية الساحقة من الشعب المصرى
17- لقطة اخرى عبقرية من فيلم الارهاب والكباب حين كان عادل امام يقوم بالاتصال لاسلكيا مع قيادات الشرطة باعتباره الارهابى المسئول عن احتلال مجمع التحرير-نعرف من الفيلم ان ما اوقعه فى هذة الورطة هو الصدفة وحدها وانه مواطن بسيط ذهاب لانهاء مصلحة فى المجمع ولا علاقة له بارهاب ولا يحزنون- وعندما يسأله ممثل الداخلية عن مطالبه ومطالب مجموعته، ويفاجأ هو ومن معه من موظفى المجمع انه لديهم فرصة تاريخية لتحقيق كل ما يحلمون به، هنا يفاجئون بأنهم لا يعرفون ماذا يريدون، وانه ليست لديهم فكرة عن اى مطالب وحين يتفتق ذهنهم عن مطالب فأن كل ما يطلبونه هو (وجبة كباب وكفتة) فى تلخيص لفكرة الفيلم الاساسية ان معظم اهل البلد سطحيين جدا ومالهمش غير فى الكلام والفتاوى طول ما ايدهم فى المية، لكن لو حانت الفرصة، ولو بالصدفة لعمل جاد فكل ما يتفتق عنه ذهنهم هو مطلب بسيط جدا يتناسب مع فكرهم السطحى
18- مشهد ثالث من نفس الفيلم العبقرى، للموظف الأسمر -والذى لم اره ثانيا فى اى فيلم أخر برغم قدراته التمثيلية المتميزة فى هذا الفيلم- والذى كان طوال الفيلم ينتقد حال المجتمع المصرى مقارنا اياه ب(اوروبا والدول المتقدمة) قائلا فى عديد من المناسبات( فى اوروبا والدول المتقدمة يفعلون كذا وكذا....من مظاهر التحضر التى نفتقد اليها) وحين طلب عادل امام الكباب والكفتة، اسرع المظف الأسمر قائلا( فى اوروبا والدول المتقدمة، بياكلو مع الكباب طحينة) فى اشارة اخرى الى انه حين اتت سيرة الطعام نسى الرجل المتشدق بالحضارة الغربية كل مبادئه ولم يتذكر سوى الطحينة، برضه فى اشارة اخرى اللى اننا شعب سطحى وبتاع كلام وبس وهو ما يدرو حوله الفيلم كله
دول اللى انا فكرهم ديلوقتى ، لكن ده لا يمنع ان فيه مشاهد كتير جدا مرحة جدا او عبقرية جدا او مؤثرة جدا اثرت فيا
اسم الممثل اللى حضرتك مش فاكره فى فيلم "Broken Arrow " هو Christian Slater
هو واضح من التوقيع و صورة العضوية إن حضرتك ضد المملكة العربية السعودية ...
يا ترى ممكن أعرف ليه ؟؟
ايوه هو الجدع ده، ربنا يسهل بقى ومتكونش المرة ال 101 اللى انسى اسمه فيها، مش عارف ليه مش عايز يلزق فى دماغى ابدا، اشكرك جدا على تذكيرى
اما بخصوص سؤالك الآخر فانا مش ضد اى حد ولا ضد اى مجتمع ولا احمل ضغينة لأى حد، لكن فقط اعبر عن اعتراضى عن اهانة بنى وطنى، بس عموما لو هنطول فى مناقشة هذا الموضوع افضل ان يكون ذلك فى موضوع منفصل او على الخاص او الميل او حتى المسنجر علشان خاطر مانخرجش الموضوع الأصلى-الخاص بالأفلام ومشاهدها-عن سياقه
لا أبدا مش هندخل فى نقاش و لا حاجة أنا بس كنت بأستفهم عن خلفية الصورة و التوقيع....
و شكرا لردك الكريم....
و حتى لو نسيت اسم Christian Slater مش مشكلة...ابقى قول لى و أنا ابقى أفكرك
هاها عمري ما هنسى فيلم What Happens in Vegas
الللقطة دي جامدة جدا لما القاضي قالهم " I don't like you, your generation,your vegas and your internet "
او : انا لا احبكم, لا احب جيلكم , و لا فيجاس بتاعتكم ولا الإنترنت بتاعكم "
ههههههههههههههههههههههههه ههههههههههه
شوف نظرته:
http://img508.imageshack.us/img508/1962/vegasdt5.jpg
خالد صالح فى فيلم هى فوضى لما قال (البلد دى فيها حكومة والحكومة دى هى انا )
بيدل على استقراطية واستبداد رجال الشرطة المحترمين اللى فاكرين نفسيهم ملائكة
اخوكم يوسف
"محدش شاف بقى يا جدعان ... أصلة كان عايز يشرب قهوة"
هوا الواحد ممكن يتسطل للدرجة دى ؟
هاهاها....الراجل شكله صاحب مزاج فى الموضوع ده....أكيد لو انت مهتم بشىء لما تيجى سيرته بتحب إنك تشارك بقلب......لو بصيت على مشاركتى برضه هتلاقيها مقال طويل عريض :wink:
على فكرة أنا كنت مستنى حد يفتكر المشهد المشهور بين Al Pacino و Robert De Niro فى الفيلم الوحيد اللى جمع بينهم " Heat " لما الشرطى عزم رئيس العصابة على قهوة فى استراحة على الطريق السريع و تبادلو الحديث....
مشهد و حوار و أداء رائع و أنا شخصيا اتعلمت من المشهد ده إزاى لازم تفرق بين الإعجاب الشخصى و الواجب الحق.....مش أى حد تعجب بشىء فيه يبقى هو على حق دائما و مش أى حد تختلف معاه يبقى لا يستحق الاحترام الداخلى لما هو عليه...
على فكرة أى نعم Al Pacino و Robert De Niro و إن كانو اشتركو فى فيلم the Godfather إلا أنهم لم يلتقو وجها لوجه و لم يلتقو فى مشهد معا سوى فى Heat و مؤخرا جدا فى " Righteous Kill "
the saint : معظم مشاهده كانت جميلة و مبتكرة و بتحسسنى انى بتفرج على رواية ممثلة من روايات رجل المستحيل لكثرة مشاهد الحركة و التنكر واماكن التصوير بأكثر من بلد للاسف الممثل على رغم شهرته دايما بأنسى اسمه
وعلى فكرة الموسيقى التصويرية للفيلم مشابهه جدا لموسيقى اجمل احساس لأليسا تقريبا توارد خواطر !! .
الفيلم ل Val Kilmer
وانا بحب الممثل ده بس للاسف توارى لفتره فى ادوار ليست جيده و لكنه عاد من جديد مؤخرا فى عده افلام جيده
ممكن تشوف فبلم اسمهFelon
و على فكره The Saint ده ريماك للفيلم القديم بطوله روجر مور
و Val kilmer لو تفتكر فيلم Top Gun كان المنافس لمافريك فى مدرسه الطيران
لا يا معلم
kevin costner لم يتوارى ولا حاجه هو فعلا قدم افلام فشلت كتير ورا بعض بس يرجع بتحفه فنيه سواء اخراج و تمثيل او تمثيل بس
اخر حاجه كانت معروضه كان Mr, Brook
فيلم روعه لازم يتشاف
و ماتنساش كيفن كوستنر على طول سوبر ستار حتى لو الفيلم فشل فال كيلمر كان وصل انه بقى بطل تالت مش تانى حتى
و نفس الموضوع حصل مع ترافولتا بس قدر يصحى تانى و يبقى سوبر ستار تانى
بصراحه انا مبتعلقش معاي مشاهد ما افلام بتعلق معاي كتب علي سبيل المثال
1- صراع الحضارات لصمريل هنتيجتون خصوصا وهو بيتكلم عن خطوط التقسيم الحضاري ررررااااائع
2-خواطر مسلم في المسئله الجنسيه لفتحي يكن خصوصا الباب المتعلق بانتصار البربر علي الاغنياء
3- مدخل الي التفكير العلمي في الاسلام مش فاكر الكاتب بصراحه بس هي في عالم المعرفه
4- صفحات من تجربتي عثمان اخمد عثمان خصوصا تجربته مع السد العالي انصحكل شاب يقراه
5- الله فكره الالوهيه عبر التاريخ عباس مخمود العقاد محتاج روقان اوي وانت بتقراه
6- روايه ساره لعباس محمود العقاد برده مذهله
7- تهافت التهافت لابن رشد جااااااااااد
8-فقه اللغه للثعالبي خصوصا ابواب وصف المراه والغلام والحب
9- اجزاء من العقد الفريد لابن عبد ربه رائع
10-النظريه الفلسفيه النسبيه الانا والاخر (بالالماني) للعبد لله بحث التخرج كل ما اقراه اكتشف اني مقصر واكتب فيه تاني
وشويه حاجات تاني بالالماني خصوصا علم الاجتماع واجزاء من نقد العقل الخاص والعام لكانت
ده الي انا فاكره دلوقتي
صراع الحضارات لصمويل هنتيجتون ماكنش كتاب
و ده خطأ شائع بيجى فى التليفزيون والكتاب و كل الناس بتقوله
صراح الحضارات ديه كانت مقاله فىForign affairs فى 1993 بعنوان Clash of Civilizations
و لما حركت مياه راقده كتير توسع فى المقاله و عملها كناب سنه 1996 والكتاب اسمه The Clash of Civilizations and the Remaking of World Order
و بعدين رد علي الفكره ديه محمد خاتمى بفكره حوار الحضارات و تبنت الامم المتحده الكلام ده و بيقولوه كل الناس من غير مايرجعوا لاصله و هو محمد خاتمى