| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية احمد الرفاعى

    رقم العضوية : 170197

    تاريخ التسجيل : 02Jan2015

    المشاركات : 2

    النوع : ذكر

    الاقامة : شرم الشيخ

    السيارة: اوبل

    السيارة[2]: فورد

    الحالة : احمد الرفاعى غير متواجد حالياً

    افتراضي تعديل فرامل الفيرنا الخلفية لسكاكين - Facebook Twitter whatsapp انشر الموضوع فى :

    hasad">

    سم الله الرحمن الرحيم
    ( طريقة تعديل فرامل الفيرنا الخلفية لسكاكين او ديسكات )
    ( على نفس عفشة وصرة الفيرنا

    معلش الشرح هيكون طويل شوية بس علشان انا كاتب فيه كل التفاصيل بدقة ومش سايب اي حاجة ممكن تكون سؤال ومحتاج اجابة .. لكن في النهايه الموضوع سهل وبسيط ..
    اولاً .. ايه اللي احنا محتاجينه ..
    1 - دوشمة النترا 2005 سكاكين كاملة ودي سعرها هيكون حوالي من 900 - 1000ج حسب التاجر
    2 - وايرين فرامل اليد الخاصين بالدوشمة ودول سعرهم حوالي 200 ج حسب التاجر يعني الدوشمتين بالوايرين مش اكتر من 1200 ج ممكن اقل
    ( ملحوظة مهمة جدا ) .. ( انا هاخد من الدوشمتين دول الطنابير والكليبرات ) خزن الفرامل ( وويرات فرامل اليد بس ) .. ( والباقي كما كنت )
    والسبب انا هشرحة في الفديو وفي اخر البوست .. المهم

    3 - طقم تيل خلفي النترا 2005 سكينه او طقم الهيونداي الكوبيه وده سعره حوالي 220 ج .. كوري
    4 - عدد ( 2 ) خرطوم فرامل خلفيه ودول سعرهم حوالي120 ج .. الواحد ب 60 ج
    5 - زيت باكم حسب النوع اللي انت بتستخدمة
    دي كده الحجات اللي هنشتريها من برة ...
    6 - نيجي بقي لشغل المخرطة..
    1 - عمل عدد ( 2 بالتة ) او ( فلانشه ) حديد بسمك حد اقصي ( 10 ملم ) وبحد ادني ( 9 ملم ) وطول ( 19 سم ) وعرض ( 15 سم ) وهنسيب مسافة ( 5 سم ) من طرف الفلانشة ونعمل فتحة علي المخرطة بقطر ( 60 ملم ) وبعدين نعمل اربع فتحات لأماكن مسامير التثبيت واماكن مسامير الكليبرات ببنطة ( 11 ملم ) ودي مش هاعرف اشرحها كتابة لازم عملي وده واضح في الفديو ..
    والفلانشتين دول بالشغل اللي فيهم هيتكلفوا حوالي ( 100 او 150 ج ) حسب المخرطة او الصانيعي ..
    2 - عمل ( جلبتين ) او ( رينجين ) كل واحد وحسب مايسميهم .. بسمك ( 5.6 ملم ) وقطر خارجي ( 75.9 ملم ) وقطر داخلي(62.2 ملم ) ودول هيتكلفوا حوالي ( 50 ج )
    3 - توسيع مكان فتحة اكس الدوشمة اللي في صاجة الحماية .. هيا قطرها ( 42 ملم ) احنا هنخليه ( 46 ملم ) ( هتتكلف 20 ج )
    4 - مسح طنابير الالنترا الاستيراد علي المخرطة ( مهم جدا قبل التركيب ) ( ودول هيتكلفوا حوالي ( 30 ج )
    5 - بعد مسح الطنابير نيجي لأهم نقطة .. .. ازاي اعمل فتحات جديدة في طنابير الالنترا للأبعاد ( 100X4 ) علشان تركب علي صرة الفيرنا ؟؟؟
    # هنجيب صرة الفيرنا ونشيل منها المسامير بتاعتها
    # هنركب ( الجلبة ) او ( الرينج ) اللي احنا عملناها في المخرطة في صرة الفيرنا
    # تركيب صرة الفيرنا علي طنبورة الالنترا خارجيا ( تركيب شكلي )
    # عمل مضاهاة لأماكن المسامير في صرة الفيرنا بأماكن جديدة في طنبورة الالنترا.. والأماكن دي بتكون في الأماكن الفاضية مابين كل فتحة
    مسمار والتاني في الأبعاد ( 114X4 ) زي ماواضح في شرحي في الفديو

    # هنعلم علي الأماكن الجديدة في الطنبورة
    # هنعمل الفتحات الجديدة للأبعاد ( 100X4 )في المخرطة علي المثقاب ببنطة ( 13 ملم )
    ((( النقطة المهمة جدا )))
    ماينفعش تعمل اماكن المسامير الجديدة من غير ماتشيل مسامير الصرة وتركب ( الجلبه ) او (الرينج ) في صرة الفيرناعلشان هيا اللي بتعمل عملية السنتر للطنابير وتخلي نسبة الخطأ ( صفر )
    من حيث الإهتزاز او الرفة .. يعني مفيش احتمال خطأ في السنتر واحد في الألف .. والجلب دي ياجماعة معلهاش اي حمل نهائي هيا بس بتعمل عملية تصحيح لأي خطأ محتمل ..
    زي مثلاً الرينجات في الجنوط الاسبور بتتعمل علشان تملي الفراغ اللي مابين الصرة والجنط علشان الجنط مايحملش علي المسامير ويقطمها مع مرور الوقت
    وفي نفس الوقت مع السرعة العالية مايحصلش هزة او رعشة .. وفي التعديل بتاعنا هيا وظيفتها انها بتملي الفراغ اللي مابين صرة الفيرنا وطنبورة الالنترا علشان فرق المقاسات مابين الصرة والطنابير ومفيش عليها اي تحميل نهائي سواء من مسامير او صرة او جنط

    # في الآخر هنركب مسامير الصرة بتاعة الفيرنا تاني علشان احنا كنا شيلنها بس علشان نعمل كل الكلام اللي انا قولته قبل كده ..
    ((( طريقة التركيب والتعديل)))
    1 - هنفك جميع اجزاء فرامل الفيرنا
    2 - هنفك ويرات فرامل اليد بتاعة الفيرنا
    3 - تركيب ويرات فرامل اليد بتاعة الالنترا
    4 - تركيب ( البالته او الفلانشة ) الحديد اللي احنا عملناها جديدة مع مراعاة تغير الأربع مسامير الخاصة بها باطوال ( 3 سم ) ..
    (( ملحوظة مهمه هنا )) .. احنا ليه عاملين الفلانشة دي بسمك ( 9 ) او ( 10 ) ملم .. علشان تعوض الفرق اللي حصل مابين دوشمة الفيرنا ودوشمة الالنترا وفي نفس الوقت هيا شايلة ( الكليبرات ) ( خزن الفرامل ) واللي كان ليها اماكن للتثبيت في دوشمة الالنترا الأوروبي وملهاش اماكن للتثبيت في دوشمة الفيرنا علشان كده
    الفلانشة حلت كل المشاكل دي ..
    ودي نقطة حبيت اوضحها لأنها كانت هتبقي سؤال بيدور في ذهن البعض منكم ..

    5 - تركيب الصاجه اللي بتحمي الطنابير من الميه اوالطين
    6 - تركيب ( الجلبة او الرينج ) في صرة الفيرنا
    7 - تركيب صرة الفيرنا في مكانها في دوشمة العربيه
    8 - تركيب طنبورة الالنترا بعد عمل الأخرام لأمكان المسامير علي الأبعاد الجديدة زي ماوضحنا سابقا
    9 - تركيب حامل ( الماستر ) ( الكليبر ) الخلفي في الفلانشه بمسامير طولها ( 3 سم ) علشان المسامير اللي جاية في دوشمة الالنترا الأوروبي اطول فمش هتنفع
    10 - تركيب ( الماستر ) ( الكليبر ) في الحامل
    11 - توصيل خراطيم الزيت ( لخزن الفرامل ) ( الكليبرات )
    12 - اخذ الهواء من دورة الفرامل
    13 - التجربة لمدة يومين او ثلاثة
    14 - يعاد اخذ الهواء من الدورة مرة تانية لزيادة كفائة الفرامل
    ((( تعديل الماستر الأمامي ))
    1 - فك البلوف الخاصة بالفردتين اللي ورا ويتم توسيع البلفين ببنطة (1.8 ملم وبحد اقصي بنطة 2 ملم ) .. ((( انا عاملها 2 ملم )))
    2 - هنركب الفبرة الصغيرة بالسوستة بتاعتها تاني ( ممنوع تشيلها )
    3 - هنركب البلفين تاني بعد توسيعهم مع تركيب السوستة الصلب الكبيرة اللي حوالين البلف
    وطبعاً احنا عملنا الكلام ده بعد تغير منظومة الفرامل الخلفية لديسكات فأصبحت بساتم الزيت اللي ورا اكبر من السابق .. تقريباّ زي الامامية فبالتالي محتاجة لضغط زيت اكبر ...
    (( ملحوظة )) ... ممكن نشيل ماستر الفيرنا بالسيرفو ونركب ماستر الالنترا بالسيرفو .. بس انا بفضل الطريقة اللي انا قولتها علشان التكلفة وعلشان ماستر الالنترا مخارج مواسير العجل الخلفي من اسفل الماستر غير ماستر الفيرنا من اليمين فهتضطر تكسح المواسير في الحوض علشان تركب في الماستر
    ((( التكلفة )))
    التعديل كله اتكلف معايا حوالي ( 1800 ج ) كحد اقصى ودي تكلفة قطع غيار وشغل مخرطة .. والاسعار دي بسعر النهاردة 2017/5/1... وهيا بصراحة تستاهل حتى لو اتكلفت اكتر من كده انا معنديش مشكلة .. ( لأن الفرق في الفرامل هيكون كبير جدا )..
    الناس اللي هتسألني عن موضوع تكلفة المصنعيه ..
    الفكرة كلها بفضل الله من تنفيذي ومفيش صنايعي حط ايده في العربية ...

    والفديوهات دي عبارة عن اربع اجزآء بتشرح كل الكلام اللي احنا قولناه .. (

    هتلاقي دوشه احياناً في الفديو بسبب تصويري في الشارع معلش بس ماكنش فيه طريقه غير كده ..

    الجزء الاول والثاني ..
    https://youtu.be/GJa9ZTmBe1Q
    الجزء الثالث ..
    https://youtu.be/94Y-scTIQlo
    الجزء الرابع ..
    https://youtu.be/aNjROerayIE
    الجزء الخامس ..
    https://youtu.be/XUjLqVDinPg
    .... وفي كمان ملف ( PDF ) ������������
    عبارة عن ورقتين علشان لو حابب تطبع الفكرة علي ورق هتكون مرجع للخطوات واسرع واسهل في القرآءة والتنسيق من الهاتف ...

    https://drive.google.com/…/0B7k2u3EqXP-qbW4wdlJQaGRNa…/view…
    ((( دلوقتي احنا خلصنا كلام عن التعديل ))) ...
    (( السؤال الاهم في الموضوع ������������������������ )) ..
    ليه احنا مركبناش دوشمة الالنترا او صرة الالنترا ابعاد ( 114X4 ) ...وعدلنا علي دوشمة الفيرنا وصرة الفيرنا ..
    اول سبب من وجهة نظري .. علشان تقدر تستفيد من الجنوط اللي عندك ابعاد ( 100X4 ) ومش 8 خرم
    ثانياً .. صرة الفيرنا قطرها الداخلي ( 28 ملم ) واكس دوشمة الالنترا قطره ( 32 ملم ) والعكس صحيح .. صرة الالنترا قطرها الداخلي
    ( 32 ملم ) واكس دوشمة الفيرنا قطره ( 28 ملم ) يعني مش هينفع اي حاجة تركب علي التانيه .. لازم كل صرة تركب علي الدوشمة الخاصة بيها ...

    1 - مساعد الالنترا مختلف تماماً عن مساعد الفيرنا
    وده علشان .. مساعد الالنترا موجد فيه مكان لتركيب تيش عمود الميزان الخلفي وده مش موجود في مساعد الفيرنا علشان تيش عمود الميزان راكب في مكان مخصص ليه في الدوشمة بتاعة الفيرنا وده غير الفرق في الشكل والطول ..
    2 - شدادات الجنب بتوع دوشم الالنترا مختلفة في الطول والشكل
    3 - عمود الميزان الخلفي للفيرنا مختلف عن عمود ميزان الالنترا ..
    4 - اتياش عمود الميزان الخلفي للفيرنا مختلف عن اتياش عمود الميزان بتوع الالنترا وده زي ماوضحت قبل كده علشان ليهم مكان في المساعد بتاع الالنترا ..
    5 - عمود الشداد اللي بالطول في دوشمة الالنترا مختلف في الطول فممكن يخلف معاك زوايا ..
    6 - وحتي لو نفع ان احنا نركب دوشمة الالنترا علي نفس شدادات الفيرنا هتبقي برضه مشكلة تيش عمود ميزان الفيرنا مالوش مكان في دوشمة الالنترا
    ولو غيرت المساعدين والاتياش وعمود الميزان وركبت بتوع الالنترا مش مضمون ان ابعاد الاجزاء دي هتركب من غير مشاكل ..

    والكلام ده كله اتضح لي من خلال التجربه الفعلية ..
    اخواني الكرام التعديل اللي انا عملته ده من وجهة نظري وبشكل قاطع هوا الافضل واقل تكلفة من اي تعديل تاني علي نفس الوضع لأني لقيت ان مش هينفع يكون غير بالشكل ده ....
    يارب اكون قدرت اوضحلكم كل حاجة وتكونوا قدرتوا تستفيدوا من الموضوع ..
    في النهايه الاعضاء الكرام عايز اقول حاجه اخيرة ..
    اي تعديل .. له مؤيد ومعارض والتجربه مش فرض علي اي حد .. الموضوع ده انا نفذته بعد بحث طويل في كل حاجة متعلقة بنظام الفرامل لاكثر من شهرين بمجهودي الشخصي بفضل الله دون تدخل من اي حد علشان ابقي عارف ايه اللي اتعمل في عربيتي .. نصيحتي الاخيرة .. لو هتعمل التعديل اختار الصانيعي الصح قبل ماتشتري مسمار .. ..
    وانا آسف على الإطاله في الشرح ...
    وتحت امركم في اي سؤال لو فيه حاجه مقدرتش اوضحها ...
    احمد الرفاعي 01001500558
    بشكركم جميعاً ..
    وبالتوفيق للجميع انشآء الله
    واللينك ده في جميع الصور علي صفحتي علي الفيس لاني معرفتش احملهم للاسف لانهم حوالي 30 صورة
    https://www.facebook.com/ahmed.sharm.7393/media_set?set=a.195512884314771.1073741831.1000156 81810773&type=3&uploaded=35


    تم بحمد الله


  2. #2

    الصورة الرمزية Moustafa Hola

    رقم العضوية : 195121

    تاريخ التسجيل : 24Dec2016

    المشاركات : 3

    النوع : ذكر

    الاقامة : Monofia

    السيارة: VERNA

    السيارة[2]: FAIT 131

    الحالة : Moustafa Hola غير متواجد حالياً

    افتراضي -

    hasad">

    الله ينور عليك , شغل عالى , ومجهود جبار
    جزاك الله خيرا



 

المواضيع المتشابهه

  1. تم بحمد الله تعديل الفرامل الخلفية لانوس لسكاكين
    بواسطة hon في المنتدى دايــو+شيفرولية لانوس
    مشاركات: 25
    آخر مشاركة: 21-05-2017, 11:27 AM
  2. مشاركات: 112
    آخر مشاركة: 10-11-2015, 11:29 AM
  3. تعديل فرامل الياريس الخلفية
    بواسطة swimmer25 في المنتدى تـويوتـــا
    مشاركات: 0
    آخر مشاركة: 30-04-2013, 01:15 PM
  4. مشاركات: 1
    آخر مشاركة: 14-07-2012, 08:54 PM
  5. اخيرا تعديل فرامل الفيرنا امامى وخلفى (سكاكين)الى فرامل رياضية
    بواسطة h_haitham في المنتدى تعـــديل الســـيارات و الإضافات
    مشاركات: 14
    آخر مشاركة: 25-06-2012, 09:24 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2