الموضوع: أستفسار عن شراء عربية من بورسعيد

تحية لجميع المشاركين فى الموضوع ،
بالنسبة لموضوع عربيات بورسعيد مغيش قدامك حل غير عربيات المعاقين ودى بعد دفع فلوس للمعاق و دفع الجمرك لفك الحظر علشان تنقلها بأسمك بالأضافة الى بعض المصاريف لزوم الرش وخلافه بتبقى أغلى من مثيلتها المستعملة فى مصر لكن الميزة الوحيدة هيه الحالة الجيدة نتيجة استعمال الخارج والمواصفات الأوربية أو الأمريكية اللى بتختلف عن المصرية وده ما يمنعش ان فيه مقالب زى ما بعض الأخوة المشاركين أشاروا ، اما حكاية منطقة الأستثمار فدى منطقة جمركية لتخزين السيارات قبل تخليصها ، والحكاية باختصار ان الدولة ما بتسمحش بدخول عربيات مستعملة الا فى عدة حالات محددة : التربتك ، ومع المقيم فى الخارج عند عودته بشرط ان يكون هو المالك الأول لها ، وسيارات خاصة بالمعاقين ( وهى سيارات عادية ويتم تجهيزها فى مصر وتركيب الأدوات المساعدة ) ، وأخيرا السيارات التى تحمل لوحات بورسعيد المنطقة الحرة ودى أقل حاجة فى موضوع الرسوم لأنها ما بيتدفعش عليها جمرك بس لازم مالكها يكون من بورسعيد ومقيم فيها من مدة طويلة وبيتعمل تحريات وأوراق كتيرة لأثبات الموضوع ده ويشترط لكل أسرة سيارة واحدة وما ينفعش يقودها حد غير صاحبها ولا بتوكيل وما ينفعش تخرج بيها من بورسعيد اكتر من 3 شهور فى السنة .
أرجو انى ما اكونش طولت ويكون الموضوع بقى واضح بالنسبة لحضرتك ، وده برضه حسب المعلومات اللى عندى ، وطبعا برضه الله أعلى وأعلم
وتمنياتى للجميع بالتوفيق

الجشع وراه ناس ماسكة البلد وى متحكمين فيها مش بس عربيات دى حاجات كتيرة تانية
يبفى بايظة بايظة .... وى بكرة تشوفوا

انا من بورسعيد الجولف 3 فيه عيب الماكينا بتدخل الجمرك 1600cc بيشيلو الماكينا ياحتو 1400ccدا بة بخلي الماكينا ضعيفة جدا علي البدي لو عاوز تافهم اكتر رقمي 0122568133

ياريت تنورنااااااااا اكتر يااخ dodoloin22وتشرح اكتر

يعني السيارة 1600cc ممنوع تدخل فبيشل الماكينة ويحتو الماكينة 1400cc عشان تبقة منطقة حره بورسعيد تدخول بالماكينة 1600cc في حالةا لمعوقين عاوز تفهم اكتر اتصل علي تلفوني الخاص رقم 0122568133 او 0122722274