بيجو 406 2004 بس فيها مشكله و مش عارف حلها

السلام عليكم أعضاء الجروب الكرام انا عندي عربيه بيجو 406 2004 بس فيها مشكله و مش عارف حلها .. العربيه من بيجي شهرين الكمبيوتر حصلت فيه مشكله و لقي الكهربائي رشاشاشين قاطعين الكهربائي و صل الأربعه علي الاتنين الشغالين. . اسبوع و الكمبيوتر اتحرق جبت واحد تاني و برمجته .. و شويه كتاوت النور الي في علبه الكتوات الاماميه اتحرق ..غيرتها . شهر وبدأت العربيه تهيس تطفيي لوحدها و الاقي عداد الحراره طالع نازل بمزاجه.. و لما يجي علي الصفر العربيه تقطع لحد ما تطفي و الاقي أثناء التقطيع دخان اسود طالع من الشكمان .. ادور تاني تدور تمام شويه و تحس و انت ماشي أنها عايزه ترجع لوره تحس أنها بتشحر ..مع العلم اني لسه مركب لها مكنه استيراد ..جديده ... حد يقولي اعمل ايه انا خلاص هتجنن

ملف مرفق 16232

مرة كنت عايز اغير فلتر بنزين عند ميكانيكى فى البلد..الميكانيكى عارف انه شاطر بس لقيته قال مش هعرف و غير زيت بس.....احترمته

حضرتك رايح لحد يلعب فى الكونترول و الانجكشن و بتسأل تعمل أيه

أبسط حاجة اللى الميكانيكى اشتغل فيها و ما يعرفهاش ان كارتة الكونترول اللى انت غيرتها بتبقى مقفولة و عليها شفرة و لما بتجيب واحدة جديدة لازم تحط عليها الشفرة القديمة و الا التكييف مش هيشتغل و شوية تهييس فى حاجات معينة

ترتيب الرشاشات كمان فى العربيات الفرنساوى عكس الترتيب العام للعربيات يعنى رشاش رقم واحد هو اللى ناحية الفتيس !!

موضوع ان يشغل العطلان على اللى شغال معناه إهدار بنزين لان بيخلى الرشاشات فاتحة على طول بيعمل لك مسكن بدل حل العطل بدل انه يقول ما اعرفش

فسئلوا أهل الذكر إن كنتم لا تعلمون

روح لحد متخصص بيجو فقط علشان تستريح و توفر فلوسك و تعبك