ارجو المساعده في اقرب وقت يا مهندسين نايل موتورز

السلام عليكم ورحمه وبركاته
انا عندي مشكله ازليه ومش عارف احلها بقالي 5 سنوات انا معايا عربيه شيفروليه سبارك لايت موديل 2011 وماشيه 40000 كيلو انا الحمد لله اول ما جبت العربيه مفيش شهر والحمد لله عملت بيها حادثه محترمه واحد رمي عليا فطلعت من الجنب الشمال اللي ناحيه السواق فوق الرصيف والعربيه اتقلبت والحمد لله طبعا الحمد لله العربيه بعديها صلحتها ورجعتها زي الفل ومغيرتش حتي سقف ولكن طبعا العفشه من تحت خصوصا ناحيه الشمال اتبهدلت والكوبلن نطر من مكانو بعد كده غيرت طبعا مقص وشمعدان باين وقنطره وحاجات كتير لغايه ما وقفتها علي حيلها المهم بعد كده واجهتني مشكله ازليه اللي هي كل ما اغير كوبلن خارجي مافيش اسبوعين او 3 اسابيع شهر بالكتير ويطقطق تاني اغيرو تاني الاقيه بردو مفيش اسبوعين يطقطق تاني قولت لازم اشوف حل روحت للاسطي حماده امام اللي في المنيب بتاع العفشه وهو راجل المفروض انو بيفهم قالي القنطره عندك من تحت مخبوطه جامد ومضروبه والشداد كمان بايظ وضعيف ومفتول هاتهم استيراد والعربيه هتبقي فل روحت الحرفيين وجبت قنطره عنب وشداد زي الفل وركبتهم وفعلا القدام كانو متبهدلين اظاهر فعلا مكانتش غيرتهم وقت الحدثه لاني ساعتها كنت بحاول الم الليله المهم بعد ما ركبتهم جبت كوبلن وركبتو بس الاسطي حماده قالي العجله الشمال مرحله بتاع سنتي لورا روح اعملها زرجينه واظبتها وروحت عملت كده وبعد كده العربيه مشيت معايا شويه حلوين بتاع اربع شهور ورجع الكوبلن يطقطق تاني ظلوقتي غيرتو لسه في اخر رمضان وديت العربيه عند واحد بتاع كبالن بس وغيرهولي وركبلي واحد استيراظ وفعلا كانت العربيه مظبوطه كده وماسكه روحها بعد ما عملو وحسيت ان المرادي مش هطقطق تاني بس هو قالي ابقي اظلدبك زوايا وكمان العجله كانت مرحله بردو وانا ولا ظبطت زوايا ولا عدلت الترحيله بس ده ملوش علاقه المفروض ولو حتي ليه علاقه مش هلاقيه بيطقطق بعديه ب3 اسابيع مش للدرجادي ودلوقتي انهارده لقيتو بيطقطق تاني ....بجد انا تعبت يا جماعه كل ديه فلوس علي الارض وكمان انا اتقغلت من العربيه ومش عارف اوصل لحل ......ارجوكم ارجوكم ساعدوني يا جماعه وقولولي اعمل ايه واسف بجد علي الاطاله