استفسار عن كيفية عمل adaptation ل البوابة الكهربا لانسر 2400

**svneleven** · 21-07-2017 08:10 AM

حد يعرف طريقة عمل adaptation او reset لبوابة كهربا ل عربية لانسر 2400 موتور 4G69 ؟ علي النت موجود للعربيات الالماني لكن لانسر لا للاسف.

**ahmed_eng2001** · 23-07-2017 08:47 AM

البوابات الكهربا بتحتاج جهاز يعرف يتعامل مع كمبيوتر العربية .... و فى الغالب ده بيكون جهاز كشف الاعطال
متابع معاك

**svneleven** · 23-07-2017 08:52 AM

فعلا ناس قالتلي كده لكن الميكانيكي عملها مرة من غير اي جهاز لكن للاسف كنت بشتري حاجه للعربية و ما شوفتش عمل ازاي بالظبط. المشكلة ان العربة كانت مخنوقة و مش بتجري جريها المعتاد و بعد ما عملها العربية اتحولت و بقت تمام لكن بعد فترة رجعت تاني زي ما كانت مخنوقة و عرفت من الناس ان احتمال عشان سواقتي معظمها في الزحمة ووسط البلد. عامة شكرا علي اهتمامك.

**ahmed_eng2001** · 23-07-2017 05:11 PM

العفو يا فندم .... دى مشكلة كبيرة موجودة ......

هو ممكن يكون نظفها .... انما يعمل ايدل ليرن لبوابة كهربا بايده ؟؟!!!!! انا مسمعتش عن الموضوع ده قبل كدة و بصراحة مش مقتنع بيه

**svneleven** · 24-07-2017 07:30 AM

هو مش ايدل ليرن بالظبط لان البوابة الكهربا مافيهاش ايدل اساسا لكن انا كنت بشتري حاجات للعربية و رجعت لقيته فاكك العمة و قالي ادوس بنزين للاخر و خليني شوية و افتح الكونتاكت المهم حسيته بيعمل حاجه لكن للاسف مالحقتش القط الموضوع كامل لكن متاكد انه عمل زي ريسيت او حاجه كده لان كان في فرق واضح بعد ما خلص. طبعا سالته و قالي ما تشغلش بالك المهم هتلاقيها ظبطت و فعلا طلعت جربت لقيتها ظبطت. عامة انا هروحله و احاول افهم الموضوع من الاول.

**ahmed_eng2001** · 24-07-2017 07:28 PM

الايدل ليرن معمول للبوابات الكهربا فى الاساس .... البوابة بتكون مفتوحة فتحة صغيرة خالص تسمح للهواء بالمرور فى حالة الايدل ... و بتفتح اكتر بناء على اوامر من كونترول العربية ... العربيات دى بيكون فيه حساس تحت دواسة البنزين و هو الى بيحس بضغطة رجلك و ينقل الاشارة للكونترول و بالتالى للبوابة
احنا فى انتظار زيارتك للميكانيكى