الموضوع: كل ماتريد أن تعرفه عن هوندا سيفيك 2005

جزاك الله خير بس هل يوجد ال
abs
ولو كان موجود ازاي اتأكد ان السياره فيها النظام ده
وزي ما قولت لحضرتك هيا من بره وجوه زيروو والصالون بتعها مفيهوش غلطه وحده ومفيش حتى حكه في البدي من بره وراكب فيها جنط 16 ما شاء الله عاليها يعني :)
انت شايف انسب سعر ايه بأمانا
يعني هي سعرها كام اصلا في السوق عرفني الحياه مشيه ازاي برده علشان اكون فاهم وانا بتكلم معى الشخص صاحب السياره

وربنا يباركلك في سيارتك ويحفظك من شر الطريق .

المشاركة الأصلية كتبت بواسطة mshamy

بسم الله الرحمن الرحيم

السلام عليكم و رحمة الله و بركاته

تقرير عن سيارتي الهوندا سيفيك 2005 exi

1- معلومات عامة: هذا الجيل من السيفيك بدأ إنتاجه في سبتمبر عام 2000 بشكل جديد و تم عمل تعديلات facelift في موديلات عام 2004 و 2005 و التي تعتبر أخر سنة لانتاج الجيل السابع. وتم طرح طرازين خليجي للسوق المصري lxi و exi بسعة لترية 1.5 و بشكل عام فإن شركة هوندا أنتجت من هذا الجيل طرازات مختلفة بمحركات متعددة نذكر منها على سبيل المثال موديل ال vti الخليجي بسعة 1.6 و موديل هاتش باك أوروبي بسعة 1.4 و موديل type r بسعة 2.0 و موديل كوبية أمريكي بسعة 1.7 و طبعا كل موديل له كمالياته و مواصفاته القياسية على حسب التسويق.

صورة لموديل 2001-2003


لاحظ ال face lift

صورة لموديل 2004-2005


2- المواصافات القياسية:
المحرك: سعته : 1.493 بقدرة 110 حصان و 4 سلندر 16 صباب و كامة علوية واحدة sohc
نسبة الإنضغاط: 9.0

ناقل الحركة: أوتوماتكي 4 سرعات
التجهيز: الإندفاع بالعجلات الأمانية
التعليق: مستقل أمامي و خلفي
الفرامل: الأمامية ديسكات و الخلفية طنابير و لا يوجد abs حيث انه يتوافر في الموديلات المزودة بفتحة سقف فقط (الخليجي)
الوزن: 1170 ك
الأبعاد: الطول:4.435mm العرض: 1.720 mm و الإرتفاع 1.440mm قاعدة العجل 2.620mm
السرعة القصوى: 180 كم/س
التسارع: من 0-100 في 11 ثانية
سعة تنك البنزين: 50 لتر
مقاس الإطارات: تجهيز المصنع 184/70 r14 وقد قمت بتغيير الجنوط الى 15 و إطارات 205/60 نانكانج و الموضوع كله اتكلف 3500 جنية "1900 جنط + 1600 كاوتش"
الوقود : ينصح باستخدام و قود خالى من الرصاص بدرجة أوكتين 86 أو أعلى
الأمان: السيارة مجهزة بعدد 2 وسادة هوائية "تأتي أختيارية بالنسبة لدول الخليج" و السيارات التي بها وسائد هوائية يكون شعار الهوندا على عجلة القيادة معدني و التي لا يوجد بها وسائد هوائية يكون شعار الهوندا مطبوع و ايضا نظام إيموبليزر و إنذار ضد السرقة و ريموت كونترول " تغلق السيارة ذاتيا بعد 30 ثانية من فتحه بالريموت في حالة عدم فتح الأبواب" و إمكانية غلق التحكم في النوافذ الكهربائية و صفارة تنبة للسائق في حالة عدم ارتداء حزام الأمان كل 60 ثانية و طبعا صفارة تجاوز ال 120 ك/س
لون الفرش: يوجد ثلاثة الوان الرمادي و البيج و هما أكثر اللأوان انتشارا و الأسود في vti و سيارتي رمادي
الكماليات: السيارة كانت مجهزة براديو كاسيت و سي دي هوندا + أربع سماعات إقتصادية "قمت بتركيب أجهزتي الخاصة" و هي عبارة عن راديو كاسيت بايونير و سي دي تشانجر 12 أسطوانة و أيضا سي دي mp3 بلوبونكت و به كار كيت بلوتوث و usb و سماعات سوني 200 وات
و يوجد بالسيارة أضواء للقراءة غير نور الصالون الذي ينطفئ تدريجيا عند الدخول أو الخروج من السيارة وإمكانية تقسيم الكنبة الخلفية
و التحكم في مستوى إرتفاع مصابيح السيارة
مخدع لذراع السائق و ده أختياري قمت بشرائة من التوكيل ب 385 جنية و تم تركيبة في أرابكوم ب 50 جنيهو إمكانية تحريك المقاعد الأمامية في ثلاثة اتجاهات "أعلى و أسفل و أمام و خلف و الظهر للخلف و الأمام"
مصابيح ضباب أختيارية و قمت بشرائها من محل كماليات " يوجد نوعين بالسوق" نوع ب 500 جنية و نوع ب 350جنية و الفرق واضح جدا بين الأثنين من حيث الخامات و التقفيل المهم انا اشتريت النظيف و قمت بتركيب زينون فيهم و بالمرة كمان ركبت في النور العالي "تكة واحدة"
3- الإختلافات بين الطرازات الموجودة بالسوق المصري
كما نوهت سابقا يوجد بمصر نوعين lxi و exi و يتميز طراز ال exi بلأتي :
1- المرايات الجانبية بلون السيارة
2- مقابض الأبواب بلون السيارة
3- العدادات المضيئة وبها حلقات نيكل
4- حلية نيكل للفتيس
5- حلية نيكل لفرامل اليد
6- إمكانية تقسيم الكنبة الخلفية
و توجد بمصر بعض موديلات exi مزودة بفتحة سقف و فرامل abs و أتذكر ان سعر السيارة بهذة الاضافات كان أزيد ب 14000 جنية من الوكيل
من مميزات السيارة :
1-استهلاك وقود ممتاز على سبيل المثال قمت بملئ الخزان و اتجهت من بورسعيد الى مرسى علم و أضاءت لمبة البنزين بعد ان قطعت 613 كم بسرعة متوسطة 120 كم/س يعني المعدل كان حوالي 6.3-6.5 لتر لكل 100 كيلو
2- تقدر تعتمد على شاسية قوي و شكل خارجي جيد جدا "2004-2005"
3 – الأرضية مسطحة للجالسين بالكنبة الخلفية و عموما السيارة أوسع من سيارات الجيل السادس
من العيوب:
1- قطع غيار غالية الثمن
2- تسارع بطيء
3- الإضاءة ضعيفة و لا يمكن تغيير اللمبات الهالوجين بأخرى أقوى يعني لازم تركب زينون لو بتسافر كتير و نظرك على قدك زي حالاتي.

بعض صور للسيارة
من الأمام


من الخلف


الصالون




بالليل




و دي بعض صور الموديلات للجيل السابع اللي مش بتنزل السوق المصري ...
كوبية 2004-2005 أمريكي



كوبية 2001-2003 أمريكي



هاتش باك type r




أرجو أن الموضوع يكون مفيد و لو أي حد عنده إستفسار أنا تحت أمره لو في إيدي

السلام عليكم ورحمة الله وبركاته
جزاك الله خيرا اخى الكريم محمد الشامى على مشاركتك الممتعة والتى تحوى خبرات وفوائد كثيرة لا يقدرها الا الذى يتفهمها ويحتاجها نسال الله ان يبارك لك فى مالك وسيارتك وان يرزقك افضل منها .
انا صراحة احب سيارات الهوندا ولكنى اجهل خصائصها ولكنى الان من خلال موضوعك هذا استفدت كثيرا من هذة المعلومات القيمة التى ان دلت تدل على مدى الخبرة العمليه والمعلومات الفنية الصحيحة ما شاء الله تبارك الله عليك.
ولكنى اطمع فى المزيد اخى خصوصا انا لم يسبق لى اقناء سيارة وكنت اامل ان تساعدنى بقدر المستطاع فى اختيار سيارة هوندا خصوصا وانا اقيم فى السعودية وقد تختلف الموديلات الموجودة هنا عما هو موجود فى مصر كالاتى:

اولاً الاكورد: الموديلات المتاحة هنا فى سوق السعودية وعلى حسب امكاناتى الشرائية هى اكورد موديل 1997 وحتى موديل 2002.سيدان

وطبعا زى ما حضرتك عارف ان موديل الاكورد 1997 يختلف عن موديلات الجيل السادس الذى يبدا من اكورد 1998 وحتى 2003 تقريبا

ثانيا السيفيك: الموديلات المتاحة عندى سيفيك 1998 وحتى 2003. سيدان

واللى نفسى اعرفة لو هختار اكورد ياترى اختار اى موديل وايه مميزاته يعنى هل كل الموديلات فيها حقن اللكترونى او ما يسمى انجكشن وهل بها فرامل مانعة للانغلاق ودا كذلك بالنسبة للسيفيك
وبعدين انا عايز عربية تسافر معايا مسافات طويله مش دايما بس تكون جاهزة لاى مشوار طويل وبعدين بعض الاخوة حذرونى من الهوندا فى السعودية قالوا قطع الغيار غاليه (دى مش مشكلة عندى) لانى بعتقد ان الهوندا من افضل سيارات اليابانية على الاطلاق وقطع غيارها بتستحمل وتعيش .
اهم حاجه انى اركب سيارة نظيفة وامكانيتها كويسة لان دا يريحك بس طبعا الفلوس بتلعب دور هنا . انا ما يهمنى الموديل يكون جديد قوى المهم ان العربية تكون نظيفة وبها امكانيات معقولة مثلا الاكورد 98 هو نفس الشكل حتى موديل 2002 او حتى 2003 تقريبا.
وكذلك فى السيفيك موديل 2001 حتى 2003 نفس الشكل زى حضرتك وضحت .
طيب ما انا ممكن اجيب واحدة سيفيك 2001 او 2002 واكيد فى توفير طبعا حالتها تكون كويسه . بس هنا المهم انه يكون فيها الاوبشن اللى انا عايزة .
ارجو الافادة من حضرتك وخصوصا كنت طرحت موضوع فى المنتدى بخصوص هذا الاستفسار وجزاكم الله خيرا
موضوعى فى المنتدى
http://www.nilemotors.net/Nile/114430-a.html