شباب ازاي اروح القنطرة شرق من القاهرة بالعربيه؟ و هل كوبري السلام مفتوح؟
عرض للطباعة
شباب ازاي اروح القنطرة شرق من القاهرة بالعربيه؟ و هل كوبري السلام مفتوح؟
هتاخد طريق القاهرةالإسماعيلية الصحراوى لحد الإسماعيلية ومن مدخل الإسماعيلية عند اكتر من بديل:
الاول تكمل للإسماعيلية لحد معدية نمرة 6 وتعدى القناة القديمة والجديدة بالمعدية وتاخد اول يسار لحد ما توصل القنطرة شرق
الثانى تكمل يسار قبل ما تدخل الإسماعيلية فى طريق بورسعيد لحد ما توصل القنطرة غرب ومن اول مدخل للقنطرة تلاقى طريق معدية القنطرة ودى معدية واحدة بس مش اتنين بس عيبها الزحمة بسبب ان عليها نقل ثقيل كتير أو ممكن تركن العربية فى القنطرة غرب وتعدى بمعدية الأفراد من غير عربية وده أسهل كتير لو مشوارك فى القنطرة غرب قريب مش رايح مكان بعيد
الثالث كمل يسار قبل ما تدخل الإسماعيلية فى طريق بورسعيد لحد ما توصل كوبرى السلام قبل مدخل القنطرة غرب بحوالى 5 كيلو تقريبا وتاخد أو يوتيرن عشان توصل لمدخل الكوبرى بس الكوبرى حاليا شغال من 6 ل 12 بالليل بس وبرضه عليه زحمة وانتظار كتير بسبب النقل الثقيل
وتروح وترجع بالسلامة بإذن الله