السلام عليكم و رحمة الله و بركاته

اخباركم يا رجالة عاملين ايه ؟ يا رب يكون كلو تمام. لو سمحتم انا باذن الله ناوي اشتري عربية كروز 2017 هايلاين من معرض الأبيض و انا بصراحة لما شفت العربية و ركبتها من جوا عجبتني جدا ما شاء الله و انبهرت بيها و حتى لما قريت عنها هنا في نايلموتورز لقيت ناس كتير بتشكر فيها و خصوصا ان موضوع مشكلة الفتيس و الموتور حلوها في الاصدارات الجديدة زي ما بيقولو. بس بصراحة انا مقريتش كلمة وحدة حلوة بتشكر في توكيل منصور و دة اللي مخوفني جدا جدا. هل فعلا التوكيل سيء اوي للدرجادي ؟ هل هوا لسة سيء لان البوستات اللي بقراها عنو قديمة كلها فا بقول يعني يارب يكون اتحسن دلوقتي ؟؟

اتمنى تفيدوني في العربية عموما و في موضوع التوكيل دة خصوصا. و آسف على الاطالة :)