الموضوع: سنين العمر بتجري و مش عارف اعمل ايه

المشاركة الأصلية كتبت بواسطة rotanamasoud

ياه انا فاكر البوست بتاعك قبل ما اتجوز ودلوقتى عندى ولد وبنت الحمد لله

مبروك عليك يا باشا ربنا يبارك لك فيهم بس انت جبت الملخص في الكلمتين دول انا مش لاقي عروسه بمعني الكلمه و لما الاقي واحده مقبوله و اجي نتفق منتفقش اخر 2 رفضوا من اساسه يقابلوني مش عاجبهم مكان الشقه و هو في اسكندريه في العجمي الناس بتحسسك انك واخدهم تسكنهم جوه سوق السمك

المشاركة الأصلية كتبت بواسطة rotanamasoud

الله يبارك فيك اظن اتكلمنا على الخاص وعرفتك ان ظروفى مختلفه ولو عايز نتكلم تانى نتكلم

لآ يا باشا متكلمناش علي الخاص بس بشكل عام محدش بيقدر يصدق الوضع اللي انا فيه غير اللي عايش قريب مني و شايفاني و في ناس زيي بس عددهم مش كتير و بتلاقيهم دايما في وسط زمايلهم حاله شاذه كده و تبدء الناس تقول عليهم كلام يضايق

انت اللى لازم نظرتك للحياة تتغير موضوع الجواز جزء منة حاجات حلوة والجزء التانى مشاكل .....وبطريقتك دة اى مشروع هتدخل فية هتشوفة بنظرة متشائمة .....حاول تعيش الحياة بكل ما فيها انت واقف محلك سر ان بتابع حواراتك من كذا سنة

كل انسان عندة مشاكل وعيوب مفيش حد خالى منها بس المهم طريقة معالجتك للمشاكل .....انت لازم تحاول تغير الروتين اللى انت عايشة ......شوف دكتور ....شوف حد بتثق فى كلامة واقعد معاة وحدد مشكلاتك وانت اللى لازم تحدد طرق حل هذة المشاكل ......على فكرة الجواز مش نهاية .....انت ممكن تتجوز وتفتكر ان مشاكلك اتحلت تلاقى نفسك بتلوم اليوم اللى اتجوزت فية ....خلى بالك الحياة كلها اختبارات وامتحان لقدراتك ,,,,,لازم تحاول مش مهم تنجح او تفشل ..... المهم المحاولة ,,,,,ويبقى كويس لو نجحت .....الموضوع محتاج منك تجديد روتينك ........تحياتى