الموضوع: عايز اغير الكاوتش؟؟؟

تغيير الكاوتش مش بالكيلومتر نهائي...

ارجع لكتالوج عربيتك ومواقع منتجي الكاوتش.. هتلاقيهم بيقولوا تغيير الكاوتش بحاجتين...

عُمرُه... أو حالته...


بالنسبة لعمر الكاوتش.. الفردة لازم تتغير لو عدى على إنتاجها 5 سنوات...

وتاريخ الإنتاج بيتعرف من رقم مختوم على جنب واحد من الفردة مكون من 4 أرقام.. الرقمين اللي على اليمين دول سنة الإنتاج والرقمين اللي على الشمال دول رقم أسبوع الإنتاج..



مثلا:
لو الرقم 2316... ده معناه إن تاريخ إنتاج الفردة في الأسبوع رقم 23 من سنة 2016.. يعني مابين 15-21 يونيو 2016..


أما الحالة نفسها بتنقسم لكذا حاجة...

1- التآكل الطبيعي.. وده تآكل منتظم في كل الفردة.. مفيش أي ناحية فيها تآكل واضح آكتر من التانية... ودي تعرفها لما نقشة الكاوتش تتاكل لحد ما توصل لعلامات محددة في قعر النقشة.



2- التآكل غير الطبيعي... وتعرفها لما تلاقي تآكل من ناحية معينة في فردة الكاوتش



3- أعراض التحلل ... زي وجود تشققات أو خروج بعض قطع الكاوتش الصغيرة



4- وجود عيوب في فردة الكاوتش.. زي بالونة أو انفصال النقشة أو أي حاجة غير طبيعية.




ارجع للموضوع ده بردو... شارح بالتفصيل.. بس الصور راحت للأسف.
https://www.nilemotors.net/Nile/490040-a.html (إمتى تغير كاوتش العربية !!!!!!)

...