تقرير عن تغيير شركه النت ADSL والمعاناه مع شركه Tedata
بقالى 3 سنين مشترك فى شركه TEdata اللى هى المصريه للاتصالات
كنت مشترك فى عرض بيقدم سعه تحمييل 4 جيجا سرعه تصل الى 8 ميجا بايتس ب75 جنيه فالشهر
الشركه دى واجهت معاها مشاكل كتير جدا وهى كالاتى:
* سرعه النت كانت بطيئه- اليوتيوب كان بيقطع علطول- اشتاكيت وكان ردهم ان الخط بييستحمل السرعه انها توصل ل 8 ميجا وان العيب جوه الشقه والتوصيلات الداخليه
* 3 مرات بيقطعوا عنى الخدمه بدون علمى واقدم شكوى وتطلع ان فى عيب فالسيستم بتاعهم بيلغى اشتراكات العملاء بتاعهم لوحده- واطلب تعويض عن الفتره اللى قطعوها ,,,,للاسف بادخل معاهم فى فصال كانى باشترى حاجه من الشارع
* مع كل مره باقدم شكوى بيردوا ان الشكوه هيتم اصلاحها فى خلال 48 ساعه- وللاسف مبيحصلش- ولازم اتابع بنفسى يوميا عشان الدنيا متنمش
* اقدم شكوى ان النت بطئ- هو يوم واحد السرعه تتظبط فيه وترجع تانى ريما لعاديتها القديمه
* اشتركت فى شركه اورانج ووكلتهم انهم يخلصوا اجراءات الالغاء لكن هم (Orange) واجهوه مشاكل معاهم
* لما حبيت الغى الخدمه معاهم (Tedata), ينطبق عليا مثل "دخول الحمام مش زى خروجه" - زل- اكلم شركه تى اى داتا يقولو كلم شركه المصريه للاتصالات- اكلمهم يقولو ارجع لتى اى داتا
تعال الفرع وقدم على طلب- اروح الفرع الموظف يقولى انا قدمتلك طلب على السيستم وهياخدوا 15 يوم- انا صممت انى اكتب وامضى طلب الغاء ومكتفيش بالطلب الاكترونى
*15 يوم يعدو ومفيش حاجه- اقدم شكوى تانيه.......................
فى تفاصيل كتير مذكرتهاش
المهم الحمد لله لغيت التعاقد مع TEdata فى شهر تقريبا
واشتركت مع اورانج باقه 15 جيجا سرعه 4 ميجل ب50 جنيه فالشهر
السرعه حلوه جدا والفيديوهات مش بتقطع- السرعه والخدمه مستقره
خدمه العملاء بتاعت اورانج احسن مليون مره من تى اى داتا- معاملتهم احسن وبروفيشونال فالتعامل مع العملاء
يارب اورانج تكمل كدا علطول
