الموضوع: تجربتى مع مركز سبيد سنتر

المشاركة الأصلية كتبت بواسطة haytham eid

بسم الله الرحمن الرحيم
كان ليا تجربة مع مركز سبيد سنتر لصيانة السيارات
كان عند مشكلة فى صوت طقه فى الدركسيون فى الاول تجاهلت الصوت لغاية لما بقى الصوت مسببلى ازعاج
سالت كذا حد وشوفت على النت ان دى مشكلة شائعه فى عربيتى النترا 2009
لغاية لما قررت اعالج المشكلة واشوف حلها فعرفت انها احتمال كبير من جلبة قطمة الدركسيون
فقررت اتوجه للمهندس هانى صاحب مركز سبيد سنتر
بصراحة الراجل استقبلنى بوجه بشوش وبترحب شديد
كشف على العربية وقالى ممكن متكونش من جلبة القطمه
وجه أ/ ناجى ركب العربية وجربها قالى دى من صليبة الدركسيون
توجهت للحرفيين لشراء صليبة استيراد وبعد اللف الكتير وبصراحة المهندس هانى ارشدنى لحد بيتعامل معاه هو اللى اشتريت من عنده
بعد التغيير والتربيط انتهاء الصوت وحل المشكلة لكن يبقى ان الدركسيون مش عدل زى الاول
بس ان شاء الله هبقى اعدى عليه علشان يزبط عدله الدركسيون
الملخص
1- المركز بها فنيين محترمين وعلى قدر من المهارة
2- المهندس هانى رجل محترم وفاهم فى شغله
3- اسعاره اقل من المراكز الاخرى
فى الاخر ان حبيت احكى عن تجربتى مع المركز وعن العيب اللى كان عندى يمكن يفيد احد من الاعضاء

الاخ المحترم اشكرك و شرفتنا يا فندم و انتظر مكالمتك شرفنا مره اخري لاستعدال الطاره و تحت امرك و اشكرك