سؤال بخصوص مدة تشغيل التكييف والكهرباء

السلام عليكم دلوقت انا كنت عاوز اسال انه الاوفر فى الاستهلاك تشغيل التكييف بصورة متتالية لنفترض لمدة ساعتين ام تشغيله نصف ساعة ثم ايقافه ثم اعادة تشغيله بعدها بفترة؟

يعتمد علي حجم قدرة التكيف وفترة التوقف والتشغيل
لان اي تكيف يعتبر له كمبروسور والكمبروسور يعتبر ماتور والماتور بيكون ليه تيار بدء "starting current " عند بداية كل تشغيل
وبعد كدا بيشتغل علي التيار العادي بتاعه
فلو حمل التكيف كبير فكل ما بتفتحه بداية تشغيله ممكن توصل لسبع اضعاف سحب الكهرباء وهو شغال عادي بس الموضوع بيكون لحظي يعني السبع اضعاف ديه مبتخدش نص دقيقة
فلو الفترة اللي حضرتك هتوقف التكيف فيها فترة مناسبة فهيكون اوفرلك
و لو التكيف من التكيفات اللي بتشتغل وتفصل اتوماتيك حسب درجة الحرارة تكون كويسة لك وموفرة لك لو محيط الشقة مناسب لحجم التكيف
وهتكون مكلفة لو محيط الشقة اكبر من قدرة التكيف المفروض يكيفها التكيف لان هتلاقيه بيوصل لدرجة الحرارة اللي حضرتك ضبطها عليه وبعدها يفصل وفي وقت قليل هيشتغل لان الحيز كبير عليه

والله اعلم

لى قريب عايش فالكويت, نزل مصر اجازه شهر- هو ماجر شقه هناك
من ضمن التعليمات فى عقد الايجار انه ميطفيش التكييف حتى لو هو مسافر وقافل الشقه
يخلى التكييف على 27 ويسيبه لكن ميطفيهوش

انا سمعت الكلام دا واستغربت جدا- وسالت ليه بيطلبوا منهم كدا
الاجابه:
1- التكييف لو اطفى فتره ورجع يشتغل تاى هياخد فتره طويل عشان يسقع الشقه- وممكن من كتر ميشتغل لفتره طويله بدون ميفصل هيتحرق
2- الشقه دى هتسخن وهتسخن الشقه اللى فوقيها
3- ممكن محتويات الشقه تولع وتسبب حريقه فالعماره

اعتقد, انا محسبتهاش , استهلاك الكهرباء هيكون قليل فى حاله ان الكومبريسور يشتغل ويطفى كتير
احسن من انه يشتغل فتره طويله بدون ميفصل

اقرب مثل عندى هى الثلاجه- سيبها تشتغل وتفصل احسن من انك تطفيها وترجع تشغلها تانى
المهم التكييف يتظبت على درجه من 23-26 عشان يفصل والعب فى سرعه المروحه

ايه احسن وضع لسرعة المروحة

اللى يريحك. ممكن صوت المروحه العالى على السرعه العاليه يكون مزعج وقت النوم فبالتالى هتحتاج توطيه

ومعلومه كمان الطريقه دى بينصحوا بيها للعربيات بردو (على درجه الحراره وعلى سرعه المروحه)

شكرا جزيلا لحضرتك وكل عام وحضرتك بخير