لانسر 2007 1600 للبيع

**aesaad** · 10-12-2008 02:13 PM

متشكر جداً يا Limo على إهتمامك والرد، ياريت أعرف منك على أى أساس بيتم تثمين العربية، يعنى الرقم 85 ده بالتقريب كده جه منين؟ لأن الواحد فعلاً بيبقى محتار فى الموضوع ده.
ويكون لك جزيل الشكر،

**limo** · 10-12-2008 03:08 PM

هوه طبعا الرقم فى الاساس انا قايله بالتقريب يعنى العربيه ممكن تجيب اقل او اكتر
يعنى ممكن تجيب ليك 83 او 86 لحد 80 الف ممكن تبيع هوه طبعا قليل بس مش ثمن بخس
الموضوع بيعتمد على حسب سعر الزيرو واصل كام ومدى شطاره البايع والمشترى فى الفصال,الكليو ميتر عالى ولا لأ الدواخل والخوارج فبريكه ورشه
وفى الاساس انا بقيم بناء على سعر مثيلاتها فى السوق

**aesaad** · 11-12-2008 12:12 PM

أشكرك يا Limo على إهتمامك بالرد، أنا بصراحة كان فى بالى 93000 لأن العربية فعلاً نظيفة جداً جداً وانا من النوع اللى بيحافظ على العربية فى كل حاجة سواء كانت خاصة بالشكل العام أو خاصة بالإستعمال، وهو فعلاً فيه واحد تاجر ثمنها لى بـ 90000 بناء على حالتها اللى هو شايفها، وخصوصاً كمان إن الزيرو منها دلوقتى بـ 108000، فمش عارف، لأى مدى أتمسك بالسعر ده وخصوصاً إنى مش مضطر أبيع فى الوقت الحالى، يعنى لسه قدامى كمان من شهر إلى شهرين، إنت إيه رأيك؟ هل أنتظر شوية ولا أبيع لأعلى سعر ييجى لى حتى لو كان تحت الـ 90000؟
ومتشكر على أى نصيحة لأنى طبعاً مش فى السوق ومش عارف الدنيا ماشية ازاى ومش تاجر.

**Dr Ahmed** · 11-12-2008 12:51 PM

المشاركة الأصلية كتبت بواسطة aesaad

أشكرك يا Limo على إهتمامك بالرد، أنا بصراحة كان فى بالى 93000 لأن العربية فعلاً نظيفة جداً جداً وانا من النوع اللى بيحافظ على العربية فى كل حاجة سواء كانت خاصة بالشكل العام أو خاصة بالإستعمال، وهو فعلاً فيه واحد تاجر ثمنها لى بـ 90000 بناء على حالتها اللى هو شايفها، وخصوصاً كمان إن الزيرو منها دلوقتى بـ 108000، فمش عارف، لأى مدى أتمسك بالسعر ده وخصوصاً إنى مش مضطر أبيع فى الوقت الحالى، يعنى لسه قدامى كمان من شهر إلى شهرين، إنت إيه رأيك؟ هل أنتظر شوية ولا أبيع لأعلى سعر ييجى لى حتى لو كان تحت الـ 90000؟
ومتشكر على أى نصيحة لأنى طبعاً مش فى السوق ومش عارف الدنيا ماشية ازاى ومش تاجر.

لا يافندم 93 مش هتبيع خالص مش علشان عيب فى العربية لا قدر الله لكن علشان العربية كده بقالها فى العرف سنتين مش سنة واحدة لأن موديلات 2009 موجودة علشان كده غالبا مش هتوصل ال 90
إنما اللى بيقولك 30 دا يروح يلعب بعيد لأن دا كلام فارغ مش كلام تاجر حتى فاكر إنه هيشترى لادا 2002

**Ahmed Hassan** · 11-12-2008 01:04 PM

المشاركة الأصلية كتبت بواسطة tareKnokia

انا مستعد اشتريها منك ب 30 الف وكاش

طيب يا باشا جهز "صرة الدنانير" بتاعتك علشان تلحق تخلص فيها. حاجه روشه جدا بصراحه

**ehabsayed** · 11-12-2008 01:36 PM

انا اخرج عن الادب و الاحترام و هقول للكائن اللى اسمه طارق نوكيا
ارج بره المنتدى بالزوق احسن لان ابسط قواعد الاحترام هو احترام النفس و انت لا تحترم نفسك على الاطلاق
انا هسالك سؤال فى اى فرد من افراد المندى علق على اى من موضوعاتك تعليق كويس
ياريت تنفض لنفسك احسن لانى بعد كده هيكون اسلوبى فى الكلام اسوء
ده لو انت بتحس من اصله
اعتزر لجميع اعضاء المنتدى على هذا الكلام الخارج "بستثناء طارق نوكيا انا طبعا "

**limo** · 11-12-2008 05:16 PM

المشاركة الأصلية كتبت بواسطة aesaad

أشكرك يا Limo على إهتمامك بالرد، أنا بصراحة كان فى بالى 93000 لأن العربية فعلاً نظيفة جداً جداً وانا من النوع اللى بيحافظ على العربية فى كل حاجة سواء كانت خاصة بالشكل العام أو خاصة بالإستعمال، وهو فعلاً فيه واحد تاجر ثمنها لى بـ 90000 بناء على حالتها اللى هو شايفها، وخصوصاً كمان إن الزيرو منها دلوقتى بـ 108000، فمش عارف، لأى مدى أتمسك بالسعر ده وخصوصاً إنى مش مضطر أبيع فى الوقت الحالى، يعنى لسه قدامى كمان من شهر إلى شهرين، إنت إيه رأيك؟ هل أنتظر شوية ولا أبيع لأعلى سعر ييجى لى حتى لو كان تحت الـ 90000؟
ومتشكر على أى نصيحة لأنى طبعاً مش فى السوق ومش عارف الدنيا ماشية ازاى ومش تاجر.

سعر الزيرو الان 2009 106 ممكن تخدها من بعض المعارض ب105 الف جنيه
وده موديل 2009 وانت معاك 2007
انت دلوقتى لو فى 2009 وعروض عليك عربيه 2007 زيرو لم ترخص هل هتخدها ب105 زى ال2009 ؟طبعا لا
يبقى نزل فرق موديل حوالى 5 الف جنيه +انت عربيتك ماشيه 60 الف كم فى سنه وده رقم كبير شويه +كده انت خلصت فتره الضمان

احنا نزلنا 5 الف فرق موديل على فرض العربيه زيرو
لو العربيه كسر زيرو مش معديه ال 20 الف كم ممكن تجيب 90 الف جنيه يعنى خساره 5 الف جنيه فرق موديل و10 الف جنيه استخدام بسيط
انت زى ما قولت لك عربيتك عامله 60 الف كم والحاله العامه ممتازه بس المشترى امامه فى السوق عربيه تانيه وممتازه برضو ومشايه 20 الف كم وبنفس السعر يتفتكر لو بيفاضل بين الاثنين هيتشى ايه ؟اكيد هياخد الكليموميتر الاقل

يبقى لما ننزل 5 او 7 الف من ثمن العربيه الكسر الزيرو علشان عربيتك ماشيه 60 الف كم واكيد هتلاقى واحد ابن حلال يشتريها

فى نقطه وهى الاغلبيه العظمى من العربيات الانسر المعروضه فى السوق حالتها نظيفه جدا جدا لان العربيات لسه ملحقتش تمشى ولو فيه عربيه عامله حادثه او حالتها تبعانه جدا الموضوع بيكون ليه حسابات تانيه خالص (القصد ان فرصه التميز بالحاله النظيفه مش نادره فى الوقت الحالى لان فى معروض كتير ووبحاله ممتازه )

لو فعلا التاجر جاد فى الشراء على 90 الف جنيه توكل على الله لانه كده الفرق بينها وبين ال2009 وزيرو وليها بضمان 15 الف ويبقى اسمى راكب زيرو ومش هتدفه مصاريف نقل مكيه ولا صيانه (الحاجات ده ممكن تخشلها فى 3500)

بس الفكره انه بيكون التاجر جاد فعلا انا مثلا كان عندى عربيه لانوس 99 كامله اوتوماتيك تاجر جه يسعرها قالى تجيب 46 والناس هنا فى المنتدى قالوا لى انها تسوى 45 وفى الاخر بعت ب41750

**aesaad** · 11-12-2008 10:22 PM

أنا بجد باشكرك جداً يا Limo على موضوعيتك فى الرد، أنا عارف طبعاً إن المسألة مسألة عرض وطلب، ربنا يسهل ويعمل اللى فيه الخير.
أشكرك مرة أخرى وياريت فعلاً كل الأعضاء يلتزموا بموضوعية الرد علشان يفيدوا الآخرين.

**ehabmaher** · 14-12-2008 09:10 PM

لو نويت تبيع بجد كلمنى 0103737293

**lomy1990** · 15-12-2008 10:50 AM

هما 60000 في السنتيت مش كتير أوي أوي يعني بس أنا عايز أقولك أن كان في واحدة 2008 ماشية500 كيلو كانت صاحبتها جايبها عشان تأجرها ومعرفتش إتباعت ب95000 شوف أنت عربيتك تساوي كام أنا أعتقد فرينج 80000 عشان العداد تطلع شوية بس مش كتير والله وأعلم