هل جين2 عربية عالية عن الأرض؟

**mazagnge** · 10-12-2008 01:11 AM

يا ابوبكر طريق كفر صقر عايز جرار او مدرعه من بتاع الجيش كفاية الرياح و لا الرشاح اللى في اول البلد اللى كل يومين و الثالث بتجيبوا منة حد عشان كمل طوالي بالعربية .

بالنسبة للارتفاع العربية حلوة بالنسبة ل شكاير الكيماوى ( نترات / يوريا ) ممكن تحط 5 ما يهمكاش و كمان الشنطة بتوسع عشان الكنبة بتتني عيش يا عم ممكن تربي فيها كمان .

لكن العفشة رياضية و انتم الطريق على ما أذكر من سنة كان مدغ دغ و كلة نقر فا إلي حد ما ها تحس بالطريق عن العربيات الاخري اللى عفشتها انعم .... لكن باقي طريق القاهرة - بلبيس - الزقازيق طالما متسفلت أنسي
و أعتقد ان البنزينة اللى في اول البلد فيها 92 يعنى مفيش مشاكل ، و نصيحتى لك خليك فى المانيوال طالما مقيم في البلد .

**saidbakr** · 10-12-2008 01:29 AM

:b4_611:ألا ألا دا كل حاجة على المكشوف أهه؟!!! خلاص بقى يا عم مزاجنجي باشا، بدال انت عارف السكة قوي كدة، يا مرحب بيك، بيتي قريب على السكة على طول أسأل بس اي واحد من بتوع معرض العربيات اللي في أول البلد من ناحية أبوكبير.

البنزينة اللي في أول البلد " بنزينة صلاح بدوي " ما فيهاش الا 90 و 80 بس، لكن على العموم أبو كبير فيها بنزينة 92.

**mazagnge** · 10-12-2008 01:39 AM

[align=center]هههههههههههههه

لا ياعم ، الطيب أحسن ... انا كان لى اصحاب من البلد عندك
غير انى عارف ان أجدع قطع غيار بتيجي من بورسعيد حداكم
لسة صالة البلياردو اللي في أول البلد ولا راحت عليها خلاص
بس انا بقالى زمن ما نزلتش المنطقه عندك .... لكن عموماً انا عندي مأمورية شغل
في أخر الشهر في الزقازيق و بالتالي ممكن نتقابل هناك بعد ما أخلص ، و جرب اللى انت عايزة و العب فى الكلاكسات كمان :k4: بس انا و ابو خليل و الاحرار معرفكش ، و اول شهر واحد في ميت غمر شوف اللي يناسبك و لو تيسر الامور و تمد رجلك للقاهرة لو مستعجل ... و انا تحت امرك [/align]

**aapaap855** · 12-12-2008 04:30 AM

انا لسا جاي من كفرصقر النهاردة (من اولاد صقر - كفر صقر - ابو كبير)
عديت عليعم كلهم
كنت محمل معايا حاجات كتييييييييييييييييييير
العربية بسمالله ما شاء الله مخخبطتش ولا خبطة
ولا خبطة
ولا خبطة
بكررها عشان الي مش عارف كفر صقر ومطبتها وشوارعها يعرف
(ملاحظة كنت بعدي من المطب على طول)يعني ش باجي بالورب ولا حاجة عشان متحكش

**saidbakr** · 12-12-2008 05:24 AM

المشاركة الأصلية كتبت بواسطة aapaap855

انا لسا جاي من كفرصقر النهاردة (من اولاد صقر - كفر صقر - ابو كبير)
عديت عليعم كلهم
كنت محمل معايا حاجات كتييييييييييييييييييير
العربية بسمالله ما شاء الله مخخبطتش ولا خبطة
ولا خبطة
ولا خبطة
بكررها عشان الي مش عارف كفر صقر ومطبتها وشوارعها يعرف
(ملاحظة كنت بعدي من المطب على طول)يعني ش باجي بالورب ولا حاجة عشان متحكش

الف حمدالله على السلامة. ما كنتش عارف تديني كلاكس و حضرتك في كفرصقر؟!!! بيتي جنب السكة على طول ورا معرض العربيات اللي في اول البلد من ناحية طريق ابوكبير.

**aapaap855** · 12-12-2008 05:16 PM

خيرها في غيرها يا باشا
لعلمك انا اتزنقت في بنزين 92 وانا في كفر صقر ملقتش
رحت ابو كبير لقيت خناقة ايه (جامدة جداً) قافلين الشارع بالنار ونازلين فوق بعض ضرب بالسنج والشوم
انا قات مبدهاش رجعت حطيت بنزين 90 من كفر صقر
لعلمك انا قعدت في كفر صقر سنة (1998) وكنت في اولى ثانوي في مدرسة كفر سقر الثانوية) القصر اكيد انتا عارفها
بس كنت ساكن عند المساكن الي جنب المرور
يعني بلديات

**dreamer2009** · 26-12-2008 10:38 PM

ممكن لو حد معاه العربية في بنها نتقابل و اشوفها معاه و اكون متشكر لة كثير قوي و انا كثير اعجبت بالعربية من كلام اعضاء المنتدى و تعاونهم

**formoza** · 28-12-2008 05:59 AM

و اقتباصا و اقتضائا باستاذ مزاجنجى احب انوه ان العربيه فعلا عاليه و stable كمان و اعتقد ان ده مهم و العفشه الرياضيه بتساعد العربيه انها ماتوطاش زى باقى العربيات و اقول قولى هذا و السلام عليكم و رحمه الله و بركاته