عربيتي حصل فيها ان واحد خدها ومشي بيها حتة كبيرة وهو رافع الهند مرتين ف طبعًا فضل يحرق كتير وكان ماشي علي الاول بس وحط مية علي الزيت وانا غيرتة والعربية رجعت اتركنت مكانها جيت اسوقها لاقيت العربية صوتها عالي والماتور بيرزع ومبتاخدش غيار ولا بتلقط بنزين روحت غيرتلها المارش وصلحتة وغيرتها خرطوم البنزين علشان فرقع ودلوقت المكانيكي قالي انها عايزة شورت بلوك جيت امشي بيها النهاردة وارح بيها ل ميكانيكي تاني كانت بتقطع ومبتاخدتش اي غيار واكتشفت ان الكربراتير مسدود وعايز يتنضف وان طبة الزيت واقعة وعايزة زيت مع العلم اني لسة مغيرلها زيت والمارش باظ تاني لاني كنت مطر امشي واحرق علشان ارجع بيها واركنها تحت البيت تاني ودلوقت انا مش عارف اعمل اي مش عارف اذا كانت العربية عايزة ماتور ولا شورت بلوك ولا عايزة يتغيرلها مارش ويتنضف الكربراتير ويتحطلها زيت وخلاص ولو عايزة ماتور في ناس كتير قالتلي بلاش تسقطلها ماتور سكودا تاني سقطلها ماتور جولف لانة انضف بكتير ف لو هسقط جولف اسقط موتور جولف اي وكدا ارجو الرد للاهمية لاني طالب في 3 ثانوي ومحتاج العربية علشان اروح بيها دروسي ملحوظة العربية سكودا فليشيا موديل 95 موتور 1300 cc العربية موتورها كربراتير مش انجكشن ارجو الرد لسرعة الاحتياج لها