رايكم فى هوندا سيفيك 92 كاربراتير

قدامى ex 1992
كاربراتير بفكر اشتريها
هل قطع غيار متوفرة ورخيصه جديد واستيراد
ولا نادرة
ولا غاليه
ياريت امثله مقص امامى وخلفى بكام او سير كاتينه بكام او اى حاجه وسعرها
وهل عربيه كويسه ولا خلاص راحت عليها عشان العمر

فين المتابعه

العربية ممتازة جدا ( اداء وشكل ونعومة وراحة )

الماتور الكاربراتير بتاعها مافيش منة اى مشاكل , لو هنتكلم على الكربراتير اهم حاجة يكون مظبوط عشان لو فية اى مشكلة هتجيب واحد استيراد وتمنة مش هيقل عن 700 جنية وممكن اغلى وطبعا بيتصلح عادى بس اهم حاجة يكون كل حاجة فية كويسة وموجودة عشان اى قطعة ناقصة هتبقى صعب انك تلاقيها لان الكربراتير بينزل مصر عندنا بس الدول اللى برة كلها بيكون انجيكشن

قطع الغيار موجودة فى التوكيل وفى كل مكان برة ( اصلى - يابانى - تايوانى - تايلاندى )

مقص امامى استيراد ب 400 جنية ولية جلب بتتباع لو المقص سليم

المقصات الخلفى فية عندك مقص عرضى ومقص طولى كل واحد فيهم ب 400 جنية بردة

سير الكاتينة الاصلى ب 425 بيقعد 70 -75 الف كيلو والشركات ب 200 جنية بيقعد 50 الف

تيل فرامل ب 300 جنية يابانى

اهم حاجة تركز عليها القتيس لو العربية اوتو عشان الفتيس استيراد ب 3700 جنية فلازم يكون كفائتة عالية

وطبعا الشاسية دة امر مفروغ منة وان العربية ماتكونش فيها رفايع ناقصاها عشان الرفايع بردة بتعد

احسنت قولا يا نجم النجوم اجابه وافيه وكافيه تسلم لينا يا ملك الهوندا
باقى بس تقولى سعر السليم منها بيتراوح من كام لكام لانى بشوف سعر من 65 الف جنيه الى 100 الف جنيه

تسلم ياباشا

ال ex لو ماتور كربراتير هتعمل فى حدود ال 70 الف -68 الف لو حالة كويسة ومش محتاجة مصاريف

لو فيها ماتور انجيكشن هتوصل ل 75 لو بردة حالتها تمام ومش عايزة مصاريف
اللى اغلى من كدة بتكون ال si ودية بتكون كاملة بفتحة سقف