السلام عليكم ورحمه الله وبركاته
انا اشتريت عربيه اسبرنزا 516 كانت مخبوطه والحمد لله اتصلحت وبقيت تمشى بعد معاناه كبيره جدا بس عندى فيها كام حاجه عاوز اعملهم
هى كانت بتتصلح عند ميكانيكى فى القليوبيه وانا عاوز اصلح الباقى هنا فى القاهره انا من مدينه نصر بعد المعاناه الى شفتها مع الميكانيكى ده
المهم العربيه فيها كام حاجه كده
1- الفتيس بتاعها تقيل شويه (شويه كتير ههههههه)خصوصا فى المارشدير
2-فيه صوت دردره (صوت تكتكه كده) فى العربيه لما بتتطلع بس او لو على مطب مثلا وبتطلع كده ( الميكانيكى كان قالى ان قاعده الفتيس لاقيه على القنطره ) بس انا مش فاهم يعنى اى وقالى بسيطه ابقى تعالى اعملهالك
3- عاوز مرايه يمين
4-عاوز اغير القشره بتاع التابلوه عشان مكسره شويه ( دى مش شرورى اوى عادى )
5- العربيه بتنتش فى السرعات وكلمته قالى عاوزه طقم بوجيهات
6-حاجه مهمه اوى ان اللمض فى التابلوه كلها منوره ومش بتطفى هو قالى هنوديها للكمبيوتر يظبطها بس هى مفيش اعطال متخفش
معلش انا طولت عليكم نصيحتكم ليه لانى جديد فى الموضوع ومش فاهم اى حاجه ههههههههههههههههه
الحجات دى احسن حد اعملها عنده فين وممكن تكلف كام؟ ورايكم اى فى الكلام الى الراجل بيقوله منطقى ولا بيشتغلنى ولا ايه
شكرا لزوقكم