السادة الافاضل اعضاء المنتدى
كل عام وحضراتكم بخير
توجد لدى سيارة اكسنت موديل 2006 للبيع وهى فابريكة بالكامل وبحالة الزيرو
مطلوب فيها 53500 وفيها اضافات راكبة كلها اصلية وعاملة حوالى 20000 كيلو متر وتليفونى 0121360294
عرض للطباعة
السادة الافاضل اعضاء المنتدى
كل عام وحضراتكم بخير
توجد لدى سيارة اكسنت موديل 2006 للبيع وهى فابريكة بالكامل وبحالة الزيرو
مطلوب فيها 53500 وفيها اضافات راكبة كلها اصلية وعاملة حوالى 20000 كيلو متر وتليفونى 0121360294
ممكن صور للعربيه ....
يا عم اميل ممكن صور وممكن تقسط ولا اية؟؟؟؟؟؟؟
automatic or manual
العربية 1300 مانيوال..
و مش فول اوبشن غالبا.. عشان اواخر الموديل ده كانت فاضية..
يعني تكييف بس.. حتي الباور مفيش..
انا ليا تعليق واحد.. انا لرقم اللي صاحب العربية طالبه ده يجيب للواحد فيرنا كوري ولا حتي مصري واهي موديل احدث..
السعر عالي شويتين.. و للأسف لو مكانش هينزل فيه.. مش هيعرف يبيع خالص..
انا عن نفسي باقول الكلام ده عشان انبهه عشان ياخد باله لو هو ميعرفش حال السوق دلوقتي.. مش قصدي خالص ابوظ بيعه او اخسف بتمن حاجة الارض..
و ربنا يوفق ان شاء الله.. و ييسر البيع..
ا/احمد علاوى بعد التحية والاحترام
اعرف سيادتك ان سعر العربية غير مبالغ فيه ده طبعا لان سيادتك ماشفتش العربية
اما بالنسبة للباور فطبعا كل الناس عارفة انها بدون وهى مش مستاهلة باور
وبالنسبة للسوق بيطلب فيها 55000 ومتباعة قدامى 54000 اكتر من مرة
اما لو سيادتك مش بتشترى يبقى لازمتها ايه النصيحة ولمين علما بان سيادتك قبل كدة
زعلت من غياب سياسة الاعتذار فى ميدان النافورة فى المقطم
مع الشكر وخالص تحياتى
انا مع الأخ احمد هيا ممكن تيجيب 40 الف مش اكتر
سيدي الفاضل..
انا عارف ان العربية مش محتاجة باور.. بس هي في الكماليات بتاعتها.. مفيهاش باور.. و دي حاجة انا باوضحها للي مش عارف.. مش باعيب ف العربية.. ده اولا..
هل انت نزلت السوق قريب..؟؟
انا اخر مرة نزلت كان من حوالي شهر.. و كان توب العربية ف السوق اقل من الرقم اللي انت كاتبه ده و للأسف كل شوية سعر العربيات المستعملة.. (مش كلها طبعا) بينزل زيادة..
و مش هابعد لبعيد.. هاكلمك عن عربيتي.. اللي من اخر مرة نزلت السوق.. كانت تجيب حوالي 38 مثلا.. و لكن دلوقتي في ناس بتقول لو جابتلك 37 بيع فورا.ز عشان مش هتسمع الرقم ده تاني..
الاسعار بتنزل بطريقة غريبة..يا اما الناس اللي مستعجلة علي البيع.. بيعرضوا العربيات باسعار.. اقل من الطبيعي عشان تبيع و تحلص..وده بينزل السعر عموما.. و كده بيبقي حال السوق. اللي هو مبني علي اساس العرض و الطلب..
وانا واثق ان موضوع السعر اللي هو كان في حدود 54 الف ده كان من فترة لا تقل عن شهر..
و بخصوص النصيحة.. فهي لسعاتك.. عشان موضوع البيع يبقي اسهل..
انا ولا مستفيد من البيع في شيء ولا من الشراء في شيء.. ولا هاخد نسبة.. ولا عمولة.. انا عامل علي مصلحتك.. ومصلحة اللي بيشتري من هنا..
عشان لو انت بيعتها بسعر عالي لحد هنا.. و السعر ده هو كان ممكن يشتري بيه موديل احدث.. ولا غربية افضل.. او سعر اغلي من الطبيعي بتاع العربية..
وبرضه مش هابعد لبعيد تاني..
موضوع حالة العربية.. اصل حالتها هتكون زي الجديدة..؟؟ مانا ركبتها جديدة زيرو.. و بالتالي في الحالة ي حالة العربية مش هتبقي بتفرق في فلوس..
انا باتكلم علي رينج سعر عربية يافندم.. و هاديلك مثال..
فيرنا 1500 موديل 2006 باور و تكييف ماشية 25 الف كم؟؟؟ عارف بتتباع بكام؟؟؟؟؟؟؟؟؟؟؟؟ 50 الف جنيه.. و دي مش بعيدة عني.. دي عربية واحد قريبي.. و تجيبله الرقم ده دلوقتي ف السوق.. و ممكن اكتر شوية.. يعني 50-53
يبقي ايه الكلام..؟؟
الطبيعي ان الاكسنت اللي هي شكل اقدم و كماليات اقل.. تتباع بسعر اقل..
و بالنسبة للأه خ الفاضل طارق نوكيا االلي علق بعد ردي علي الموضوع..
هي تسوي اكتر بكتير من 40 الف طبعا يا باشا..
يعني في رأيي و حالة العربية.. في حدود 48-50 الف..
لكن في اي حال من الاحوال متعلاش عن ال50.. ده رأي..
بس.. والله عجب سعاتك و اخدت بيه.. خير و بركة.. معجبش و سعاتك شايفه مش مناسب.. خلاص.. خد بالرأي اللي يناسب سعاتك..
و في نقطة تانية انا كنت عايز اكلم سعاتك فيها.. وهي سعر العربية زيرو كان كام..
لو العربية لسة ماشية ف السوق.. بيتقاس علي سعرها زيرو دلوقتي.. زي اللانسر البوما مثلا او الفيرنا.. ماشي؟؟
لكن عربية سعاتك.. مفيش منها زيرو..طيب و الحل..؟؟ هقيس علي تمنها لما كانت زيرو من سنتيبن.. كانت بكام..؟؟ انا علي ما ا>كر.. 53 الف جنيه تزيد الفين لو كانت غالية ف الوقت ده.. صح ولا انا غلطان..؟؟
و معلش انا اسف مش فاهم قصدك ايه بثقافة الاعتظار.. انا كان سبق و فعلا عملت موضوع عن المشكلة دي.. بس الوضع هنا مختلف..
لأني داخل هنا بغرض النصيحة.. و مش باغلط في حد و المفروض اني اعتذر..!!! انا داخل انصحك لوجه الله تعالي تتهاود شوية ف السعر عشان تعرف تبيع بسهولة..
و النصيحة الاهم دلوقتي بقي.. انك لو مش محتاج فلوس العربية دي دلوقتي.. انك متبيعش خالص. عشان السوق دلوقتي حاله زي ما قولتلك.. و الاسعار واقعه بطريقة رهيبة..و البيع و الشرا متلخبط جدا.. ولو تقدر تستني لحد اول السنة شهر يناير ولا حتي فبراير.. يبقي افضل.. و تشوف ايه اللي هيحصل..
وعلي فكرة.. عربيتك كده متعتبرش من العربيات اللي سعرها اتأثر بشدة في حالة السوق الحالية.. ده كده حلو قوي..
ولو تحب نقارن سعرها بالفيرنا ال1500 التجميع المصري.. تعالي::
العربيتين موديل 2006 اوك؟؟
الفيرنا كانت زيرو ف السوق ساعتها بكام؟؟ 62.5 بالظبط.. و عربيتك كانت بحوالي 53 الف.. .. هنمشي العربيتين بنفس سعر الفيرنا.ز عشان مفيش منها دلوقتي جديد..مفيش مشكلة.. لو عربية كسر زيرو كاشية اقل من 10 الاف كم.. بتنزل في حدود 6-8 الاف جنيه من سعرها الاصلي.. جميل؟؟ ماشي..
يبقي كام..؟؟
يبقي كده حوالي 55 الف.. ده كده اول كلام اهو.. طيب لو العربية ماشية اكتر من 10 الاف كم.. كده مبقتش كسر زيرو خلاص.ز السعر العادي بقي.. بتعدي 10 الاف جنيه.. حسارة في سعرها. يعني هنقول في حدود 50 الف جنيه.. و ده افضل سعر ليها.. مش هنقول اقل من كده عشان سعاتك بتقول حالة العربية تحفة..
يبقي انا مظلمتكش.. ولا نيت عليك لما حطيت حدود السعر ده.. انا مش عايز اقولك التجار بيتعاملوا مع الموضوع ازاي.. هتزعل مني جدا لو قولتلك.. عشان انا عن نفسي صدمت من الطريقة.. و اقسمت اني ماتعامل معاهم غير في اني اعرف منهمسعر عربية.. و ازود عليه 2-3 الاف جنيه عشان اعرف سعر السوق مش اكتر..
الخلاف فى الرأى امر صحى و مفيد لنا فى المنتدى بالنسبه للبيع و الشراء و المعروف ان المسأله نسبيه حسب تقبلى لموديل العربيه و لو عاجبانى مش هتفرق ألف او اتنين .
ا/احمد علاوى
بعد التحية والاحترام لشخصكم الكريم
اوكد لسيادتكم انى مازعلتش من راى سيادتك لكن فيه ناس ممكن تاخد الكلام على ان السعر مبالغ فيه جدا وده طبعا بيوقف اوبيعطل البيع وده مش هيرضيك وانا باشكرك مرة تانية لانك قلت انها تساوى 50000وعلق احد السادة الاعضاء من الاسكندرية ان العربية عاجبانى مش هتفرق الف او اتنين يعنى توصل 52000
وتفضلوا بقبول وافر التحية